係日本返工, 玩左改裝玩漂移2年, 你問我答

係咪多返人玩棍波

唔會啦, 日本而家考牌10個有9個都自動波, 新車都唔多有MT grade既考完都冇棍仔渣

響日本送外賣係咪都係斷單計？
最低幾錢單？

冇乜研究答你唔到, 而且我住個邊冇乜uber eat, 唔近市區冇乜人送

唔關日本都唔關漂移事
淨係關於改裝嘢想問吓
因為香港啲改裝文化好差
你老味見到無限件cusco 件就執落去咁
你問車主點解咁改答你唔出
有樣學術性問題想了解多啲
話說如果要改inake嘅話
通常係
1) 換高流量風格
2) 換SRI
3) 換 CAI

但喺唔郁電腦情況下
單單加強左intake
理論上唔會有影響? (電腦識重新計算返空燃比）
話咩換咗冬菇之後好爆好正係幻覺?
唔計90年代行化油器嗰啲啦
淨係計近呢10年嚟嘅車嚟講～

先等你答咗有冇影響先 有影響先再問第二條

改裝我都係聽改裝佬講, 自己只係知道少少, 以下未必岩只係我而家既理解

簡單講冬菇 = 低轉弱左高轉勁左

如果改冬菇但唔改電腦, 以SR20來講NA車應該唔會有咩分別, 有機會仲慢左因為低轉弱雞左行街會有少少感覺鈍左, 高轉理論上會勁左但本身SR NA都係雞所以感覺都只會係繼續KEEP住雞

TURBO既話應該會明顯左因為高轉吸氣吸多左比到足夠既空氣比隻牛爆得勁左, 而本身SR turbo大家都係睇佢高轉爆個下所以低轉弱少少大家都唔太會理

但呢樣好似唔同engine, 唔同喉又唔同情況, 呢個年代就算去日本已經好難接觸(睇住改裝過程)咁多唔同既改裝車, 所以改裝我都係知道SR其他引擎我真係唔敢認識野

換左冬菇之後高轉放油會有放屁聲(sor我真係唔知點形容), 但如果NA排氣低既車可能唔會太有feel, V6個D既NA會比較好D, turbo既話冬菇既聲就會比較明顯, 呢個聲以我理解同好唔好爆唔太有直接關係, 所以你都可以話係幻覺

另外如果單純改大吸氣, 但outake唔改, 效果可能又未必夠好, 因為出去條喉可能唔夠粗比佢爆盡所有空氣

而換左冬菇之後因為吸氣同空氣壓縮率個D都會同原裝有變化, 最好真係搞搞ECU, 否則有機會空燃比唔岩出問題, 當然唔係一定有事, 但係建議搞搞, 不過就要花唔少錢, 改裝件都係唔包換, 出事都係司機責任, 賣件條友都未必會好心提你. 最安全就係唔好搞或者換返同原廠一樣形狀但又質素好少少既盒形filter, 性能唔會有咩改變但係叫做可以滿足到少少改車既心態

以上只係主玩車改裝交曬比店長搞既人既理解, 頭盔定先有錯唔好屌

另外改車好多人都唔理原因, 直接D講改車本身就係一樣自我中心既行為, 改完個下滿足感先係而家大部份玩改裝既人想要既野, 除非你真係為左落場先要有目的唔會亂改

你個肥腩有冇頂到軚盤

有冇平價或高性價比車款推介?
thank you

新手
係香港考牌先定直接過日本考牌好?

巴打你之後會去日本住?
btw, 點解唔兩邊考曬?
如果香港考完, 去日本考只需考個外國人專用試, 一次4000YEN, 肥左再考再比, 基本上睇班警察當日心情, 冇事都可能會搵野肥你, 我個陣全程行曬佢都肥我, 一次話我唔夠靠左D單車撚有機會係左邊ZIP過來出意外, 另一次話我唔夠快, 第三次我緊張死左3次火但反而合格
另外我肥個兩次, 同場只有1個人PASS其他全FAIL, 我合格個次得1個人FAIL其他全部PASS, 冇證據但係我覺得警察自己有安排一次幾多人PASS

如果日本由零開始學車, 你去學校會收你30萬YEN左右, 但係基本上包合格, 因為你比左錢, 考試都係學校阿SIR而唔係警察

不過基本上警察局考點都唔會花多過30萬, 最煩係要請假去考因為得一至五開

高性價比既車...巴打你要飛定係普通行街?

冇
認真答你, 如果真係頂到既你去玩drift會好易出意外

我雪藏牌
見你叫中年發福好奇一門

網名來姐

巴打sor差D唔記得左180都係90年代車
近10年新車我就唔太清楚, 聽講而家D ECU愈來愈勁, 但我實際近10年出既跑車除左BRZ/86/S660之外印象中我冇坐過其他, 我都冇問owner有冇改ECU

唔係呢個PO我都唔發覺唔經唔覺原來Z33都已經15年有多

改車
日本法例捉得嚴唔嚴，定時驗車要幾耐一次？

睇県, 神奈川東京呢D比較嚴
鄉下比較人少冇咁嚴

驗車新車頭一次係3年, 之後每2年一次
工作車(商業用車牌)一年一次

頂sor我又眼殘睇錯, 如果你係指改車之後去車檢捉得嚴唔嚴我上面有個POST有講, 可以碌上68樓參考下, 有唔明可以再問

我知既係日本驗車手鬆D
除左副偈唔換得，排氣標準冇得傾同突野出黎唔可以過份
好多都批

香港就仆街
唔係套裝出唔到街咁滯

IT狗直接搵日本公司比較簡單, 唔得既你可以課金去留學讀IT/設計專門學校, 但讀完可能都30中, 不過以我見過既係有30中先出頭既programmer/UIUX, 當然人工唔好要求高, 同埋讀幾年最後失敗左返香港你要諗埋自己會唔會因為呢幾年冇工作經驗搞到香港都搵唔到工, 呢D風險只要諗好我相信係有機會

另外, 日本人工低過香港幾多下, 要放低身段先可以接受到日本生活

其實唔會話ON唔ON9發唔發夢, 絲打你可以查下我以前開po記錄, 以前我有問過香港買AE86要大約幾多錢之類都好多人話我唔實際, 雖然而家我唔係買AE86, 以前香港份工都唔夠我買車養車, 但而家我一樣來到日本做到我想做既野玩到我想玩既野, 其實睇下你有冇心, 世上無難事, 加油

最簡單係搵個日本人結婚

換偈要申報, 達到條件就可以, 不過好煩, 車軸要換, 強度証明個D好多野都可能要搞, 花錢花時間有機會夠你買部新車

可唔可以教下我飄移？
日本有咩好路線飄？
有冇試過沖落山

日本啲七連髮夾彎唔裝街燈係咪為咗減少人口

練習都建議去賽車場

冇沖過落山但有撞過山邊

認真答, 基本由定定常円開始, 放個雪糕筒係度, 練習圍住佢打轉唔好撞到個筒先

起步踩實極力子, 入一波, 扭定軑去想甩既方向, 比油去到5000轉左右然後立即全放極力子(彈極力子), 架車尾碌就會開始打滑, 之後反軑扭去反方向架車就會打斜/打橫咁滑, 之後就係用手控制個軑要佢甩入D定出D(扭入係甩入D, 扭外係架車甩出D), 油門控制等佢KEEP住甩尾狀態唔好停

練到左右都冇問題之後可以練打8字

文字好難講, 唔明再問, 不過香港應該冇咩地方練到

係窮呀