係日本返工, 玩左改裝玩漂移2年, 你問我答

改裝咩車多？會唔會改裝七人車Alphard、Serena呢類？試過改過咩特別車？

我只係一個窮撚只有一部車

唔計DRIFT其實好多車都有愛好車改裝到好型, 只要唔好太過份過到車檢其實就冇問題
比個例子日本D連大貨車有D都改到7彩唔同色既燈係車身度

睇標題仲以為你日本返工係做改裝

補充, 如果DRIFR既而家最多人玩既都係飛雞同CHASER, 飛雞主要輕同有TURBO, CHASER有1JZ同2JZ, 車身4門剛性夠好, 不過而家都升到好貴
再過幾年應該會見到愈來愈多86

原來係咁, sor我D中文應該一年比一年退步

唔緊要，咁喺日本見過咩特別改裝車？會唔會有人改Cressida, Mark II同啲Kei car?

揸開FF車想轉FR
成日聽講兩款車揸起上嚟非常唔同
有冇咩建議點樣慢慢摸索兩種車嘅分別避免意外

Cressida少見
Mark II玩drift大把
Kei car都好多, 主要日本K CAR有減稅, 有唔少人改車高同8字胎
落TRACK玩既都有, S660應該係跑time attack算受歡迎既k car之一

特別既我印象最深既應該係暴走族既車改到條喉高過車高, 前鏟長到可以殺人咁樣

冇相係身但比張圖你參考大約係呢種style, 新年個陣會有機會見到

平時喺youtube睇開noriyaro
佢話外國人想join到日本人啲漂移community都幾難
想知啲日本人會唔會唔so你 同埋巴打一開始點入門

正常渣其實我唔覺得FR會出d咩意外, 新手唔好渣FR我覺得只係9UP多, 真心出意外既都係新仔當自己車神亂咁來先會出事

硬要講既落雨轉灣唔好比大油, 唔好貪型1波起步地板油踩到紅區應該都冇事
香港冇落雪就更安全

真係想挑戰既唔好一下開盡, 比半油睇下架車穩唔穩定先, 冇事先再比多少少油一步一步來, 唔好乜都唔識就踩盡

如果係最近幾年既新車應該FR都好安全, 試過BRZ/86既電子控制太撚勁, 箱根國道1號落大雨比大油想試下, 但差唔多打滑佢會自己幫你減速好撚安全

我覺得主要日本人怕講外語, 你識講日文應該唔會有事
我去玩個陣都見有外國人

入門就好簡單, 搵D專門搞DRIFT車既改裝店
買車既鋪頭未必一定要好識DRIFT或者好識舊車(當然識就最好), 但改裝就一定要搵間有經驗既店

我間改車店係靜岡, 每次改車都要渣2個鐘車, 但間店個店長有20幾年開店經驗, 又參加過比賽, 又係專改SR20砌過幾百台以上既SR20, 所以我唔搵屋企附近既店直接去靜岡, 當然最好係有幫襯先好R水吹, 我個埼玉陣買完車, 打電話去而家間改裝店打招呼話想驗下部車有冇缺憾(日本買二手車唔會比你做詳細檢查先買, 個個都話舊車冇保障, 買個陣你望到咩就係咩), 之後再去靜岡比錢CHECK車順便R水吹, 順便問下點入門, 岩FEEL既咪下次繼續幫襯, 個陣店長介紹左我去佢熟人搞既走行會度玩, 雖然好多大叔個個都差唔多40幾50歲

如果你問D老前輩幾時先可以試飛山路, 佢地多數會叫你「唔好去山路飛」

暫時我見D日本人好NICE, 當然要講有D好撚串既都有, 但感覺後生玩車既串過班老前輩

日本人肯承認歐洲車勁未？

其實日本人一直都崇歐
你幾時有錯覺係日本人覺得日本車最勁

街好似好少

主要係因為日本人窮
對香港來講日本車都係外國車, 但日本車對日本人來講就係本土車仲要平
如果你去東京港區個D有錢人地區你就會見唔少歐洲車, 但當然冇得同香港比

不過個人認為TOYOTA唔輸比歐洲車, 只不過佢market唔係賣貴車
賺錢同技術TOYOTA都比大眾表面睇既勁, 利曼24都係TOYOTA拎5年冠
TOYOTA而家既錢多到想係日本搞個smart city, 事業一早已經唔係單單賣車咁單調

日本改裝法例係點，有咩改得有咩唔改得想報正係咪都好簡單？
香港算唔全世界捉得最嚴？

師兄姐係用咩車？

飛雞？

正識做水貨車返港？

車檢要求既項目過曬基本上過關
冇寫既基本上都可以任改

不過日本車檢只係政府另類方法收你稅, 有D位冇寫明但係唔同懸既車檢官可以有唔同既見解同結果

我寫一D例子, 寫唔曬不過大約可以比你了解下咩情況

車高, 音量, 廢氣個D一定唔洗諗, 全部要標準以下
波箱唔可以改, 改要申報(AT轉MT, 5速轉6速...etc)
ABS唔可以拆, 但呢點好tricky, 佢寫既係撻匙個陣ABS燈要著, 撻著左引擎後ABS燈要熄返, 所以有人試過ABS拆完連個ABS燈個燈泡一齊拆結果車檢過到, 但第二個懸有人照做就過唔到, 如果個官熟你部車知道你部車本身係有ABS既呢招就行唔通
車門唔可以用FRP或者CARBON, 不過如果你噴油噴到好地地, 車檢官又冇手多去摸多幾下既可以偷雞
避震彈簧同桿可以改, 不過有關結構上既地方就唔改得, 例如臂, 關節(唔知中文叫乜), 呢個冇得偷雞, 原廠同社外件既形狀分別太明顯, 真係想改要申報
引擎唔可以改大CC, 如果改大要申報, 但基本上唔會測你實際幾多CC所以係90%冇事改完都唔會有人知
引擎唔換得, 換要申報
手剎一定要用鋼索, DRIFT比賽用既油壓手剎過唔同車檢, 不過如果你架車同時存在兩樣又冇問題, 主要係鋼索手剎一定要有

如果有D位改左想申報, 要有文件, 強度証明, 安全証明之類, 有D廠會出埋有D廠冇, 冇文件但又真係好想行街用個套配件既, 一係車檢前換返原廠, 車檢完左再改返, 又或者去D有証書既工場做壓力測試, 試完連個文件一齊交去車檢, 前者每次車檢都換來換去花要比錢車房搞, 後者就好貴但係一次過搞以後唔洗再換來換去

車檢項目係跟你架車既出產年份而改變, 所以舊車既廢氣音量容許程度係比較大, 而新車可能有D舊車冇既項目, 比如遲D會限制埋新車一定要有自動剎車系統...之類

同香港比一定係香港嚴好多, 不過日本又未去到真係亂改都可以出街咁自由, 佢有自己既一套規矩, 你跟到或者偷雞到佢唔覺既你就過到關

180

唔搞咁多野啦, 私心我都唔想JDM運去外國

日本太多偷車事件, 好多人夜晚比人偷車第二日架車GPS可能已經已經係海中心

主要D人係運去美國, 美國法律過左25年好似舊車唔洗再理廢氣個D可以出牌, 所以愈來愈多JDM炒高價同比人偷去美國

呢樣算係JDM近年升價升咁快既原因之一, 我認我係仆街自己玩緊就唔想D野變貴

樓主係落場定自己夜晚上山果D?
玩開咩野事? 改左D乜?

岩岩買車之後有上山玩, 之後同其他人飛緊個陣炒左一次山好彩有保險整返好曬但發現修理費好高就決定以後落場玩就算

改既野太多好難講, ECU, 避震, SEAT位, 散熱器, 引擎CAM...etc

玩車真係好燒錢, 日本多件應該會好D
180係CA定SR?
有冇改turbo? 用黎漂移前後彈弓要點幾多k數同點先叫set得岩
日本玩係咪撞爛左bumper包圍基本上唔會理? 用條索帶勾住就繼續飛?

SR啦, CA冇人用來玩只會用來收藏

不過最67係我買左TYPE S NA版, 本身想試下NA咩料買左NA然後發現難漂到仆街

車房建議我加TURBO但又唔忿氣繼續用NA玩, 而家改到比部車差唔多貴一倍錢終於叫做玩得比較順, 不過真心想玩買飛雞建議巴打都係買TURBO, 新車既BRZ, 86呢D本身NA已經好夠力所以冇咩問題
又或者有錢D可以買V8 NA既歐洲車玩



避震D數值我冇特別理, 一來我唔識, 二來身邊D高手都話唔洗太理, 理個D都係玩到好撚勁真係需要去搞先會搞微調
最緊要係買真係比你落場用既避震, 唔好用行街個D, 硬度唔太夠, 除非你部車本身夠馬力用動力去補救, 我而家個條係Tein既Super Drift, 本身已經好硬, 行街好唔舒服所以我一直都係4條SET到最軟但係都漂到, 我SET過最硬試過但除左行街CHOK到我屁股痛之外我漂移分唔到有咩分別, 我水平未未夠, 我見有個前D1選手可以一路漂一路tune個電子避震, 但我坐隔離完全唔明有咩分別

最初買車個陣個條係street用, SET最硬都係好軟完全冇料到, 可能係SR既NA太廢冇馬力, 唔係講笑2000CC NA但慢過AE86既1600 NA, 180個SR仲要係S13系, S14/15既SR就好好多

雖然好似講廢話, 你實力高既其實FR車有基本改裝都一定甩到, 差在甩到咩程度, LSD, 硬避震, 前胎要咬地胎, 後胎要耐用但又冇咁咬既胎, 再有少少馬力, 基本上就玩得唔洗好細節, 你玩玩下就會發現自己部車缺咩就會知要點改, 我而家改既野都係一步一步慢慢改到咁

爛BUMPER睇下你爛到咩程度, 用到膠紙索帶咪用膠紙索帶, 最緊要冇傷到避震, 散熱器個D重要野, 只係BUMPER傷但仲可以正常行到既就好少事, 至於理唔理係睇你有冇錢, 有錢咪整, 冇錢咪唔整, 因為整完都好大機會某一日再炒過, 睇你敢唔敢花錢整

旅客係日本有無得租車落track跑？

https://hyper-ds.com/english.html
唔知比唔比旅客玩, 只係見到價錢貴到痴線