係日本返工, 玩左改裝玩漂移2年, 你問我答

日本有冇邊度可以租車落track體驗下又受遊客玩？ 最好可以有教練指點下技術

https://hyper-ds.com/english.html

以我所知呢個係比外國人睇但其實我都唔知佢比唔比旅客玩, 因為日本好多外國人住, 有興趣可以email去問問

咩叫行貨JDM?
JDM 就日本 only 邊有行貨
civic fl5 有錢都冇得買

小弟都係北美嘅賽車場族 track junkie, 不過唔係drifting

基本上嗰種追蹤既壓力帶來嘅緊張同刺激感不論係d grip, road racing, 26,rally,cart都係差唔多，相信drifting 都係一樣

如果落場玩更加明顯，尤其係D細場…基本上馬力唔再重要，技術返而重要D，識得幾時落brake點落brake, 行啱條線出彎可以早比油重緊要

硬件車輕，呔食地返而快過大馬力車 不過架車幾好都係20%，80%係技術

例如美國有左軑Toyota, 英國有UK Honda之類
即係唔洗日本運過來自己國家都有生產

應該係咁

drift睇下係唔係比賽, 自己玩好少玩追走, 二來要睇兩條友係咪識, 同埋大家係咪都有咁上下實力

drift追走前車手太廢後面個個唔可以太貼因為前車一個失控打轉就會炒車,. 冇咁上下料唔洗玩

當然兩個人都有咁上下實力既應該係幾刺激, 利申我未夠班玩, 我只係坐過我fd既比賽車體驗過, 佢地都痴線既, 比賽HI到對方有機會立即判fail, 所以練習個陣佢地貼到有咁近得咁近, 兩架車成日HI到佢地仲當冇事係度笑話「上星期先噴完油又花左啦」, 我可以體會到池谷前輩既感受

睇片見個d mini track真係乜車都有, 當玩下係唔錯
不過日本要搵人幫你計圈速要另外比錢好ON9

幫你查左下, 佢有D車寫住可以租スタットレスタイヤ既就係雪胎但係有D車就冇寫所以我都唔知佢實際係點

我見佢Q&A都好似冇寫有關落雪既野

如果只係想租車體驗雪地唔一定要跑車, 可以去D大店度租普通車+雪胎, 例如toyota, orix個d

btw, FR雪地真係好危險唔太建議搏, 凍結就仲可以(個地白白地但又未到雪個種), FR係積雪度有機會連車都起起唔到步
FF冇雪胎試過一次渣積雪既赤城山, 山腳個陣冇雪, 上到一半發現雪愈積愈多應該係愈高愈凍既關係, 單線行車U-turn怕出事最後我慢慢行到山頂然後係停車場u-turn落山, 我怕死keep住20KM咁落山最後冇事

講漏左一樣, 一月中未必一定有雪, 首先你要當日上網查下twitter睇下有冇日本人po當日既山路情況出來, 冇既話要自己渣去睇, 但就算有既講, 朝早冇雪都唔代表下午夜晚會冇雪, 雖然係廢話但都係睇運, 但事前調查一定要做
去到真係危險既山下面應該會有牌放係度寫危險, 巴打自己執生

建議順便去埋伊香保溫泉訓一晚, 咁你冇得上山都唔會浪費去群馬既時間一來一回好多個鐘

岩岩搵返3年前落雪個陣既相, 成個湖結曬冰




冇雪既日子既相, 夜晚成班地膽係度飛車吹水

想問下紅色斜間個隻臨時牌係咪不正改造車都掛到揸出街？

係, 同香港一樣, 唔比人查就冇事

見咁多公認車賣等我以為啲搞手續好易搞

網上賣個D公認好多都只係AT轉MT

個D因為架車本身原廠已經有MT同AT既grade出過, 比如你係想AT轉MT既, 只要你係換返「同一種車既MT波箱」, 因為原廠係有呢個grade即係強度, 安全個D唔會有問題, 個D情況下你公認手續就會簡單好多

但如果你係SR20換2JZ呢種完全兩種唔同既車既引擎去換, 你個D車軸長度大細全部唔同曬你咪要做好鬼多野去証明你咁換係OK, 其實只要你換返2JZ既車既車軸個D既話公認都可以做到, 不過實際整個陣可能就唔指車軸一樣野而係一堆部件都要換要搞

明白了其實我係見到有b18c 嘅ek同埋啲mark ii Na 抬turbo 啲公認車賣先咁問多謝巴打解答

唔緊要只要我答到都會照答

補充一樣, 2JZ加turbo呢個其實唔洗公認都做到
我求其網上搵張車檢書擧個例子



原動機の形式個度只係寫2JZ, 即係話日本陸運局既database入面2JZ-GTE同2JZ-GE都係當2JZ同一樣既引擎, 所以係唔洗公認同可以直接換
不過唔係個個引擎都只係寫頭3個字, 例如B18A同B18C就好明確寫曬全名所以當唔同engine, 日本陸運局有D野好唔統一

另補上一張B18C既車檢書


B18A轉B18C公認證明書

比起demolition derby，drift hi車其實都唔係太過分，尤其一早預咗揸車用嚟玩

咁又係, 比賽車都出唔到牌, 佢地平日都係渣輕自動車, 要玩或者比賽先會搵架拖車來運架drift車去玩

我住市區冇咁多地方放架專門玩既車又買唔起拖車, 所以平日代步同玩都係同一部車, HI花左仲會心痛, 不過如果有朝一日我對呢種心痛麻木左咁我應該水平已經有返咁上下

巴打你個邊有冇車檢, 日本好難拎部爛曬又過度改裝既drift車行出街當街車用

以我前玩可以自己裝個 lap timer, 自己係track隔離 set個beacon （好多時人哋已經set咗喺度）個個lab可以計到時間

依家有埋GPS，插入obd , 裝埋GoPro 可以過彎俾你睇你嘅車速，時間，轉數， G Force等

玩drift多數只放個GoPro影底自己既操作, 之前用個中國製既平野勁多雜音, 用左唔夠3日就壞左

我而家住喺美國，個個洲唔同

就算有冇車檢，都會盡量拖架車去，－來車呔唔平（尤其是係slick）去場地途中唔使消耗車呔，二來可以玩到盡啲，就算有意外嘅話都返到屋企，亦都可以玩D冇咁可靠嘅舊車

我自己會盡量當架車喺－個幫我學嘢嘅工具，－樣consumable, 同自己講撞花炒車係年練成－手好車嘅必經之路

炒車就真係小心D, 心痛一回事, 最緊要係炒完有一段時間冇得再玩個段時間空窗冇得練都幾慘
我d fd都話10年前炒得太多, 已經學識諗多D唔會亂來, 架車花極都盡量唔會比佢炒, 同埋feel到架車有唔對路會立即唔玩住check左咩事先

有friend 用race chrono, GoPro, gps 同obd data 放晒入－條片，每走完－轉time trials 用自己電話睇番之前嗰－轉走成點先second try ，屈機到…

呢啲叫咩車？個日見到好鬼有型不過長到成架小巴咁唔知點泊車