我諗好多人對日本移民個印象仲係好差
但其實而家日本已經好多野唔同左
比如工作文化 而家好多公司已經開始朝8晚5 由其是IT/創科
如果你唔打算入啲傳統會社 其實同香港唔會差太遠 (不過傳統會社排外歧視得好緊要 就算你想入都未必入到)
日文其實對香港人黎講都好易學 不過就算你學到N2 日本人日常講既野都同你學既會有啲唔同 由其是後生一輩啲潮語
都係靠自己去到多啲講 就會學得識
如果移民既話 比起工作 我會更擔心其他野
比如係你諗唔諗住結婚生仔 同日本人結定香港人結
如果你係香港已經有仔女 最好就唔好移民日本了 除非你諗住比個仔學日文做母語
因為日本欺凌好嚴重 講野有口音一定會比人杯 除非你有錢讀國際學校
仲有日本讀書壓力大 要追偏差值 (雖然個壓力同香港差唔多 但一定比移民去英美大)
如果你唔諗住日本生仔 我會擔心天災多啲
日本打風比香港多 而且仲有地震 香港人會難啲適應
成個社會黎講 日本會普遍比較壓抑 除左建前本音之外
日本仔其實好多都好自私(同香港人差唔多) 人前人後係可以好黑暗
利申 日本讀完master 而家岩岩第一年做創科公司
日後都可能會留係日本生活 唔係因為我覺得日本係最岩移民
只係純粹因為我好鐘意日本文化同個vibe
移民黎講其實英澳加一定更適合
除非你好有錢唔使打工啦 日本有錢係天堂
買間大屋自住 平時鳩hea 得閒就去食個omakase 行下秋葉原 叫個日本G 諗起都興奮