1.剎那(els)
與其話剎那最後係左膠
不如話00劇場版嘅結局太左膠太理想化
假設咗即使係外星生命只要理解到對方就可以接納到對方可以共存
但現實係有d嘢你愈理解愈明白你愈冇可能接受到
就好似上方有巴打話加美尤理解完斯洛哥先一定要殺死佢
哈曼NT能力愈覺醒就愈偏激
理解≠接納
你會唔會因為理解林鄭諗咩就接受佢搞送中?
你會唔會因為理解印度d強姦犯性欲強就接受佢地周街強姦?
唔會架嘛
再講
如果外星生命嘅生存本能就係侵略
而人類唔想被侵略
咁互相理解完矛盾依然存在點樣共存呢?
極端啲講
連同外星生命都可以互相理解
咁地球上嘅生命理論上都得啦
咁有冇人覺得可以同昆蟲甲由互相理解?
咁不如做動物傳心師啦?
不過咁講
點解當時劇場版咁大爭議
唔只係因為els係外星生命
更加係因為呢埋金屬出場幾十分鐘
同人類嘅所謂對話只係剎那入去轉左個圈(觀眾視角)
就話互相理解共存Happy end
點對話法點理解法完全係描寫不足
聽過係因為水島係TV已經想加外星人但Bandai 唔俾
如果篇幅長d相信會有說服力好多