韓國女團KARA前成員具荷拉同佢好姊妹Sulli一樣傳相傳出禍,Sulli成日因為上載相片到Instagram而被網民批評,今日就到佢好友具荷拉因為凌晨時份上載咗一張拿住手捲煙嘅照片,又留言話支煙味道有點酸,即時捲入吸食大麻風波。
具荷拉今日上載完呢張相冇耐佢就極速刪除咗,並改為上載一張水果照片,不過唔少網民都成功cap圖,仲質疑佢公然食大麻煙,由於喺韓國吸食大麻係犯法,所以具荷拉上載照片後,即時引起網民議論紛紛,亦覺得佢急急刪除照片係身有屎關係。
對於被誤會吸食大麻煙,具荷拉之後亦喺Ig解畫,強調只係捲煙,自己因為覺得神奇先拍照。
荷拉都食煙