失戀嗎？ 入黎我陪你傾下計

4年感情，去到談婚論嫁階段
一個月前佢同我講佢對我淡左
我發現佢鍾意左第2個
佢話佢心目中嘅第一位都係我，但佢唔捨得個新鮮感
同埋之後真係一齊番都會唔敢面對我
而家分左手但都keep住好似情侶咁出街
但我每一日都好痛，好想挽回
但愈係咁做愈放唔底愈黎愈depress
而家覺得人生突然冇哂意義
做咩都唔起勁

咪on9 係鐘意人 諗清楚就去搵
定你想後悔？

老實講 ， 你要諗清諗楚自己想點

我建議你搵朋友陪下你

做啲正常社交活動

可能去下興趣班

無聊可以搵我哋傾偈

唔好亂諗嘢就得啦

原因係咩 ？ 咁不明不白，你甘心咩？

一齊咗三年 ， 感情根基一定有

唔好咁驚會失去咗佢先

你越急就越亂越亂就越易做錯嘢

了解吓自己真係有啲咩需要改先

個腦記唔晒就用筆抄低

有信心啲

改完先至去搵佢

祝你兩個和合成功🙏🏻

建議你擴大自己社交圈子

唔好再拘泥呢啲咁嘅人

同埋了解多啲人哋先至同人一齊

遷就同磨合嘅界線其實好簡單

遷就呢係你個性格改變但係唔會令到你唔見咗自己

磨合呢係由時間而造成嘅 係自然就會發生嘅

至於硬頸唔硬頸呢樣嘢呢

真係觀點與角度嘅問題

人哋點講唔使太理會

當你搵到一個你真係覺得啱嘅人

你自自然然就會做到遷就同磨合㗎啦

唔介意就分享下

依啲咁嘅情況呢

我建議你地坐低傾傾點解

佢挽留你 即係代表你對佢重要的

你心入面一啲都唔好受就證明左你都想將件事變返好

同佢一齊傾下啦

唔好ghosting呀

最傻嘅行為黎

就算最後傾唔掂 起碼你地盡左力 對段感情無怨無悔

若干年後諗起 希望你係會笑 而唔係傷心

我係唔介意的

但我怕會變成放負谷

留名 很苦

明白明白

咁都係建議你繼續正常社交

見多啲朋友

去試一啲新野 興趣班也好 睇書也好 睇戲也好

一步一步向前行啦

到有一日你望返轉頭 你會發現自己行左好遠了

唔介意就分享下

咁就要正視一下

比過機會你去改啲咩你又冇改啵

而唔係明明佢之前話唔中意你A依樣野 你改左

然後今次同你講比過機會你改B 你冇改

要溝通下呀

直接問佢「其實覺得我有咩做得唔夠好，我想知道然後改

返好，因為你對我好重要」

開口好難受咩？

失去佢更難受吧？