失戀嗎？ 入黎我陪你傾下計

所有人都會想有人陪，陪自己嘅人緊係越多越好，佢好清楚自己個心唔係就得你一個，會有罪惡感的。其實佢肯同你分手真係一件好事，或者佢都覺得你好好佢唔配，所以先突然有咁嘅決定。又或者另一方面俾佢無縫接軌嘅對象一直慫恿緊佢同你分手，不過唔好估咁多啦，就算咩原因都好都唔值得留戀

咁樣兩位嘅相處一啲都唔健康喎

六年感情
散咗之後
同咗識幾日嘅女仔一齊
接受唔到 覺得好嘔心
分手嗰陣仲要講得好好聽
到最後

失戀之後每日做咩都好唔如意

有句歌詞好啱你，忙下去捱下去，但一不小心總記起你 其實都係要俾啲時間自己嘅啫急唔黎，過得充實啲，努力提升自己，等時間過得快啲。又或者講真果句試吓搵多啲異性傾偈，分散吓自己注意力，嗱唔係叫你搵人做水泡呀

真呀

唔好搵人做水泡

正常社交就好

未放低上一個

唔好開始下一個

分左手接近一年
岩岩知佢都有新女
就算我覺得自己已經moveon左唔會再掛住呢個人
原來發現自己比另一個人取代都係沉一沉
佢世界入面我已經係nothing
望到啲相會有啲透唔到氣
以前去過既地方做過既野都有另一個人同佢再去

依種感覺真係好難受…

我明白

所以 如果真係同對方冇彎轉

我寧願完完全全唔知佢嘅所有消息

某一刻開始 佢嘅世界唔再有你。

各有各堅持
都係折磨

唉

唯有放手先係唯一出路…

今日見咗一面
見面時無事咁 正正常常
返到去都係話已經係咗下台階我
做定唔做
我話希望一齊share 佢都係有所堅持

咁樣相處唔到架喎

真係冇其他方法咩？

道理係佢嗰邊
佢只會話因果關係
我係有義務有責任 但佢無

辛苦你啦….

有咩想傾想呻都可以係度擺低

喊咗好耐啦
每次都係妥協
佢一次無過
話我只係當佢kill time嘅人
到底係邊個唔愛邊個多啲呀

下 …

咁賤？

完全唔諗你感受嘅…

辛苦你… 真係 希望你快啲放低佢

我以前真係好少喊
同佢相處之後 成日喊
但佢會同我講 唔鐘意人喊
喊對佢而言無乜用 就變成自己一個喊

我覺得自己勁垃圾

唔算失戀
因為無一齊過
但係都有相愛過
而家移咗民
成年幾冇見
差唔多兩個月無傾計
其實好想搵佢
但係又驚打擾到佢
好想開post同佢講下最近我點樣
因為佢都好鍾意上連登

沉船SP/FWB 好攰

識左兩個月
一開始佢好主動搵我 傾左一輪就已經鐘意佢
發展左做類似fwb咁..
依家後期多數都係我搵佢
次次問佢想唔想見都答無所謂
但見到面就會好sweet好溫柔
愈黎愈鐘意佢連拖手都會心跳加速

佢話自己唔想太投入感情
依家差唔多日日見咁濟 佢應承唔會一腳踏兩船
但我知道只係時間問題
好想斷但又對呢個人好心動好唔捨得

除非你係M底，否則算啦

當你認識一個人，你眼淚多過笑容嘅時候，嗰個人已經係唔啱你，最重要嘅係真心鍾意你嘅人就算幾唔鍾意一個人喊都好，都會接受自己另一半嘅負面情緒，喊其實冇錯，唔需要覺得自己垃圾。

慘… 衰啲講句FWB呢種關係由你心動嗰刻已經輸咗，你一開始就已經鍾意佢就唔應該發展成FWB，雖然聽你咁講對方係好分得清自己想要啲咩，不過都覺得應該要搏盡無悔，試過唔得咪算，樂觀啲諗話唔定對方都係等你開口，雖然我都覺得機會好微

人生總有遺憾，如果曾經相愛過，佢呢刻又無拍拖不妨以朋友嘅身份問候下佢，如果你係佢心入面有一定嘅位置相信佢唔會覺得你煩。但如果你係想發展做情侶就要考慮吓現實條件，就係字面上嘅意思你會唔會移民去搵佢，同埋要睇吓你自己係咪傾兩句就好容易心動嘅人，如果係嘅話又冇能力去搵佢最後受傷嘅會係自己