失戀嗎？ 入黎我陪你傾下計

咁你兩個溝通不良 各執一詞

最後尾都只會分開

兩人係有心嘅就一定要坐低傾下

咁先行得遠

可能我一起初個期望真係想一齊生活落去

我好早已經覺得佢唔鍾意我 但係又唔講分手

而家呢個位都諗緊到底自己想要啲乜 有時都覺得自己係唔係唔需要愛 因為佢咁對我 我都覺得冇問題

有邊個會唔需要愛架

你心底只係係度等

等佢變好之嘛

傾咗一段時間 互相都講咗大家有好感
個時佢仲係有耐性 會氹人
聽我分享同我分析
會教我好多嘢

之後發生啲事 佢覺得我hurt咗佢
一直都無見面 要我證明真係想同佢一齊先見面
拖咗近九個月先見面

一開始佢有講嘈交 會睇對錯 喊係無用
咁我都明 覺得無問題吖
但事實上一齊之後係乜都係我錯哂
發脾氣嗰個就錯
叫我唔好推波俾佢

多謝你嘅建議
不過佢唔會明白我所提出嘅事
而且因為share location依件事
依個係佢嘅堅持
我唔做
佢已經決定放棄我
我知道即使依一刻我願意share
之後都係有依啲問題重複
因為我唔想咁樣一世

有決定咁係件好事呀

希望你可以唔好咁唔開心

早日釋懷

祝你事事順利

唉 唔知道

點解就唔可以氹番我 次次都係咁

失望夠了便走了

有猶豫即係仲等緊啦

試下將依個msg話比佢知

直接啲話比佢知你想佢氹你

話唔定結果比你想像中好？

我尋日已經講咗一次啦 佢冇反應

啱啱佢再搵我 我覺得已經遲咗

其實本身身邊有好多異性下

散左咁多次 我覺得應該比多少啲機會其他人

啱啱已經諗清楚

有決定就唔好後悔啦

不過對方一定會再返黎搵你

睇清楚邊個先係你想要嘅

祝你幸福

啱啱好堅決話左No啦

樓主你都要幸福

原本諗住已經結束 唔會再聯絡
佢頭先又話拎嘢俾我
次次咁樣和好返
之後都係歷史重複
唔知佢想點

多謝你

搵清楚你兩個問題所在

一齊解決

係一齊解決

想行得遠 一定要有依個心

係 因為依件事 我地已經嘈咗好多次
甚至上年中秋 生日 今年情人節 我地無見
原本話幾號幾號見 點知嘈下 佢就話要延期
佢成日我係做錯 罪人etc
一開始都有諗係咪自己問題
後來每日大事小事都話我時 我已經佢係為話而話
身邊好多人都唔明點解我咁堅持
同埋以前嘅一段關係 覺得應該自己以前唔識付出珍惜
唔想隨隨便便放棄
一直諗嘈交原因可能係因為我地無見面姐
無了解對方
堅持到見咗會好啲 但都係日嘈夜嘈

如果係咁

有冇試下佢嘈 你繼續心平氣和咁同佢講

用道理講服佢？

唔係嘅話 辛苦嘅係你自己

啱啱失戀係好傷心
知道個種無助絕望嘅感覺
冷靜之後唯有同自己講
下個更可愛

放得低就最好啦

空虛寂寞嘅時候咪上黎傾下計囉

好呀～有大家係度～
會好得快啲～
一齊加油～

係 冇錯

希望閣下他日所有事都順順利利之後

都可以抱住同樣嘅心去幫助其他迷惘嘅人

大家都可以同我傾㗎
一齊圍爐取暖～

一齊左一年半，因為唔成熟嘅爭執令大家分開
係分開嘅呢段時間入面，我好努力去改變自己
做gym，學瑜伽，學煮嘢食….
希望令用更好嘅自己去重新開始
係尋日send左第一個message 出去之後 諗住一切可以重新連繫…
但到頭來發現只係自己諗得太美好
佢嘅不讀不回令我明白到有啲野再努力都係無用
諗起呢個幾月，每日諗住可以回到過往嘅good days
突然覺得自己好傻

好多嘅後悔，遺憾，失落，令我明白到咩叫「愛要及時」
日後唔知有咩動力再去愛人….

唔知呀～明明佢都已經唔愛我～
明明佢都講到咁絕
明明我已經死心至啱
點解我仲掛住佢
明明我應該知點做先啱
真係好垃圾