《慾望樂園》

［225］
「你唔好以為自己咩都知！好清楚人地嘅痛苦啊！只有嗰個人自己先真正知道自己嘅痛苦！我警告你！你再口頭衝撞我嘅，我就會觸發你頸圈上邊嘅發電裝置，俾啲苦頭你！」yuki 突然一改正話嘅沉默，突然雙眼一瞪，怒從心中來，以強硬嘅語氣向我發出警告，並將手放到佢手錶上嘅操控板面。

「你有咩資格…」正當我打算繼續據理力爭嘅時候，阿晴見狀連忙拉一拉我手臂阻止我，以免我又受電擊之苦。

我都只好硬生生將想講嘅說話吞番落肚，只係繼續瞪住yuki。

而yuki見我終於都停咁落嚟，亦都將手由佢手錶上嘅操控板面移開。

喺我地兩個嘅爭吵聲完結咗之後，房間入面又再得番瑩光幕嘅另一邊傳嚟嘅聲音。

已經唔知到到底黑人小女孩俾面具男打左幾多枝強心針，更加唔知到到底之後面具男仲對黑人小女孩做左啲咩殘忍嘅事，自從我拎轉左頭之後就冇再望番過去，我已經本能地抗拒再睇到更加多依啲嘢，實在喺已經超出左我可以承受嘅範圍。

醫療設備嘅警號聲再次傳出，啫係上一支強心針嘅藥效已經完左，每次打強心針嘅藥效時長已經一次比一次短….

「又嚟！再比多支我！」不出所料地面具男再次準備向黑人小女孩注射強心針。

醫療設備嘅警號聲依然繼續。

「屌！再俾多支我！」面具男決定再補多針。

醫療設備嘅警號聲依然繼續。

「俾夠三支我！」面具男決定加大藥量。

醫療設備嘅警號聲變成長響，睇嚟黑人小女孩終於頂唔順走左，離開依個殘忍嘅世界。

睇到好撚抆

真係屌死咗

［226］
我重新拎轉頭望向瑩光幕，面具男終於由黑人小女…應該喺Anna先啱。黑人同Anna由頭到尾喺樂園眼中都只係一個連名都無嘅貨物，就連我地嘅商品編號都無，似乎一開始就已經決定左佢地喺樂園嘅一次性消耗品…面具男由Anna身上面落番嚟，離開左病床。

而我之前喺樂園醫療室見過嘅醫生同護士兩個人出現咗喺瑩光幕嘅另一邊，嚟到Anna嘅病床邊為佢作檢查。

醫生同上次見到佢嘅時候一樣，身形瘦削，臉面凹陷，雙目無神俾人一種好冇精神嘅感覺，而佢望向病床上嘅Anna之後面色更加鐵青，眼神空洞得好似一個無左靈魂嘅軀殼咁。

而旁邊嘅護士亦都同上次見到佢嘅時候一樣，着住同情趣內衣一樣設計嘅貼身護士服，將佢身上嘅肥肉一節節咁擠壓喺一齊，臉上過量嘅化妝品不但遮蓋唔到佢嘅黑頭粉刺同暗瘡，更加喺令到佢好似生煎包一樣圓潤多肉又油膩嘅臉孔再增添一絲嘅詭異。

而佢見到Anna之後嘅反應亦都同醫生完全相反，護士望住滿目瘡痍，無曬反應嘅Anna，眼中竟然好似發光一樣，就好似小朋友行街睇到自己好鐘意嘅玩具一樣，忍唔住伸手撫摸Anna 嘅遺體。

「嘩！仲暖架！我好耐都冇摸過暖嘅屍體啦～次次送到過嚟個啲都凍冰冰嘅～」護士一路摸一路講，語氣依然好似之前我見到佢嘅個時咁樣chock 曬聲扮可愛。

［227］
「我地喺嚟做嘢架，一日未確認佢已經無晒生命跡象都未係一具屍體，快手啲做野啦」醫生講嘢無半點情緒嘅起伏，並且同護士唔一樣，專業地喺接觸Anna 之前戴上口罩同外科手套。

醫生攞出電筒照向Anna嘅眼睛，檢查佢瞳孔嘅反應，而護士就攞出文件板檢查周圍醫療設備嘅數據。

係依個時候我又諗起黑人，於是我望向佢訓低嘅位置。

而我見到嘅就喺佢訓喺地下一動不動，眼睛已經無再流出新嘅眼淚，之前流出殘留喺臉上嘅眼淚已經乾涸，只係得番隱隱約約嘅淚痕，而黑人嘅眼睛已到完全失去光彩，瞳孔都已經失焦無再睇住瑩光幕，唔知道幾時已經靜靜地離開咗。

「醫生，所有醫療設備都顯示依個黑人細路女已經無曬生命跡象啦～」護土貼近醫生向佢展示自己抄低嘅數據。

「瞳孔已經無曬反應，我宣布依個黑人女仔已經死亡。」醫生擰轉頭向住一邊嘅樂園職員講。

隨即醫生就離開鏡頭範圍，而護士亦都緊隨其後，臨走嘅時候仲依依不捨咁樣望住Anna嘅屍體流口水。

然後一眾職員就上前掹走各種醫療設備，將Anna嘅病床推走，而面具男亦都冇再出現過，螢幕嘅畫面，亦都隨即中斷。

「好可惜，呢件冇用嘅垃圾只可以提供到咁多嘅娛樂俾大家，餘興節目已經結束，我哋跟住將會迎接嘅就係迷宮逃脫競技嘅尾聲。」狐狸嘅聲音再次出現主持大局。

［228］
「我喺呢度向大家宣佈，成功闖過難關，喺迷宮之中逃脫嘅分別係第三組同第九組，當中嘅成員包括：13號、18號、11號、9號、21號、24號。大家請為我哋嘅商品評分，唔單止勝出嘅依六個商品，大家亦都可以為所有參加迷宮逃脫競技嘅商品評分，評分嘅高低將會影響佢哋之後嘅後果。」狐狸宣布開始進入評分嘅程序。

「就好似頭先我應承你哋所講咁，最後一個環節已經結束，呢條就係可以打開迷宮出口嘅鎖匙，好快迷宮出口亦都會出現喺你哋面前。」yuki 將掛喺佢胸前嘅鎖匙摘下，向我哋遞咗過嚟。

而頭先就向Yuki索要鎖匙嘅娜姐，見狀亦都好快手哋上前接過鎖匙。

「我哋已經收集到咁多位客人嘅評分，由大家嘅評分睇得出今次嘅迷宮逃脫競技令大家非常滿意，因此勝出嘅六個商品唔單止會獲得我哋樂園提供嘅醫療，而且好返之後更加會安排進入我哋特登為佢哋而設嘅商品度假屋獲得一個星期嘅休假。至於其餘嘅商品，由於評分唔夠良好，並且喺競技中落敗，佢哋將會繼續成為我哋狂歡節嘅一部份，大家可以去到商品街競投佢哋以作各式各樣嘅用途。而家我哋就請獲勝嘅商品由出口離開迷宮為我哋迷宮逃脫競技畫上句號。」狐狸宣布出結果。

我要嘅甜唔係呢種甜喎

唔會又有陰謀掛？

［229］
咔咔咔咔咔….房間內再次傳出機關運作嘅聲音，天花板同頭先一樣又有一塊暗格被打開，不過今次打開嘅面積更大，暗格完全打開之後一條類似日本房屋入邊個啲摺疊式金屬樓梯緩緩伸展落下直到掂到地面。

樓梯通向嘅喺一道地板門，如無意外嘅話，應該就係通向迷宮嘅天台位置。

睇到依一幕我地六個望一望大家，終於都可以由依個地獄一樣嘅迷宮離開啦，雖然我地都清楚明白，外邊只係一個更大更可怕嘅迷宮…

我地六個之中受傷得最嚴重嘅就係同黑人戰鬥中接觸得最多嘅阿宗同阿孝，不過好彩嘅喺佢哋都依然神志清醒，只係行動嘅時候會伴隨住痛楚。

我同阿翔作為男子組之中受傷比較輕微嘅兩個人，一人扶住佢地其中一個，我將阿宗手臂放上自己膊頭，扶咗佢起身之後，向娜姐點頭示意由攞住鎖匙嘅佢帶頭並且開門。

阿晴喺離開又前走到去黑人嘅身邊，蹲低喺黑人面前伸出手輕輕撫過黑人塊面，幫助黑人將佢嘅眼皮閉上。

娜姐沿住樓梯向上行，去到地板門嘅下方，地板門上就只有一個鎖匙窿，娜姐將我地由yuki手上得番嚟嘅鎖匙插到地板門嘅鎖匙窿入邊。

咔！隨住娜姐扭動鎖匙，地板門傳出咁開鎖嘅聲音，娜姐高舉雙手，將地板門向上推，雖然地板門都有一定嘅重量，但好在娜姐依然夠力推得郁。

［230］
當地板門一打開咗少少空隙，就已經可似聽到迷宮外面客人嘅歡呼聲同拍掌聲，而一束強光都透過空隙射到入房間裏邊。

啪！地板門被娜姐完全打開，然後娜姐就沿住樓梯行左出去，阿晴都緊隨其後，我喺臨上去之前再次望向yuki，佢睇到我望向佢之後又再另過頭唔同我對視，表情中依然睇得出佢頭先嘅憤怒，但係佢左手捉住右手嘅手肘，夾緊住嘴唇，好似啱啱受完啲咩委屈咁。

「嘖。」我睇到佢呢個模樣，忍唔住發出不齒嘅聲音，喺我眼中yuki依種助紂為虐嘅幫兇，無資格擺出依種好似受害人者一樣嘅姿態。

隨後我就扶住阿宗，跟住阿翔同孝孝後邊行向迷宮嘅出口。

由出口行出，先喺被強光照得我擘唔大眼，抬頭向光源一望，原來喺場地天花板嘅射燈正全部集中照向我地一行六個人，而天花板面向4個方向嘅大型顯示屏亦都特寫地直播住我地。

行左出嚟之後周圍嘅歡呼聲、拍掌聲顯得更加明顯。

「咁多位客人喺迷宮逃脫競技開始之前所落嘅投注已經完成派彩，我地大型多功能活動場喺今次狂歡節所舉辦嘅活動已經圓滿結束，但係我哋慾望樂園嘅狂歡節依然喺度進行緊，咁多位客人依然可以去樂園嘅其他地方購買到平時冇嘅服務或者以更優惠嘅價錢進行交易。」孤狸向客人宣佈活動結束。

［231］
歡呼聲、拍掌聲開始慢慢中斷，對於暫時唔會再為佢哋提供到佢哋所需娛樂嘅我哋，客人已經暫時失去興趣，人潮隨即離職準備前往下一個可以滿足佢哋慾望嘅地方。

至於我地，隔咗唔係好耐，就有幾個樂園守衛同埋主任透過外牆嘅樓梯上到嚟天台。

其中一個就係一開頭帶我過嚟嘅馴鹿。

「恭喜你哋又再成為贏家～好彩你哋似乎都唔需要擔架床，如果唔係我哋啲同事又要做多啲嘢啦～」馴鹿又再帶住佢嗰副偽善嘅笑容講嘢。

「…」我哋冇人對佢作出回應。

「你哋今日嘅工作已經結束㗎喇～我嚟係遵守樂園嘅承諾帶你哋去醫療室進行治療。跟住我同事由樓梯落去啦～」馴鹿打側身，舉起手伸向樓梯嘅方向做出請嘅姿勢。

我哋並冇做太多無謂嘅行動，乖乖地就聽話照佢所講咁去做。一嚟當然喺我哋嘅處境根本唔容許反抗佢哋，二嚟我哋亦都確實真係需要得到治療。

於是乎喺咁多位職員嘅帶領，其實確實啲嚟講應該係押解之下，我哋沿着樓梯行落咗呢座迷宮。

「啊！…」阿晴突然比啲唔知乜嘢嚇親。

儘管佢已經好快咁樣刻意抑制住自己，但我哋所有人都留意得到。

我哋望向佢望住嘅方向，發現咗恐怖嘅一幕。

一個俾人剝咗皮血淋淋嘅屍體，瞓咗喺迷宮旁邊嘅地上面。

屍體嘅皮膚被剝離得相當徹底，肌肉嘅紋理清晰可見，不過死者似乎比較肥胖，可以睇副更多嘅係覆蓋喺佢身邊表面黃色厚厚嘅脂肪層。

係咪輸咗遊戲嗰條肥仔

終於出到迷宮

好似玩左成年咁

懷疑係

終於行到出迷宮

唔好意思大家，呢兩日真係好多嘢搞，我寫唔切，聽日更新

［232］
「你地啱啊先見過人咋啵～唔係咁快就唔記得咗佢掛？」馴鹿睇副我地嘅反應，決定調謔一下我地。

「係兵捉賊個時，對面隊又肥又矮嗰個？」憑住依副較為少見嘅身形，就算對方已經連臉皮都無埋，我都依然大概可以估到屍體有可能係邊一個。

「答啱咗啦～佢自從頭先喺迷宮入邊輸左比你地之後成個人就神神化化，雖然因為咁佢同佢個隊嘅女商品上演咗一場好戲，哄到在場嘅客人不知幾開心，只不過佢直到輸咗競投俾我地帶出嚟之後都仲係咁神神化化，仲向我地嘅客人破口大罵添～」馴鹿撟埋雙手打傾頭做出一副苦惱嘅姿勢同表情。

「我地已經電左佢好幾次，但情況都冇咩好轉，又唔方便對佢做進一步嘅行動啵～畢竟喺依場迷宮逃脫競技落敗嘅商品會安排成為狂歡節嘅買斷商品，我地盡可能都想可以保持副商品完整買個好價錢嘅～」馴鹿刻意將語氣扮得好無奈。

「狂歡節嘅買斷商品？」頭先狐狸主持嘅時候已經有提及過，但我依然唔知到底喺咩意思。

［233］
「我地平時提供嘅商品係類似租借嘅型式，商品嘅所有權依然屬於樂園～但係當我地收到足夠商品嘅時候，為咗達到我地欲望樂園嘅目標，滿足客人喺外面世界滿足唔到嘅慾望，我地樂園就會舉行唔同嘅推廣，就好似今日依個狂歡節咁～大型嘅活動都只係陪襯，最重要嘅都係向客人提供買斷式嘅商品，客人買斷咗個件商品之後，要點樣用都係佢嘅自由～有啲會斬曬手手腳腳改造完當竉物養，有啲就會攞嚟做活體靶練槍～本來我哋都真係為嗰個肥仔感到好煩惱㗎～不過咁啱現場有個客人都對佢嘅行為好不滿，即刻出價買斷咗佢，咁啱個客人最近又想整一套人皮鼓啵，我哋梗係即刻當場幫客人準備啦～」馴鹿陰陽怪氣哋同我講。

聽到肥仔商品落得如此下場嘅原因之後，我先係抑壓住自己反胃嘅感覺，人皮鼓呢樣嘢實在太過驚悚，到底係啲咩變態嘅人先至會諗得出呢種樂器。

「你突然間同我講解得咁詳細做咩？」馴鹿絕對冇義務向我講解更多關於樂園嘅嘢，佢咁樣做一定有佢背後嘅意思。

「可惜啊，今次又俾你僥倖贏到競技，如果你輸咗你就會同其他人一樣俾人送去商店街成為可以買斷嘅商品～唔知到時會係啲乜嘢人買走你呢？」馴鹿一邊講一邊行近我搭着我膊頭。

有啲懷念鬥智既part

［234］
「你好到一次，好彩到第二次，或者都仲會有第三第四次嘅，不過只要你喺呢一個慾望樂園入邊，總有一日你會冇咁好彩。」馴鹿將搭着我膊頭嘅手瞬間捉住我後頸將我個頭拉埋嚟喺我耳邊細細聲講。

我用力向後一拉，由馴鹿手上掙脫，冇再回覆過佢，只係死死咁樣盯住佢。

「繼續帶佢哋去醫療室～」馴鹿向其他首位示意。

「行啦！」旁邊嘅守衛隨即推我哋示意我哋繼續向前走。

前往醫療室嘅路上，我心入邊依然不停重複住，頭先馴鹿同我講嘅說話。

「只要你喺呢一個慾望樂園入邊，總有一日你會冇咁好彩。」

馴鹿講得冇錯，就算我實力幾好，運氣幾高。就算機率只係得0.1%，只要重複嘅次數夠多總有一次會中招，只要我被困喺呢個慾望樂園，總有一日就會有悲慘嘅下場等緊我。

同時間我亦都諗返起野馬所講嘅嘢，如果我可以喺迷宮逃脫競技之中勝出，佢就有可能幫到我逃離呢個地獄。

如今經歷千辛萬苦，我終於成功勝出，到底野馬嘅方法係點樣？到底點解佢會幫我？背後係點樣樣嘅情況？對於我喺呢度嘅未來我依然一頭霧水，但我相信野馬好快就會過嚟搵我，佢會開出呢個條件，代表着我有相對嘅價值。

諗嘢嘅過程令到時間變得快咗，不經不覺之間就已經係一眾樂園職員嘅帶領之下，又再返返嚟呢一個樂園嘅醫療室。

醫療室大門打開，醫生同護士已經由剛才Anna身處嘅房間返返嚟醫療室，等候緊我哋嘅到來。

「阿宗～你好耐都冇嚟過呢度啦～冇見一排都仲係咁大隻喎，你有冇掛住我啫～快啲過嚟俾我檢查胸肌有冇萎縮到啦～」護士一見到阿宗就發晒姣，雙手瞄準住阿宗嘅胸肌，向阿宗撲過嚟。

「咳咳！不如我哋交接埋先啦，一陣你大把機會同佢哋做個詳細嘅檢查～」馴鹿似乎都唔想同護士相處太耐。

ＯＫ．劇情分配尚算平均，基本上都係打鬥完，休息鋪排準備下一場。
只是前面打得耐啲，都唔算太長，始終鬥完智，就要鬥力。
定位喺競技類故事，每一項能力都有玩到喺遊戲上。