《慾望樂園》

［151］
既然已經有頭緒，咁就係時候可以諗吓到底對方係用咩方法知道或者睇到我嘅手牌。

「唔使講你一定係用晒剩低40嘅籌碼㗎啦？我哋快啲推啲籌碼出嚟開始第三局啦。」alex 對我講。

依家諗起嚟，突然發覺原來佢之前講嘅所有嘢都係有原因，不斷叫我盡快推晒啲籌碼出去就係為咗遊戲快啲完結，唔俾我發現當中秘密嘅機會，依家催促我，都係同一個道理。

我反覆觀察手上嘅牌，由正面到背面，睇唔出有啲咩記號之類。唔通問題出喺讀咭機嗰度？照計應該唔會，我哋同時放入張卡，對方冇可能用部機提前知道我要出乜嘢。

目前我諗得出嘅大方向就只有兩個，一係就係佢用好似賭神咁嘅顯影墨水同埋隱形眼鏡直接睇穿我副牌，一係就係有人知道我副牌然後話俾佢聽。

但係要由正面睇到我副牌嘅話，一定要由我後面望過嚟，我相信阿宗同阿翔絕對冇可能出賣我，唯一嘅可能就係嗰個直播住現場場面嘅監控鏡頭。

「我落注40。」Alex 率先落注，但係佢嘅語氣同表情相當奇怪，我諗應該係見到我係咁檢查個副牌，知道咗我已經發覺有唔妥。

「………..」

「我落注40。」思考咗一陣之後，我都為第三局落注，而且，我亦都諗到戰勝佢嘅方法。

好波

CCTV…噬謊者個潛烏龜 hangman game

天才
我完全諗唔到點贏

咁你先有動力，而且畀你知道有人好認真睇。
希望對你有幫助，啲意見。

推

死啦我睇噬謊者已經係好耐之前，唔記得咗呢part嘅內容

咁就等文公布個答案俾你聽啦

梗係有幫助啦，多謝你

祝大家新年快樂！最緊要身體健康

新年快樂

新年快樂！
新一年想繼續睇多啲好文

[每局最少注為30，該局賭注將為兩者較低一方的落注]

咁其實只要Alex落30個籌碼做注，佢咪唔使輸囉，最多都係打和。
依家又要俾主角反cup

你講得冇錯
如果落30注嘅話就算Alex輸咗都只係相同嘅賭注然後進入突然死亡。
只係Alex驚主角發現唔妥，想繼續佢一貫所提倡嘅高賭注娛樂性高啲嘅做法

Live 咗 強帖留名

多謝巴打支持

［152］
「第3組代表第三局落注40，而第10組代表第三局落注40，雙方代表喺賭注上相同，第三局嘅遊戲雙方賭注為40，雙方可以進入出牌階段。」廣播荷官繼續主持遊戲。

為左防止對方可以得知我手上嘅牌喺啲咩，我將牌放到自己胸前，再用右手遮擋着，然後用我嘅左手洗牌。除咗我自己視線嘅角度亦即係正上方之外，無論係Alex嘅視線，定係監控鏡頭嘅角度，都應該唔會睇得到我副牌。

而盡管Alex表情好正常同上兩局一樣，但相信佢內心一定已經知道咗我發現左啲嘢。

——-以下內容將以Alex為主視覺描寫——-

[屌！佢將啲牌遮得咁犀利，一定係已經察覺到我可以知道佢啲牌係咩！到底喺幾時被佢發現嘅呢？係頭先強叔叫我嘅時候我反應太大佢覺得奇怪？定係我第二局嘅時候太心急冇打到掩護呢？…依家唔係諗依啲嘢嘅時候，唔知佢咁樣個監控仲睇唔睇到佢啲手牌呢…］我盡量保持鎮定，希望佢睇到我咁平靜嘅反應會質疑自己嘅推斷。

「我揀好第一張牌要出咩啦。」Ryan用成隻手掌擋住，然後貼住枱面嘅方法抽出佢要打出嘅牌。

［shit！我個頸圈冇反應！啫喺話監控鏡頭都睇唔到佢手牌喺咩！仆街點解會咁架…明明依張掠奪卡雖然有極大嘅副作用，但喺幾乎係一張必勝嘅掠奪卡嚟架！點解會變到依家咁最後要靠運氣用技術決勝架…腳頭真係差…竟然遇到嘅喺一個觀察力咁好嘅對手，對方仲要咁啱有張咁克制我張掠奪卡嘅道具卡…］我因為內心嘅慌張，就連呼吸都不自覺地變得深同急促。

［153］
［唔得，我唔可以慌張架！既然對方已經識破左我，依家我只可以堂堂正正咁樣贏佢去掠奪佢嘅鎖匙！］我好快咁調整好的自己心態，呼吸都回復平穩。

「我都揀好啦。」我係五張牌入邊抽出封臣。

為咗唔好俾人扣分，第一張牌出封臣應該係最穩陣！

我哋兩個一齊將卡放入去讀卡器入面，螢幕顯示出載入中嘅畫面。

儘管我已經好努力咁表現得輕鬆平靜，但係有一啲生理反應始終都係控制唔到，就例如我而家啲手汗已經令我成隻手濕晒，原來唔知道對方出咩牌嘅情況之下係咁大精神壓力，到底Ryan係點樣係呢個劣勢之下仲可以保持到咁清晰發現到遊戲嘅端倪呢…

咇！nothing happened to you，哦係喎，如果我放封臣嘅話，無論點佢都係顯示Nothing Happen to You，即係話我係唔會知道佢第一張出咗咩牌。

但係正當我咁諗嘅時候，Ryan 突然間面色一沉，將手伸向氣壓釘槍。

Ryan用左手攞過氣壓釘槍之後，將氣壓釘槍拉埋身，然後再用右手手掌捉住槍柄，成個過程依然用右手手臂同埋佢嘅身軀嚴密咁樣擋住佢嘅手牌。然後佢伸出左手用手掌包裹住釘槍嘅槍口，睇得出佢好理所當然地有啲手震。

佢雙眼死死咁望住我，喺深呼吸一口氣之後瞌埋眼，右手就拉郁左氣壓釘槍嘅扳機。

［154］
嘭嘶！氣流喺狹小空間噴發嘅聲音由氣壓釘槍傳出。強大嘅氣壓推動鐵釘向前射出，狠狠咁樣扎穿左Ryan包裹住左槍口嘅左手手掌。

強大嘅衝力令到鮮血向四方八面飛淺，雖然並冇睇戲入邊真係槍械做出嚟嘅效果咁誇張，但係都足夠血染附近小小嘅位置。

雖然釘槍嘅威力唔細，但係人嘅身體亦都比我哋想像中結實，嗰粒鐵釘雖然貫穿左Ryan嘅手掌，但係並冇完全穿過，而係插住咗喺Ryan嘅手掌上面。

「啊！！嗚…」盡管睇得出Ryan 事前已經做好左心理準備，但係手掌被打穿嘅劇痛依然令到佢先喺發出左撕心裂肺嘅慘叫，然後先再抑壓成痛苦嘅低嗚。

「ryan!?!?你有冇事呀！！！」佢哋兩個隊友聽到Ryan嘅慘叫之後同時作出反應，並且即刻準備起身過嚟查看。

「唔好過嚟！！！嗄…嗄….冇…我冇事，我用釘槍打穿左自己隻手啫…」ryan 喘着氣，佢用受傷嘅左手舉起展示比佢嘅隊友睇，就算係呢個咁樣嘅情況，佢仍然將啲手牌擋得嚴絲密縫。

「但係你隻手…」被叫停左嘅阿宗雖然留咗喺原地，但係依然好擔心咁樣問。

「我冇事…穿咗個窿仔啫…嗄…唔影響嘅…」Ryan嘅語氣可以聽得出絕對唔係冇影響。

「但係…」阿宗始終唔係好放心。

「我哋坐返低啦，佢有需要會叫我哋㗎啦。」佢本來已經企咗起身嘅另外嗰個隊友拎返轉面面向牆壁坐低講。

「咁好啦。」阿宗見到佢哋兩個隊友都咁樣講，唯有聽話坐返低。

「咁我哋繼續啦。」Ryan強忍疼痛。

Ryan出苦肉計

仲乜玩自殘

希望可以用多的佢代替Ryan, 咁樣應該會順的如果你繼續寫Alex視覺的話