《慾望樂園》

呀宗呀翔果然唔係省油的燈

要啲高人氣嘅商品出場又唔想咁容易損失佢哋，其中一個最好嘅方法就係等啲有能力嘅商品一組

[110]
喺廣播嘅聲音完咗之後，阿宗終於放開俾佢壓制左足足成場嘅高瘦商品，慢慢起身過返嚟。

「估唔到仲有啲咁嘅方法啵。」我向阿宗表達左我對佢身體能力嘅佩服，並且伸出拳頭準備同阿宗擊拳。

「講真要我避開佢我就真係做唔到啦，不過唔好俾佢手掌掂到嘅話，咁又難唔到我嘅。」阿宗亦都伸出佢嘅拳頭，同我完成咗呢個擊拳。

高瘦商品亦都默默地坐返起身，望向自己嘅組員，一個到而家都仲喘緊氣，另一個已經默不作聲，淨係得返怨恨同埋責怪嘅眼神。

「由於兵組已經輸咗兩局，要達成掠奪條件嘅兩局勝利已經冇可能達到，因此將唔會有第三局嘅進行，掠奪卡—兵捉賊效果結束，第四組掠奪失敗，需要接受掠奪卡副作用，未來5分鐘第四組將不能夠離開此房間，並且將不停受到短暫電擊嘅懲罰。掠奪卡—兵捉賊將不能再被使用。」廣播聲音宣布掠奪已經結束。

隨着廣播嘅聲音結束，第四組嘅三位商品，就好似泥土入邊嘅蚯蚓一樣倒喺地上面翻滾同埋扭曲身體，伴隨着嘅係佢哋因為電擊導致肌肉收縮而發出嘅壓抑、難以呼吸、又痛苦嘅呻吟。睇到呢一幕嘅我頓時毛骨悚然，因為令我回想起自己俾人電嘅時候嗰種肌肉被迫收縮，酸痛同刺痛混合帶嚟嘅痛苦。

大概過咗10秒左右，佢哋因為電擊而繃緊扭曲嘅軀體突然放鬆落嚟。

[111]
「明明係你兩個輸咗！！點解要罰埋我呀！！你兩個垃圾！！一啲用都冇！！！點解呀！！點解要搵兩個垃圾同我一組啊！！！」當電擊一停落嚟，女商品就忍唔住對佢嘅隊友破口大罵。

「死八婆！！你收皮啦！！明明你乜嘢都冇做過！！張卡都係我搵出嚟㗎咋！！根本我就唔應該俾你保管！！明明係你一見到佢哋就攞出嚟用！！其他人我當你唔識啫！阿宗都喺度㗎！！明明係你做錯決定連累我哋！！你憑乜嘢仲聲大夾惡啊！！」面對女商品嘅無理辱罵，高瘦商品奮力支撐起啱啱經受完電擊嘅身體，望向對方回應反擊。

「咪係囉！！明明係你闖出嚟嘅禍！！我已經盡咗力㗎啦！！點解你仲要嫌棄我呀！！點解呀！！！點解出邊同依到都係咁！！點解每一個人都要嫌棄我呀！！我唔理！！你唔俾我嘅！！咁我自己攞！！橫掂喺度遲早都係死嘅啫！！起碼我都唔要做一個處男咁樣死！！」相比起高瘦商品，肥矮商品嘅情緒更加激動，就係佢講完之後，肥矮商品用盡佢最後一絲嘅力氣，一邊除褲一邊撲向女商品。

「救命呀！！唔好呀！！啊啊啊！！！」就係肥矮商品已經成個人壓住女商品嘅時候，新一輪嘅電擊又再開始，女商品嘅求救聲亦都隨即變成慘叫聲。

[112]
我下意識見到呢啲場景第一個反應就係打算去推開肥矮商品，但係正當我打算動身嘅時候，阿宗一把捉住我嘅手臂，將我拉停喺原地。我回頭望向阿宗，只見佢亦都望住我，並且輕輕搖一搖頭。

「我哋已經比佢哋浪費咗唔少時間，要起程㗎啦，再唔行我哋就會輸。」阿翔見狀亦都開聲催促我。

「唔好啊！！」嚟由女商品嘅聲音又再令到我望左過去，當電擊一停止嘅時候肥矮商品又再繼續返佢頭先做緊嘅嘢。

佢哋呢個狀態會持續足足5分鐘，喺呢個迷宮其他組嘅商品都係敵人，同埋我一定要贏到呢場競技，只要稍為理性思考一下，呢三個諗法就係我腦海入邊出現，阿翔講得冇錯，我唔可以再浪費時間。

於是我頭也不回，帶領住阿宗同阿翔就行向一樓第三行第三個房間。

「等我行先啦。」阿宗決定繼續幫我哋做先頭部隊。

就係阿宗打開門嘅果一剎那，廣播嘅聲音就由門後面傳出來。

「由於房門已被第三組打開，房間內視為第三組與第二組相遇，房間中的特定鎖匙掠奪方法將被觸發，第二組及第三組將被強制參與。」廣播嘅聲音結束。

既然已經觸發左房間嘅特定鎖匙掠奪方法，阿宗索性直接將房門打開行入去。而我同阿翔亦都緊隨其後。房入邊一早已經有另外一組嘅商品，睇得出佢哋亦都俾我哋突如其來嘅開門嚇咗一跳。

「一波未平一波又起。」我講完之後隨即準備好面對廣播所講嘅特定鎖匙掠奪方法。

「都係一件好事，對於冇掠奪卡嘅我哋來講，如果可以用呢個方法攞到鎖匙就最好不過。」阿翔講完亦都隨即打醒精神。

祝大家冬至快樂

對面成組都係怨天尤人嘅廢柴

個個都無諗過係自己問題

想睇肥矮破處

佢哋嘅行為一定可以帶俾客人好多嘅娛樂

唔通我要開特別篇，食得咁開啊

好提議

[113]
今次所打開嘅房間係一個佈置得好似酒吧一樣嘅房間，房間嘅中間放住一張黑色高身小圓枱，枱旁邊有兩張高腳櫈，以正對住嘅方向擺放。小圓枱嘅枱面中間放住一個電子秤，秤上邊放咗一個大酒杯，裏面裝住左一啲透明液體，而係小圓枱兩邊近住兩張高腳櫈前邊嘅位置亦都放各咗一個細嗰啲嘅酒杯，細酒杯入邊亦都分別裝住一啲透明液體，另外仲有一支滴管喺裏面。

房間嘅角落仲放左一啲酒櫃同迷你吧枱，酒櫃入邊放住各種各樣嘅酒，有人頭馬、Johnnie walker、jack daniels、生命之水、野格等等，基本上可以係一般酒吧飲到嘅依到都搵到，只不過冇調酒師，要飲就要自己調。

而頭先廣播提到過嘅第二組正正就企喺圓枱嘅附近，正喺到同我地對望。第二組由於喺正我地前一組入迷宮，所以其實我地已組喺入迷宮之前見過佢地。兩女一男嘅組合，男嘅商品睇落20出頭，應該同我咁上下甚至仲細過我，一頭電攣左嘅頭髮，外表整體俾人嘅感覺就好似大學入邊又上莊又做組爸嘅世界仔。世界仔商品一開頭神情懊惱，見到我地入嚟之後先喺嚇咗一跳，但係喺廣播之後儘管佢努力壓抑，但都難掩佢興奮嘅表情。

至於第二組另外個兩個女商品神情好似好驚，兩個人企得好埋，就好似互相依靠住對方咁，而且好容易令人留意到嘅係，佢哋兩個一個面頰紅腫，一個就眼角有瘀傷。

[114]
就係我哋組全部人都行晒入去呢間房，並且關好門之後，新一輪嘅廣播又再開始。

「房間內嘅特定鎖匙掠奪方法為表面張力挑戰，房間中間圓枱上面放有一杯水，電子秤所顯示嘅數字為扣除水杯重量後杯內水嘅重量，起始重量為450克，當水杯內水嘅重量超過500克嘅時候就會溢出，兩組需要派出一個代表輪流使用枱面上細酒杯內嘅滴管將液體加到電子秤上的酒杯內，每次加入的重量需要為2-5克，加入液體時令到酒杯溢出的一組為輸，將會被對方掠奪鎖匙。雙方可自行決定先後次序。」廣播繼續為我哋解釋特定鎖匙掠奪方法嘅詳情。

「頭先你哋都辛苦啦，今次就等我嚟啦。」未等阿宗同阿翔有任何反應，我就搶先要求出戰。

「我冇問題。」阿宗向我點一點頭表示對我嘅信任。

「你似乎諗到應對嘅好方法？」阿翔行埋我身邊細細聲講。

「冇錯，阿宗阿翔你哋過一過嚟…」喺示意佢哋兩個行埋啲之後，我就咬耳仔細細聲同佢地講咗幾句。

「嗯，交俾我啦。」阿宗聽完之後會心微笑。

「又真係一個唔錯嘅辦法。」阿翔傾完之後亦都表示認同。

「點啊！揀老婆呀？快啲啦！」一股心急又煩躁嘅催促聲由世界仔商品口中傳出，原來佢已經坐咗喺圓枱其中一張高腳櫈上面，正係到不耐煩咁催促我哋。

「你今次得唔得㗎…」擔憂嘅聲音由佢後面其中一個女商品傳出。

[115]
「你收聲啊！唔好再喺度干擾我！」世界仔商品講完之後，做出要打女商品嘅手勢。

女商品嚇得成個人縮埋一舊，唔敢再出聲，睇嚟同我哋呢邊商量好邊個出戰唔同，佢嗰邊根本冇商量嘅餘地。

「一啲耐性都冇又郁手郁腳，冇女仔會鍾意你個喎，久等啦，你對手係我呀，點啊你想你先定係我先啊。」我拉出高腳櫈，坐到世界仔商品面前。

「你收皮啦，關你撚事咩。」世界仔商品用平靜但係凶狠嘅語氣，再加上佢嗰副不屑嘅表情向我講，同時佢亦都攞起滴管，由細酒杯入邊吸起液體之後加到大酒杯入邊。

而喺呢個時候，阿宗正喺房間內嘅酒櫃翻箱倒櫃。

酒杯嘅讀數隨即上升到455，對方一共加咗5克。

表面張力挑戰，呢個係一個曾經喺外國好流行嘅小遊戲，玩家輪流將水加入水杯入邊，直到其中一個令水杯溢出，本來呢個遊戲就正如佢嘅名一樣，玩家要評估水杯嘅表面張力到底幾時到達極限，享受着嗰種類似層層疊隨時冧落嚟嘅刺激感覺。但係喺呢度變得唔同咗，遊戲事先已經同你講明水杯最多只可以承載到500克嘅水，你已經唔需要再靠估計仲可以加多幾多水，而係變咗一個減數遊戲，重點就變成邊個可以令到對方嗰輪加嘅水會令水杯溢出。

輪到我要加入液體，我用滴管喺細酒杯入邊提取左少量液體，但係我並冇加到大酒杯裏邊，而係滴左喺手指上面，然後一路捽一路放到鼻前邊聞，嗯，冇任何氣味。

祝大家平安夜快樂

咁呀，如果我呢個comment有六個like或者以上，我就出特別篇

使唔使咁撚快手

依兩日內寫比太家

証明讀者既喜好

究竟有何妙計

好事嚟嘅，證明你創造嘅角色得到讀者喜愛。

睇完你提水，我只可以感嘆書到用時方恨少