《慾望樂園》

暫時都要保持呢個頻率更新
年尾真係好多嘢做

大哥唔好意思
唔係好明你中間嗰句講乜

你話過我贏到一局嘅話會畀我摸你個胸

係啵
感謝指正

好刺激

但係乜對家唔知主角好叻避人咩？

唔緊要，可以一篇篇枕住咁出，一次爆晒出嚟，好快無貨。
寧願2,3日一篇，都好過７日幾篇。
就算少，最重要保持住個熱度。keep住有嘢睇。先留到人。

對家覺得呢個規則佢哋贏硬

雖然多嘢做但係繼續保持兩至三日一更

留名等 支持樓主

多謝支持！依家就更新

［104］
當廣播嘅倒數計時一結束，肥矮商品就張開手臂，向住阿翔飛撲而嚟，面對住來勢洶洶嘅肥矮商品，阿翔不但冇連忙後退拉開距離避免進入對方雙手接觸到嘅範圍，更加喺明知山有虎偏向虎山行，選擇主動接近對方。

由於兩方都選擇向前突進，好快阿翔就到達左對方可以伸手掂到嘅距離。

「我捉到你啦～！」嘔心猥瑣又油膩嘅笑容浮現喺肥矮商品嘅臉上，喺依一刻佢個樣幾乎同遊戲王入邊嘅強欲之壼一模一樣，而佢本來張開左嘅手臂亦都亦都瞄準阿翔抱過去。

阿翔已經嚟到肥矮商品嘅面前，就喺對方左右兩邊嘅手掌即將觸碰到佢嘅時候，阿翔即刻打側身向下潛，手掌啱啱好就係阿翔嘅頭上經過揮空，下潛之後阿翔順勢踎低，用背脊擋住肥矮商品嘅小腿，喺向前嘅衝力之下，肥矮商品不但止冇成功用手掌觸碰到阿翔，更加被阿翔絆倒，成個人向前跌低喺地下打咗一圈並且撞上房間嘅牆壁，如果唔係因為呢間房嘅設計地下同埋牆上面都有軟墊，相信肥矮商品一定會跌到眼冒金星。

「死肥仔你搞乜撚嘢呀！！快啲起身啊！！」女商品望住倒地嘅肥矮商品破口大罵，猶如潑婦罵街。

「嗚～痛啊！」肥矮商品艱難咁樣拖住佢嘅肥肚腩起翻身，就算有地墊同遠墊嘅保護，佢嘅體重都為佢嘅倒地增加咗唔少傷害。

阿翔面向肥矮商品，休閒咁樣企返起身，開始好似拳擊手咁樣原地跳動，準備應對下一輪嘅攻勢。

［105］
「啊！！」一聲吶喊之後，肥矮商品再次衝向阿翔，但經過頭先之後，佢亦都吸收到教訓，只係衝到阿翔面前就停低，然後不停嘗試用手捉住阿翔。

但係亦都係因為咁，冇咗助跑嘅肥矮商品動作非常之遲緩，每一次嘅伸手都要拖住厚厚嘅脂肪，阿翔透過步法同埋一直向後拉開距離，就已經足夠避開對方嘅手掌，而每次臨近去到牆邊嘅時候，阿祥都把握着對方嘅破綻，由罅隙中轉身逃走。

只係過咗幾十秒，但係肥矮商品就已經攰得氣來氣喘，滿頭大汗，就嚟連腰都伸唔直。

「唔公平呀！你郁得咁輕鬆！你哋呢啲靚仔真係好乞人憎呀！！！企定定俾我掂到唔得咩！！」肥矮商品彎低腰，雙手支撐着膝頭哥，用一副痛苦嘅表情，發出佢嘅無能狂怒。

阿翔望住對方，並冇作出任何回應，甚至冇任何表情變化，阿翔唔介意佢就咁樣繼續無能狂怒，浪費埋佢剩低嘅時間。

「死肥豬郁啦！！冇時間啦！！」女商品嘅表情由佢一開始用張掠奪卡嘅時候個種勝券在握嘅自信，變成依家充滿責備又憤怒嘅樣子。

心知唔可以再浪費時間嘅肥矮商品拖住佢已經力竭嘅身體撲向阿翔，瀛弱嘅體能已經無辦法負擔到佢癡肥嘅身驅，佢每一下嘅動作都好似慢鏡一樣，根本冇可能可以掂到阿翔，甚至阿翔而家唔使絆倒佢，佢都會因為自己嘅體重跌低。

再一次嘅撲空令到肥矮商品嘅身體力竭，而且向前失去平衡，為咗唔好跌低佢唯有不停向前跑，最終幾乎撞到自己嘅隊友，並且一頭撞埋牆之後倒係地面喘着粗氣。

「第一局結束，兵組由於未能夠係1分鐘之內用手掌觸碰到對方，第一局由賊組勝出。」廣播嘅聲音宣告左第一局嘅1分鐘已經結束。

［106］
喺宣布結束之後，阿翔表現輕鬆，悠然自得咁樣行返過嚟我哋呢邊。

「好敏捷喎！最衰你生得咁靚仔啦，如果唔係常駐競技場應該會輕鬆啲。」阿宗讚揚阿翔。

「對方動作遲緩啫，如果係你嘅話我一開頭就俾你捉到啦。」阿翔嘅反應亦都相當謙虛。

「屌你冇撚用㗎！間房咁細你都掂唔到佢！行兩步就走唔郁，仲要成身肥膏又一陣臭味！！咁就嘥咗一次機會啦！！」女商品按耐不住自己嘅怒火，一邊用腳踢肥矮商品一邊不斷辱罵，就連旁邊嘅高瘦商品都對佢投以鄙視嘅目光，同我哋呢邊嘅氣氛簡直形成鮮明嘅對比。

而瞓喺度嘅肥矮商品冇作出任何回應，而係專注唞氣恢復體力。

「下一個就等我嚟啦。」未等我哋有任何回應，阿宗就已經行咗出嚟。

而對方嗰組見到阿宗之後，高瘦商品亦都準備出嚟應戰。

「你得唔得㗎！我哋輸多鋪就掠奪失敗㗎啦！有副作用㗎張卡！」女商品一開頭莫名其妙嘅自信已經不復存在。

「屌咁唔通你嚟咩？打我就一定唔夠佢打㗎啦，不過我諗用手掂到佢應該冇問題，話晒我以前都打籃球同嗰隻肥豬嘅體能唔同，加上我嘅臂展咁長，我諗應該問題唔大嘅。」高瘦商品講完之後就行到阿宗嘅面前，似乎係想喺第二局開始之前已經盡量拉近距離。

不得不講，阿宗差唔多有成米九高，而對方同阿宗嘅身高相若，但係隻手就明顯長得多，要喺呢個房間咁細嘅範圍入邊避開對方，依阿宗咁大嘅體型，真係未必做得到。

「雙方嘅人選已經決定好，第二局將於3秒後開始，3，2，1。開始！」廣播傳出第二局開始嘅倒數計時。

有文

啲女人真係好煩

推

呢啲玩法設計得好好，唔止係單純你打我我打你。

聽晚再更新

呢個特別嘈喧巴閉

嚟緊嘅內容會有更加多新奇嘅玩法

[107]
第二局開始之後，由於高瘦商品係一開頭已經企得好近阿宗，再加上佢天生嘅手長，於是佢根本唔需要好似第一局嘅時候肥矮商品咁樣向對方衝刺，而係喺倒數計時結束之後即刻將雙手向阿宗伸出。

面對即將觸碰到自己嘅手掌，阿宗抬起雙手去到心口位置，氣定神閑，完全冇向後退或者避開嘅意思。

就係高瘦商品嘅兩隻手掌即將掂到阿宗膊頭之際，忽然兩隻手掌就停咗落嚟，無論高瘦商品點樣去伸展佢嘅手指，始終都仲係差少少先掂到阿宗。原來阿宗睇準時機，特登唔避開唔退後就係為咗吸引對方集中精神攻擊自己，然後當對方即將掂到自己嘅時候，就用雙手緊緊咁捉住咗對方嘅一對前臂。

儘管雙方擁有差唔多嘅身高，但係論體重身形同埋力量簡直就可以話係完全唔同物種，而家嘅情況就好似一隻竹節蟲被巨戟大兜蟲夾住左一樣，阿宗靠住佢嘅力量完全控制住對方。

「你放手啊！！」高瘦商品一邊發出怒哮一邊掙扎想要抽出雙手。

但喺無論高瘦商品點樣扭動佢嘅身體，佢嘅前臂就好似比老虎鉗夾住左一樣，基本上紋絲不動。見自己冇辦法將手臂掹返出嚟，高瘦商品轉為奮力轉動手腕，希望可以用雙手掂到阿宗，但係結果係同樣徒勞無功，阿宗捉住嘅位置係佢前臂嘅中間，無論佢嘅手腕活動度有幾好都好，始終都係冇辦法用手觸碰到阿宗。

[108]
「你踢佢啦！！快啲掹返隻手出嚟啊！！」女商品嘅潑婦罵街再次喺房間內上演。

不過今次女商品的確提醒左高瘦商品，高瘦商品瞄準阿宗，右腳往後拉弓準備使出膝撞，而且最狠毒嘅地方係，佢所瞄準嘅係阿宗嘅子孫根。

膝撞已經擊出，朝着阿宗子孫根嘅方向猛衝過去，高瘦商品以為阿宗一係就會被擊中子孫根痛得滿地打滾，一係就會為咗避開攻擊放開佢嘅手臂。但係佢諗漏咗嘅係，女商品嗰種潑婦罵街嘅聲線，我哋呢度全間房都聽到，除咗提醒咗佢之外，亦都提前通知咗阿宗對方可能會做啲乜嘢。

於是乎就係膝撞啱啱擊出嘅一剎那，阿宗就瞄準着高瘦商品剩低用嚟支撐身體嘅左腳，用自己嘅右腳輕輕一掃將高瘦商品整個掃跌喺地下。

就算對方跌低咗，阿宗嘅雙手依然好似黏咗膠水一樣緊緊捉住對方嘅一雙前臂。並且喺對方落地嘅瞬間，用左腳膝頭哥跪向對方嘅腹部，穩穩咁樣將佢壓制住，最後更加係順勢成個人騎埋上去。

本來都只係兩隻手俾人控制住，依家嘅高瘦商品基本上成個上半身都俾阿宗壓制住喺地下，只係得返雙腳可以郁動到。

「啊！噫！！」伴隨着高瘦商品一聲聲發力嘅咆哮，佢不斷嘗試扭動身體想擺脫對方嘅控制，又不斷嘗試拱橋推走對方，更加不斷揮舞着佢嘅雙腳，希望可以撞走阿宗，但係喺咁誇張嘅體重同力量差距之下，佢所做嘅一切都係徒勞無功，一雙手臂更加係被緊緊壓喺地上面，似乎要做到用雙手掂到對方已經係天方夜譚。

[109]
「點會咁㗎…呢個規則唔係應該好易贏嘅咩…點解我哋會輸晒㗎…」女人一早已經冇咗一開頭嘅狂妄同埋莫名其妙嘅自信，亦都似乎已經覺得自己組係呢場掠奪卡嘅遊戲入邊已經輸咗，淨係喺度雙目無神咁樣攤坐喺地下上面，一路低聲自言自語。

「係呢你咁好身手但係竟然唔係常駐競技場嘅？」睇到呢個情況之後，我已經完全唔擔心阿宗，開始同身邊嘅阿翔搭話。

「…我間中都會喺競技場出賽嘅，不過正如頭先阿宗所講，相比起我嘅身手，我嘅長相同身材似乎更加可以滿足到啲客人，所以紅燈區先至係我常駐嘅地方。」阿翔沉默咗一陣，然後就用好自然嘅語調講出一個令我嚇一跳嘅事實。

「哦…原來係咁…唔好意思。」我聽到嘅第一下的確嚇咗一跳，不過諗諗吓，又好似好合理。

「唔使在意，起碼嗰度死亡率冇咁高。」阿翔嘅語氣相當雲淡風輕。

時間1秒1秒咁過去，高瘦商品雖然體能上的確比肥矮商品要好得多，但係接連掙扎之下，睇得出佢發力嘅頻率已經大幅下降。而相比之下，一直壓制住佢嘅阿宗可以話係汗都冇流過一滴，根本唔需要花費幾大嘅力氣，淨係靠體重已經輕鬆對對方進行壓制。

好快高瘦商品嘅體力亦都耗盡，亦有可能係因為佢知道自己已經冇可能贏到呢一局，於是索性放棄掙扎，等待時間結束。

雖然如果我係佢我一定唔會放棄掙扎，始終呢度嘅一舉一動都係直播緊比出邊嘅客人睇，就算明知一定輸都好，都唔可以得罪佢哋而受到懲罰。但係點都好，高瘦商品就係選擇咗咁樣做。

「第二局結束，兵組由於未能夠係1分鐘之內用手掌觸碰到對方，第二局由賊組勝出。」廣播嘅聲音宣告左第二局嘅1分鐘已經結束。

又睇晒
推