《慾望樂園》

[200]
趕過嚟幫手嘅我哋終於先後趕到，作為位置最近嘅娜姐同阿翔率先嚟到，佢哋一人一邊攬住黑人嘅手臂，好似拔蘿蔔一樣死力向外拉，但奈何無論佢兩個點樣咬緊牙關用力用到青筋暴現，就連塊面都谷到紅晒，依然冇辦法拉開黑人雙手，而黑人亦都似乎冇打算理會佢哋，決定繼續對阿晴落手。

「啊..唔…」阿晴條頸已經開始比黑人摙實，率先明顯受到影響嘅就係氣管開始唔流通，令到阿晴喉嚨好難再吐出一個字。

遲少少嚟到嘅，就係我同阿孝，阿孝去到黑人頭部嘅位置 ，雙手由黑人膊頭上面伸入去再穿過黑人嘅胳肋底，然後雙手手掌扣喺黑人嘅背脊上面，並且用胸口頂住黑人後尾枕，雙手發力向外一撬，嘗試利用槓桿原理，將黑人雙手由阿晴條頸上面拉走。

而我就係黑人背後，用手緊緊捉住佢身上嘅囚服，嘗試將佢向後拉走遠離阿晴，雖然黑人嘅體重小講都有120-130公斤，但係作為平時喺健身室可以拉起220公斤 硬拉嘅我嘅講，都勉強唔係問題，更何況阿翔同埋娜姐見到我咁做，亦都捉住黑人嘅手臂一齊向後拉。

「咳咳咳！！！哈..咳咳！！」猛烈嘅咳嗽聲同埋喘氣聲由阿晴嘅口中傳出，係我哋四個人嘅行動終於有少少成效，黑人雙手對阿晴頸部造成嘅壓力開始減少，空氣重新流入阿晴身體，所以阿晴先至會咳得出同埋呼吸得到。

[201]
黑人見到呢個情況，終於放開佢捉住阿晴嘅右手，黑人先係向外揮舞右手，強大嘅慣性，令到捉住佢右手嘅娜姐甩手鬆開左黑人手臂並且向後退咗幾步之後跌倒喺地下，隨即黑人就用重獲自由嘅右手向着佢覺得依家身邊最大嘅威脅阿孝嘅肋骨揮拳。

由於事發突然，再加上呀孝頭先嘅動作卡住黑人嘅胳肋底之餘其實同時都將自己嘅手卡住咗喺入邊，令到佢自己冇辦法即刻鬆手離開閃避黑人嘅攻擊同埋抽返隻手出嚟進行格擋，於是乎阿孝毫無防備嘅肋骨位置俾黑人狠狠咁樣擊中。

「boom!」「嗚哇！！！」先係沉重嘅打擊聲由啊孝嘅身體傳出，緊接而來就係阿孝因劇痛而爆發出嚟嘅悲鳴。

痛楚令到呀孝嘅身體喘縮埋一舊，短時間冇辦法順利郁動。亦都係因為咁，黑人有咗機會繼續攻擊。

黑人右手再次向後拉弓儲力，第二次嘅攻擊準備再度擊出，為咗避免阿孝再次受到攻擊，我出盡吃奶嘅力量捉住黑人嘅囚服向後拉，希望最少都破壞黑人嘅平衡，令到佢嘅攻擊打唔中。

而本來捉住黑人另外一隻手臂嘅阿翔亦都已經放開黑人嘅手臂，轉為嘗試將阿孝由黑人身邊救走。

但就喺我將黑人成功拉起，佢嘅身軀開始向一邊傾斜，需要停止攻擊重新維持平衡嘅時候，囚服竟然承受唔住我哋兩個之間拉扯產生嘅力量，沿住囚服縫紉嘅邊緣成件撕開咗，令到黑人露出咗佢背後嘅紋身。

[202]
強大嘅慣性，令到我同娜姐一樣，接連後退好幾步，好彩嘅係我嘅下盤比娜姐穩陣，後退幾步減速之後就站穩腳步，準備再次衝上前幫手。

但就係我後退緊嘅呢段時間之中，黑人已經再次重新將右手向後拉弓儲力，並且狠狠咁樣擊向阿孝。

「嗚啊！！！！！」阿孝嗌出俾頭先更加淒厲嘅慘叫聲，而係佢中咗第二拳之後，喺阿翔嘅幫助底下，終於成功將卡住嘅雙臂拉出。

阿翔同阿孝一齊向後跌低，阿孝露出痛苦嘅表情身體好似蝦米一樣縮起，並且用手掌掩蓋住被擊打嘅肋骨位置。

喺擺脫咗身邊嘅阻滯之後，客人嘅目標依然無變，再次向阿晴伸出雙手，摙實阿晴條頸。

「啊….」阿晴嘅聲音就好似突然被靜音一樣突然消失，係因為氣管再次被壓迫聲帶冇辦法傳出聲音。

我娜姐同阿翔唔顧得咁多，再次衝向黑人，儘管我哋都冇好好嘅辦法。而阿孝暫時喪失咗活動嘅能力，必須瞓低好好恢復。

「等我嚟！啊啊啊！」就係呢個時候，阿宗嘅一聲怒吼傳來，經過助跑加速之後嘅阿宗瞄準住黑人嘅頭部，一個飛膝撞埋去。

「咔！」一聲類似物件碎裂嘅聲音傳出。阿宗因為佢向前嘅衝力，令到自己收唔切掣繼續向前飛出，而承受左呢吓衝擊嘅黑人亦都成個人向旁邊瞓低。

「ahh! God damn it !!」黑人雙手揞住頭部，用憤怒而痛苦嘅腔調講出。

201段入面，如果阿孝係插黑人眼應該會有用啲… 主角team太善良？

其實係
仲可以踢爆對方膝頭哥(兩個膝頭哥爆晒嘅話，會企唔到起身，咁幾大力都冇用)，一掌拍落隻黑耳道(會失去聽覺同暈)

打左咁耐都仲打緊

足球小將個波都飛半集

去到禁區架啦

[203]
收唔切掣嘅阿宗喺膝撞完黑人嘅頭部之後重心向前傾斜，眼見即將以趴喺到嘅方式落地，阿宗索性摺腹抱膝，以前滾翻嘅方式落地。

以依個方式著陸其實喺柔道之中受身嘅方法之一，咁樣做唔單止可以延長落地時衝擊力喺我地身體上面作用嘅時間，同時亦都可以避免到重要部位例如後腦免受衝擊。而且咁樣做亦都方便喺落地之後快速調整姿勢，以最快嘅速度做好準備。

阿宗就喺順利落地之後即刻轉身回頭望向頭先黑人嘅方向，準備再接再厲繼續進攻，但係當佢一回頭嘅時候，黑人就已經嚟到佢面前，巨大嘅身軀已經佔據住佢嘅視線。

就係黑人頭先吃痛雙手揞住頭部之後，黑人即刻就意識到阿宗係最大嘅威脅，於是終於放過俾佢騎喺身下面嘅阿晴，起身將目標轉為阿宗。

「why!!! I just want to save my daughter !!!!」黑人雙手捉住阿宗嘅一雙前臂，使勁向前推。

「啊！我屌你老母！」受傷嘅前臂被使勁捉住令到阿宗非常之痛，阿宗嘗試掙扎擺脫黑人，但係由於手臂受傷，再加上對方嘅力量比自己大，阿宗對手臂就好似夾咗喺老虎鉗一樣郁都郁唔到。

「放手啊！」阿宗一路怒吼，一路不斷向着黑人嘅身軀進行膝撞，黑人專注將阿宗向前推，竟然完全唔進行任何防禦硬生生吃下阿宗嘅所有膝撞，但亦都成功令到阿宗就快要退到牆邊。

「阿晴你點啊？你有冇事啊？」我將手上囚服嘅布碎掉走，連忙去到阿晴嘅身邊。

[204]
「咳咳..我…哈….咳..無事啊，哈…你快啲，去幫阿宗…咳咳…」阿晴皺起雙眉，雙手揞住心口，呼吸急速，而且伴隨着劇烈嘅咳嗽，好艱難先至可以喺當中夾雜着少量嘅字句。

阿晴塊面因為頭先唞唔到氣，於是紅到成個蘋果咁樣，而頸部嘅位置亦都發紅顯露出清晰嘅手指造成嘅勒痕。但係以佢而家嘅狀況嚟講大體上應該冇咩問題，只係需要啲時間休息吓。

係確定咗阿晴並唔算有咩大礙嘅情況之下，我就即刻起身準備去幫阿宗手。

而呢個時候，阿宗已經俾黑人推到撞埋咗牆邊。

黑人雙手捉住阿宗嘅前臂，緊緊咁樣壓住喺牆上面，令到阿宗而家嘅姿勢成棵仙人掌咁樣。

黑人五官扭曲，口腔中唾液混合住血液不斷流出，黑人後揚起頭部，準備使用頭錘攻擊阿宗。

黑人頸部同埋核心一齊發力，頭錘就好似流星錘一樣向住阿宗嘅頭部衝去。

就係即將擊中阿宗嘅時候，阿宗利用左黑人身高比佢高所產生嘅角度優勢，向前伸出頭部抬起額頭，令到黑人嘅鼻哥狠狠咁樣撞咗落去自己嘅額頭上面。

額骨係一塊位於大腦正前方嘅骨頭，為咗可以保護大腦呢一個操控住整個人體嘅器官，額骨嘅厚度足足有1.5厘米，係人體身上面其中一塊最堅固強壯嘅骨頭 。而鼻樑骨是人體最細小嘅骨頭之一，厚度僅有幾毫米，加上佢附近嘅亦都只係一啲軟骨，完全提供唔到足夠嘅支撐。

[205]
於是乎衝擊造成嘅結果就係身為攻擊者嘅黑人承受左最大嘅傷害，而阿宗幾乎冇受到啲乜嘢傷。

一般人當個鼻受到重擊嘅時候，都會感受到一股好似要衝入大腦嘅痛楚，同埋強烈嘅淵痛。令到嗰個人擘唔大眼失去行動能力。

頭先嘅撞擊絕對係對黑人嘅鼻哥造成好大嘅傷害，因為佢嘅鼻樑已經明顯折斷，本來筆直嘅鼻樑已經歪咗，鼻血源源不絕咁係佢嘅鼻哥窿入邊流出嚟，但係佢嘅反應就好似冇事一樣，竟然係再次向後揚起頭部，準備繼續用頭鎚攻擊。

Boom ，boom，boom，黑人瘋狂咁樣繼續用頭鎚攻擊阿宗頭部，每一下嘅攻擊阿宗都用相同嘅方法抵擋，但係喺持續嘅衝撞之下，好快阿宗嘅頭部就已經被撞到貼着牆壁，強大嘅衝擊透過阿宗嘅頭傳導到牆壁上面，令到阿宗嘅大腦開始震盪，就快維持唔住意識。

而已經趕到過嚟嘅我，不斷朝着黑人嘅唔同身體弱點進行攻擊，包括膝頭哥肋骨後腦，亦都用盡我嘅所有方法，包括腳踢拳打肘擊膝撞。但都冇辦法阻止到黑人，又或者係轉移到佢嘅注意力。

同時我亦都留意到，黑人背脊上面嘅紋身係一個洋溢着幸福笑容嘅非洲裔小女孩嘅大頭，下面寫住Anna。

「仲有最後5分鐘。」yuki再次向我哋講。

「你咁樣冇用㗎，等我嚟啦！！」趕到過嚟嘅娜姐，瞄準住黑人嘅睾丸位置，狠狠地一腳踢左上去。

呢嘢金
噉樣爆丸

踢人蛋蛋咁毒

睇琴鳩縮

樓主加油
如果可以出密少少就好

男人最痛

仲要應該好大粒

最近都難啲 真係有啲多嘢做

［206］
人體係一個好奇妙嘅結構，喺演化之下人類同其他動物一樣，身體有着有如鬼斧神工一樣嘅設計，係幾千年來演化嘅成果。

人體上邊幾乎所有重要嘅器官都有肌肉同埋骨骼嘅保護，就算係眼睛都係有強韌嘅鞏膜所包圍，係一啲格鬥比賽，當拳手眼部中拳嘅時候，大多數情況就算去到眼框骨骨折，眼球依然完整無缺。但人體上邊偏偏有一個器官，明明肩負着生物最終嘅目的繁衍下一代呢一個重任，但係就僅僅只係有一層簿簿嘅皮膚所保護 ，並且完全暴露喺身體最外圍嘅位置，而呢個器官就係睪丸。

睪丸係男性身上面負責生產同埋儲存精子嘅器官，呢個器官結構脆弱，而且滿佈神經線。無論點睇都係一個需要透過其他人體組織保護嘅器官，但係就偏偏隔住一層皮吊係兩腳之間，試想像一下如果其他脆弱嘅器官同睪丸一樣淨係靠一層皮懸掛喺身體外面係幾咁大鑊嘅一件事。而睪丸呢個設計為嘅就只係提供一個最令到精子活躍嘅溫度，遠離人體核心盡量貼近外在環境，做到降溫嘅效果，因此睪丸除咗係男人身上面溫度比較低嘅器官之外，更加係一個最大嘅弱點。

「arrr….」黑人雙腳一軟，口中痛得直吐白沫，同佢本來口腔入邊嘅血液一齊混合成為白色嘅泡沫。

就連旁邊見到依一幕嘅我，都好似感同身受一樣，下意識夾緊雙腳。

［207］
但儘管係咁樣，似乎藥物成功抑制住痛楚，黑人依然唔肯放開阿宗，黑人咬牙切齒，似乎誓要喺呢度解決阿宗先至安心。

娜姐見狀連忙補多兩腳，每一腳都喺瞄準住同一個位置。

「you bitch!!!!」相比起之前嘅怒吼，黑人而家嘅聲調明顯係受到痛楚影響低沉而憤怒。

儘管自從第一腳之後，黑人已經夾實咗大髀，但係奈何黑人嘅基因令到佢嘅生殖器官實在太大，於是冇辦法完全保護到自己嘅下體，我諗佢都估唔到呢一點竟然會令到佢吃盡苦頭。

黑人嘅褲浪變得潮濕，黃色嘅液體浸濕左褲管，沿着雙腳留到地面，黑人嘅生殖器官生理上已經承受唔住傷害，無法控制地失禁。

亦都因為咁，黑人終於停低攻擊，但係雙手依然緊緊捉住阿宗，並且依然向前推將阿宗定喺牆上，然後開始向後起腳想踢走娜姐。

但係因為下半身劇烈嘅痛楚令到黑人雙腳嘅動作變得唔靈活，娜姐順利向後避開咗黑人嘅攻擊。

「屌！咁都頂到？Ryan你大力過我好多！快啲幫手踢啦！」娜姐見自己嘅行動雖然多少有啲成效，但係未成功救得走阿宗，心知到呢個方法可行止係唔夠力氣嘅佢擰轉頭望住我，焦急咁命令我快啲好似佢咁一腳踢落去。

「哦！」喺娜姐嘅指示之下，我起腳推臀扭腰，用盡全身嘅力量，一腳踢埋黑人嘅睪丸到。

［208］
「啪…」隱隱約約一股類似某啲嘢破裂嘅聲音傳入我耳仔入邊，就連我踢落去嘅腳脛都依稀感覺到係有啲嘢爆咗。

「fuck!!!!!!!!ahhhhh!!!!!!!!!!!my ball!!!!!!!」藥物終於冇辦法抑制到呢個痛楚，黑人放開左阿宗，雙手揞住跨下嘅位置，例喺地上面，滾到一邊。

阿宗擺脫控制之後背脊貼住牆壁慢慢向下跣直到坐落地下。

「嗚…」阿宗額頭紅腫，滿面都係鮮血，但係並睇唔到有傷口。而且似乎係黑人不斷嘅頭槌之下後美枕撞到牆壁有少少腦震盪，導致阿宗依家處於一個搖晃暈厥嘅情況。

「阿宗你點啊？快啲醒啦！」我嘗試用手指公撳住阿宗嘅人中，睇吓可唔可以令到佢快啲清醒，始終黑人唔知幾耐會恢復過嚟，我哋咁樣一定令到佢更加憤怒，如果冇啊宗幫手真係搞唔掂。

「喂…ryan，你好快啲叫返醒阿宗啦…」娜姐嘅語氣顯得相當神色緊張。

黑人己經停止左喺地下打滾，正喺到艱難地爬番起身。

黑人顯然仲未完全係痛苦中恢復，右手仍然揞住自己嘅下陰，但係已經蓄勢待發，用比起之前更加憤怒更加瘋狂嘅眼神同埋表情望住我哋。

由於黑人瘋狂嘅頭槌，令到自己嘅鼻哥撞落阿宗嘅額頭上面，佢鼻樑骨嘅位置已經由一開頭我見到嘅折斷變形，惡化成為開放式骨折，白色嘅骨頭穿破皮膚吉咗出嚟，成個鼻哥變成L嘅形狀。似乎阿宗就係因為黑人一路流血一路頭錘而令到自己臉上沾滿咗黑人嘅血液。