《慾望樂園》

push

巴打犀利

依家到而家到

［182］
「依個喺你地贏出迷宮逃脫競技前嘅最後一個難關，當你地過左依關之後我就會由依個安全室出嚟，將鎖匙交俾你哋，而迷宮嘅出口到時亦都會出現喺你地面前，跟住落嚟會我地會放出一位雖然未正式成為商品，但係仍然屬於樂園資產嘅貨物出嚟，只要喺15分鐘之後，你哋依然仲有命嘅話，就算過咗關。」yuki 講到嗰個貨物嘅時候，下意識眼神數過咗中間嗰個金屬柱。

「你講緊乜嘢貨物？15分鐘之後仲有命又係咩意思！？」阿翔聽到呢啲關乎生死嘅字眼，隨即就緊張起嚟，提高聲線追問yuki。

而我見而家呢個情況，即刻就伸手示意阿情同娜姐兩位女性企後少少，先由我哋四個男人隔住個金屬柱先。

「我需要…唔係，係我可以同你地提供嘅資料就係得咁多，更加多嘅詳情恕我唔可以同你地透露，不過你哋放心，其實成件事會好簡單易明，一陣你哋就會知發生咩事…」講到依到，yuki嘅聲線有啲軟弱，或者應該話有種心虛嘅感覺，就連頭都慢慢揼低，唔知道佢唔想定係唔敢同阿翔嘅眼神對視。同其他樂園嘅守衛相比，yuki冇佢哋嗰種高高在上，視商品生命為糞土嘅感覺，諗深一層，佢直頭有少少迫於無奈嘅感覺。

［183］
「大家小心，盡量遠離少少個金屬柱，佢講嗰個貨物好可能就喺裏面出嚟，分分鐘有機會係猛獸。」阿宗作為呢度資歷最深厚嘅商品，佢深知樂園只會創造最大娛樂性比客人，只要唔係必要嘅嘢，一定唔會同商品交代，與其將注意力放喺引出更多情報，倒不如集中喺眼前最危險嘅地方。

我地一步一步往後退，去到幾乎房間邊緣貼近牆壁嘅位置，我除咗一路留意住中間嘅金屬柱之外，亦都不時望向Yuki，觀察佢會唔會有任何打開金屬柱嘅先兆。

只見yuki先係深呼吸一口氣，將狀態重拾返去我哋啱啱入嚟guard room 個時咁。

「既然我已經同你地解釋咗跟住落嚟嘅規則，咁為咗避免我哋尊貴嘅客人等得太耐，亦都唔好拖延你地逃離呢個迷宮嘅時間，我哋就開始啦，希望你哋已經做好準備，祝大家好運。」yuki以一副
沉重嘅表情同語氣向我地講。

就喺yuki講完之後，嗰個金屬柱就開始傳出動靜。

機械運作嘅聲音由金屬柱上邊嗰個印有生化標記嘅門傳出，隨後個道門道被緩緩打開。

我地都做好打算，個金屬柱一打開嘅時候就會有啲咩危險嘅嘢衝出嚟攻擊我地，但係喺佢打開之後，暫時都仲係冇嘢發生。

「喺…一個黑人？」阿晴疑惑咁樣講。

由金屬柱嘅開口位望入去，一個黑人就好似美國隊長注射超級士兵血清訓係個強化倉嘅時候咁訓咗喺個金屬柱嘅入面。

［184］
嗰個黑人喺一個男人，身上邊著住同我地身上一樣嘅囚服，但係頸上面就並無戴上頸圈，而且值得留意嘅係，嗰個黑人真係異常高大，超過兩米嘅身高，而且成個身體都覆蓋住強壯嘅肌肉，就算係同阿宗比，都要大上一至兩個碼。

嗰個黑人就好似昏迷咗一樣咁瞓喺入邊，就算頭先金屬柱產生咁大嘅聲響，佢都並冇任何嘅反應，唔講嘅話真係以為佢已經死咗。

而喺金屬柱入邊，黑人男人嘅身體四周圍仲有一堆俾機器固定住嘅針管，有啲對準住佢嘅頸，有啲對住手臂，有啲對住大髀，有啲就對住身體。

見到呢個情景，我多少都估到可能會發生咩事，就正如怪獸唔應該俾機會戰隊合體，我地都唔應該企喺度唔郁等啲針管吉入去個黑人嗰度。

意識到呢樣嘢嘅唔單只我，仲有阿孝都係，因為佢比起我更加快動身準備上前嘗試阻止。

但係就喺我地啱啱起步衝過去嘅時候，強烈嘅電擊即刻由頸圈產生，果然樂園唔會俾我地妨礙佢哋準備嘅好戲。

「ryan！」阿晴大叫。

「你地點啊！」阿宗講。

佢哋四個人隨即就過嚟扶起我哋兩個。

而與此同時，金屬柱傳嚟機器運作嘅聲音，我強忍痛苦抬頭一望，針管喺機械嘅驅動之下全識插入黑人身體入邊，黑色嘅液體由針管流入黑人體內。

嘭！就喺針管注射完畢之後，嗰個黑人就由金屬柱跳咗落地上邊，巨大嘅身軀落地發出沉重嘅聲響。

「Anna….wait me….」黑人發出低沉嘅聲線。

「十五分鐘計時開始。」yuki透過廣播講。

Cyberpunk?

拎克力架嚟試藥？

黑暴君

打biohazard咁

殺人狂黎啦

Biohazard

之後會講返

差唔多設計概念就係咁

仲要冇槍

請待下回分解

［185］
「大家打醒十二分精神啊！」阿宗衝上前擋喺仲未由電擊嘅影響中恢復過嚟嘅我同阿孝前面。

「你兩個點啊？我都估到樂園唔會俾我地妨礙佢地安排嘅節目架啦，只不過你兩個真係反應得太快，想截停你地都嚟唔切。」原來阿宗都估到有咩事會發生，只係佢老道嘅經驗知道冇可能阻止得到。而佢衝上前之後亦都只係擋咗喺我地前面，並冇做進一步嘅野。

「ahhhhhhhhh!! Er….ahhhhhh!!」我地前面嘅黑人發出聲嘶力竭而且痛苦嘅咆哮。

黑人雙手揞住心口，雙膝跪地，就好似心臟病發，心臟承受住巨大嘅壓力而產生劇烈嘅痛楚一樣。

接種而來嘅，喺黑人身體上面出現嘅生理變化。黑人皮膚之下浮現出大大小小粗粗幼幼嘅血管，就好似錯綜複雜嘅地下水道咁樣滿佈黑人嘅身體，就連平時好少會見到有血管隆起嘅地方例如臉部都被擴張嘅血管佔據，可以睇得出黑人全身嘅血液循環系統都正喺到透支式瘋狂運作。

喺咁樣嘅影響之下，黑人嘅眼睛亦都因為微絲血管變得通紅，甚至已經有啲微絲血管不堪負荷而破裂，滲出嘅血液令黑人嘅眼白位置完全染成紅色，如果唔係黑人膚色嘅原因，相信佢嘅皮膚亦都會因為血管嘅擴張而變為紅色。

咁誇張嘅血壓好明顯已經對黑人嘅身體造成傷害，血液甚至開始係佢嘅眼睛、鼻孔、耳朵流出來。

［186］
「Anna….ahhhh!!!! don’t worry…papa is here…」黑人重新企返起身，口中一直唸唸有詞，並且間中發出痛苦嘅咆哮，與其話佢神志不清，倒不如話佢處於精神混亂嘅狀態。

黑人頸部同埋手手腳腳都間歇性抽搐，下巴止不住地顫抖，血液鼻涕口水眼淚各種各樣嘅分泌物混合到一齊，沿着佢嘅面頰滑落到下巴然後滴到地上面。除咗仲未血肉模糊之外，佢嘅其他嘢簡直就同喪屍嘅特徵一模一樣。

而且，佢亦都已經留意到退埋牆邊嘅我哋，並且擰轉身面向左我哋。

「啊！…」阿晴亦都因為咁樣嚇咗一跳，畢竟對方睇落就好似一隻怪物一樣。

「喂…你兩個好咬緊牙關同我起身啦，少咗你哋兩個我哋頂唔住架。」阿宗已經察覺到危險嘅氣味，趕緊催促我同阿孝快啲準備應戰。

而我同阿孝兩個見到呢個情景，亦都唔理自己恢復到咩程度，即刻企番起身，同阿宗一齊警戒住黑人。

「let me go…Anna was waiting…I need to go!!!!」面目猙獰嘅黑人係一聲咆哮之後，就徑直咁向我哋沖過嚟。

或者係因為藥物嘅影響，黑人所爆發出嘅速度簡直異於常人，再加上佢本來就魁梧高大嘅身軀，俾我哋嘅感覺根本就唔係一個人衝緊過嚟，而係一隻西班牙鬥牛沖緊過嚟。

［187］
面對撲向自己嘅野獸，正常人嘅反應一定係即刻閃避逃走，而我哋六個人亦都一樣，喺黑人衝過嚟嘅時候即刻四散逃走。

我曾經聽過一個笑話，係講有兩個人喺非洲遇到一隻飢餓嘅獅子，其中一個人就綁緊鞋帶準備轉身跑走，另一個人見狀就問：「你都唔會跑得贏隻獅子㗎啦。」於是嗰個人就答佢：「我梗係跑唔贏隻獅子啦，但係我跑得贏你。」

呢個笑話就係講緊，只要跑得贏對方，獅子會獵殺嘅就唔係佢。而情況就同我哋而家一樣，黑人第一個目標，就係我哋當中跑得最慢嘅阿晴。

眼見阿晴已經唔敢回頭向前拼命狂奔，但係依然即將進入黑人嘅攻擊範圍，我嘅身體違抗左我逃生嘅本能，一個急煞制再180度轉身衝向黑人。

「啊啊啊！！！」我瞄準住黑人粗壯嘅雙腳，正打算利用格鬥技術中嘅double leg takedown，嘗試將黑人撲倒。

就係我同黑人雙方嘅距離越嚟越短之際，一個比我更加快更加高大嘅身影喺我身邊擦過，向着黑人就撞咗上去。

而嗰個身影正正就係阿宗，阿宗同黑人兩者身體相撞更加係發出左可怕而沉重嘅聲響。

「嗚！」兩者一相撞，阿宗就發出低嗚，可以睇得出衝擊力之大。而且並無將黑人撞退，反而阿宗就好似撞左落石屎牆一樣，自己被反作用力撞得接連後退好幾步。

我即刻上前扶穩阿宗，但係黑人並冇俾我哋任何嘅喘息機會，高舉右拳就向着阿宗頭部狠狠咁樣擲去。

推

第一重異變係身體機能大增。
呢隻藥咁猛，故事後期會唔會繼續講，最後變咗喪屍故？

少林足球既魔鬼隊

應付黑鬼要好好保護屎忽

呀宗無了