《慾望樂園》
玩講故唔玩港股
966 回覆
88 Like
19 Dislike
多謝支持
［71]
喺睇完呢一張紙上面寫嘅規則之後，我哋三個都不約而同望向對方。
「咁睇嚟我哋的確係同一組嘅隊友。」率先講嘢嘅係阿翔，知道我哋係隊友之後，佢嘅神情寬容咗好多，睇嚟佢好擔心對手係我同阿宗。
「今次嘅規則比起我之前參加過嘅都複雜得多，太過複雜嘅嘢我唔係咁擅長。」阿宗一路講，一路舉高手摸向後尾枕。
「但係照佢規則咁講，如果每組一開始都可以攞到一條鎖匙，而鎖匙又可以打開門，即係我地就算唔搶其他人既嘅匙，而直接用自己條鎖匙開門，就可以大家一齊贏？」阿翔皺起眉頭，好似發現左依今次活動嘅規則有啲奇怪。
「照規則解讀嚟講你又好似講得無錯，但係以我嘅經驗，樂園無理由會俾依樣野發生，佢哋勞師動眾花咁多心機搞依壇野都喺想滿足客人去增加收益，如果俾我哋用咁嘅方法通過活動，啲客人一定不滿。」阿宗一邊講，一邊透過閘門嘅空隙望向外邊興致勃勃，急不及待想要活動快啲開始嘅客人。
「阿宗講得有道理，雖然規則係咁寫，但係到時真係入去個迷宮都係穩陣啲先好啲。而且呢個規則，你哋覺唔覺得有啲違和感？」喺我哋開始討論呢張規則嘅時候，我一路偷偷留意馴鹿，睇吓一路聽住我哋討論嘅佢會唔會係聽到某啲位嘅時候有表情變化或者小動作。
但係馴鹿嘅表情就同帶咗面具一樣由頭到尾都冇變化過。
喺睇完呢一張紙上面寫嘅規則之後，我哋三個都不約而同望向對方。
「咁睇嚟我哋的確係同一組嘅隊友。」率先講嘢嘅係阿翔，知道我哋係隊友之後，佢嘅神情寬容咗好多，睇嚟佢好擔心對手係我同阿宗。
「今次嘅規則比起我之前參加過嘅都複雜得多，太過複雜嘅嘢我唔係咁擅長。」阿宗一路講，一路舉高手摸向後尾枕。
「但係照佢規則咁講，如果每組一開始都可以攞到一條鎖匙，而鎖匙又可以打開門，即係我地就算唔搶其他人既嘅匙，而直接用自己條鎖匙開門，就可以大家一齊贏？」阿翔皺起眉頭，好似發現左依今次活動嘅規則有啲奇怪。
「照規則解讀嚟講你又好似講得無錯，但係以我嘅經驗，樂園無理由會俾依樣野發生，佢哋勞師動眾花咁多心機搞依壇野都喺想滿足客人去增加收益，如果俾我哋用咁嘅方法通過活動，啲客人一定不滿。」阿宗一邊講，一邊透過閘門嘅空隙望向外邊興致勃勃，急不及待想要活動快啲開始嘅客人。
「阿宗講得有道理，雖然規則係咁寫，但係到時真係入去個迷宮都係穩陣啲先好啲。而且呢個規則，你哋覺唔覺得有啲違和感？」喺我哋開始討論呢張規則嘅時候，我一路偷偷留意馴鹿，睇吓一路聽住我哋討論嘅佢會唔會係聽到某啲位嘅時候有表情變化或者小動作。
但係馴鹿嘅表情就同帶咗面具一樣由頭到尾都冇變化過。
[72]
「違和感？除咗阿翔頭先講嗰樣嘢之外，我暫時都睇唔出仲有啲咩其他奇怪或者矛盾嘅地方。」聽到我咁樣問，阿宗重新將份規則睇多幾次，嘗試搵出有冇奇怪嘅地方。
「你搵到其他值得留意嘅地方？講出嚟我哋一齊睇吓啦。」阿翔望向我，想我解釋吓邊到違和。
「其實我又唔係好講得出邊度違和，但睇完呢啲規則硬係覺得有啲唔係好對路…」我用手托住下巴，一路重複一次又一次睇啲規則，一邊大腦不停思考，但始終都係講唔出個問題喺邊度。
「算啦，啲規則有陣時係咁，始終只係成個活動嘅一部份，只可以大概有個概念一陣會做啲咩，但係實質上點運作可能都係要正式開始嘅時候先知道。」阿宗拍一拍我嘅膊頭示意我唔好介意。
就喺呢個時候，一直冇任何動作嘅馴鹿舉起左手望一望自己嘅手錶。
「都差唔多係時候啦～呢個就係規則入邊提過個條鎖匙，俾人搶走就麻煩㗎啦，你哋搵一個人保管住佢啦～」馴鹿喺佢嘅褲袋攞出一條舊式門鎖嘅鎖匙遞比我哋。
望住馴鹿遞出嚟嘅鎖匙，我哋三個都並冇過去攞。
「咁…我哋邊個負責保管？」阿翔望向我地。
「我冇所謂，你哋有冇建議？」我再反問返佢哋，其實如果做保管鎖匙嘅人喺可以比較有着數，雖然係團體賽，但係始終攞住重要嘅道具個心會比較定。
「咁不如就由我來保管啦。」睇嚟阿翔嘅諗法同我一樣，再加上佢兩個隊友都係評分比較高嘅商品，佢的確需要多啲嘢保障自己。
「違和感？除咗阿翔頭先講嗰樣嘢之外，我暫時都睇唔出仲有啲咩其他奇怪或者矛盾嘅地方。」聽到我咁樣問，阿宗重新將份規則睇多幾次，嘗試搵出有冇奇怪嘅地方。
「你搵到其他值得留意嘅地方？講出嚟我哋一齊睇吓啦。」阿翔望向我，想我解釋吓邊到違和。
「其實我又唔係好講得出邊度違和，但睇完呢啲規則硬係覺得有啲唔係好對路…」我用手托住下巴，一路重複一次又一次睇啲規則，一邊大腦不停思考，但始終都係講唔出個問題喺邊度。
「算啦，啲規則有陣時係咁，始終只係成個活動嘅一部份，只可以大概有個概念一陣會做啲咩，但係實質上點運作可能都係要正式開始嘅時候先知道。」阿宗拍一拍我嘅膊頭示意我唔好介意。
就喺呢個時候，一直冇任何動作嘅馴鹿舉起左手望一望自己嘅手錶。
「都差唔多係時候啦～呢個就係規則入邊提過個條鎖匙，俾人搶走就麻煩㗎啦，你哋搵一個人保管住佢啦～」馴鹿喺佢嘅褲袋攞出一條舊式門鎖嘅鎖匙遞比我哋。
望住馴鹿遞出嚟嘅鎖匙，我哋三個都並冇過去攞。
「咁…我哋邊個負責保管？」阿翔望向我地。
「我冇所謂，你哋有冇建議？」我再反問返佢哋，其實如果做保管鎖匙嘅人喺可以比較有着數，雖然係團體賽，但係始終攞住重要嘅道具個心會比較定。
「咁不如就由我來保管啦。」睇嚟阿翔嘅諗法同我一樣，再加上佢兩個隊友都係評分比較高嘅商品，佢的確需要多啲嘢保障自己。
[73]
「唔好意思，我覺得交俾Ryan會好啲，如果單純打贏就可以搶鎖匙嘅話，我一定會做保管鎖匙嗰個，但係你哋見唔見到規則上面，鎖匙嘅掠奪方法只可以透過掠奪卡同埋房間中的特定方法。亦即係話可能唔一定透過武力去掠奪，我對自己嘅頭腦遠遠冇我嘅身體咁有信心，而Ryan係我哋三個之中我體力同頭腦都唔差，我覺得佢攞就最穩陣。」阿宗一路搭着我膊頭一路講。
聽到佢咁講我不禁由心底佩服，唔單只係佢憑着自己豐富嘅經驗，分析出點樣先係最穩妥嘅方法。最重要嘅係，如果佢話要自己保管我相信我哋兩個都唔會反對，但佢選擇咗對成個團隊最有利嘅方案，由其他人去保管重要嘅道具。
「咁好啦，Ryan，條鎖匙交俾你冇問題呀嗎？」既然阿宗都講到咁，阿翔自然冇爭論嘅理由。
「你哋放心，我會諗辦法成組三個人一贏呢個活動！」我咁樣講完之後，阿祥似乎亦都放心咗啲，當然我要贏嘅最主要目的都係因為野馬。
喺我哋三個人達成共識之後，我行向馴鹿，由佢手上將鎖匙接走。
「咁多位客人，歡迎嚟到慾望樂園嘅大型多功能活動場參加今次樂園舉辦嘅狂歡節，我喺呢度嘅負責經理狐狸，除咗商店街各種稀有嘅貨物同埋折扣，以及紅燈區嘅推廣之外，希望我哋大型多功能活動場都可以比到你地無與倫比嘅體驗，達到樂園嘅目的，滿足各位客人嘅慾望。」狐狸嘅聲音透過廣播由閘門傳入等候室。
「唔好意思，我覺得交俾Ryan會好啲，如果單純打贏就可以搶鎖匙嘅話，我一定會做保管鎖匙嗰個，但係你哋見唔見到規則上面，鎖匙嘅掠奪方法只可以透過掠奪卡同埋房間中的特定方法。亦即係話可能唔一定透過武力去掠奪，我對自己嘅頭腦遠遠冇我嘅身體咁有信心，而Ryan係我哋三個之中我體力同頭腦都唔差，我覺得佢攞就最穩陣。」阿宗一路搭着我膊頭一路講。
聽到佢咁講我不禁由心底佩服，唔單只係佢憑着自己豐富嘅經驗，分析出點樣先係最穩妥嘅方法。最重要嘅係，如果佢話要自己保管我相信我哋兩個都唔會反對，但佢選擇咗對成個團隊最有利嘅方案，由其他人去保管重要嘅道具。
「咁好啦，Ryan，條鎖匙交俾你冇問題呀嗎？」既然阿宗都講到咁，阿翔自然冇爭論嘅理由。
「你哋放心，我會諗辦法成組三個人一贏呢個活動！」我咁樣講完之後，阿祥似乎亦都放心咗啲，當然我要贏嘅最主要目的都係因為野馬。
喺我哋三個人達成共識之後，我行向馴鹿，由佢手上將鎖匙接走。
「咁多位客人，歡迎嚟到慾望樂園嘅大型多功能活動場參加今次樂園舉辦嘅狂歡節，我喺呢度嘅負責經理狐狸，除咗商店街各種稀有嘅貨物同埋折扣，以及紅燈區嘅推廣之外，希望我哋大型多功能活動場都可以比到你地無與倫比嘅體驗，達到樂園嘅目的，滿足各位客人嘅慾望。」狐狸嘅聲音透過廣播由閘門傳入等候室。
支持！
多謝支持
一定有人喺啲規則上玩嘢
繼續推
好吊癮
好吊癮
大家有時間都可以留意吓
啱你睇就好啦
「而Ryan喺我哋三個之中體力同頭腦都唔差」*
屌成日睇漏眼
屌成日睇漏眼
好似幾正咁個故
一次過追哂
樓豬文筆幾好呀，寫戰鬥場境都寫得好緊湊，如果有的正常甜更好，不過都唔奢求太多，加油
樓豬文筆幾好呀，寫戰鬥場境都寫得好緊湊，如果有的正常甜更好，不過都唔奢求太多，加油
多謝你欣賞
放心啦遲吓就會有正常甜
多謝晒你嘅支持先
多謝晒你嘅支持先
［74］
聽到突然傳來嘅廣播聲，阿宗阿翔同埋我都不約而同一齊望向左閘門嘅方向，閘門外嘅競技場被周圍嘅射燈照得光猛，而客人嘅歡呼聲亦都隨着廣播嘅結束傳來。
我哋行近一望，位於場地中間懸掛喺天花板嘅螢幕播放住狐狸嘅畫面。
「相信咁多位客人喺入嚟大型多功能活動場嘅時候，負責服務你哋嘅主任已經俾咗今次活動嘅規則大家睇。今次我哋大型多功能活動場所舉辦嘅係一場迷宮逃脫競技，商品將會分為唔同嘅小組，而今次將會有34名商品參加我哋嘅迷宮逃脫競技，由於參加嘅商品眾多，我就唔阻大家咁多時間一一介紹，大家可以喺樂園派發俾客人嘅手錶上面睇到商品嘅介紹同埋分組，中途有任何疑問都歡迎向身邊嘅主任查詢，而家已經開始接受咁多位客人對迷宮逃脫競技嘅投注，依家我哋會安排每組嘅商品分別進入迷宮。喺所有商品都入晒去之後迷宮逃脫競技就會正式開始。」狐狸好有條理咁同客人講解。
「你哋鎖匙上邊有你哋組嘅編號～一陣嗌到你哋編號嘅時候，我就會帶你哋去到安排好嘅門口進入迷宮。記得留意廣播啦～」馴鹿向我地講。
我向阿宗同阿翔展示嗰條鎖匙，喺鎖匙上嘅手柄位置刻有一個3字。
聽到突然傳來嘅廣播聲，阿宗阿翔同埋我都不約而同一齊望向左閘門嘅方向，閘門外嘅競技場被周圍嘅射燈照得光猛，而客人嘅歡呼聲亦都隨着廣播嘅結束傳來。
我哋行近一望，位於場地中間懸掛喺天花板嘅螢幕播放住狐狸嘅畫面。
「相信咁多位客人喺入嚟大型多功能活動場嘅時候，負責服務你哋嘅主任已經俾咗今次活動嘅規則大家睇。今次我哋大型多功能活動場所舉辦嘅係一場迷宮逃脫競技，商品將會分為唔同嘅小組，而今次將會有34名商品參加我哋嘅迷宮逃脫競技，由於參加嘅商品眾多，我就唔阻大家咁多時間一一介紹，大家可以喺樂園派發俾客人嘅手錶上面睇到商品嘅介紹同埋分組，中途有任何疑問都歡迎向身邊嘅主任查詢，而家已經開始接受咁多位客人對迷宮逃脫競技嘅投注，依家我哋會安排每組嘅商品分別進入迷宮。喺所有商品都入晒去之後迷宮逃脫競技就會正式開始。」狐狸好有條理咁同客人講解。
「你哋鎖匙上邊有你哋組嘅編號～一陣嗌到你哋編號嘅時候，我就會帶你哋去到安排好嘅門口進入迷宮。記得留意廣播啦～」馴鹿向我地講。
我向阿宗同阿翔展示嗰條鎖匙，喺鎖匙上嘅手柄位置刻有一個3字。
［75］
「首先入場嘅係第一組。」狐狸講完之後，我哋等候室右手邊數過去第二個等候室嘅閘門打開，三個男商品係一個主任嘅帶領之下行到個座迷宮近地下位置嘅其中一道門，嗰個主任用手錶將門解鎖之後，嗰三個商品就由嗰道門進入咗迷宮。
「跟住落嚟係第二組。」第一組進入左迷宮之後，狐狸隨即安排第二組進入，今次係喺正我哋右手邊嘅等候室，兩女一男嘅商品以同頭先第一組一樣嘅方式由迷宮接近天台嘅門進入。
「下一組進入迷宮嘅係第三組。」就係狐狸啱啱講完之後，我哋等候室嘅閘門開始緩緩打開。
「到你哋啦出場啦，跟我行啦～」喺馴鹿嘅帶領之下，我哋三個行出左等候室，與此同時，如雷貫耳嘅歡呼聲響徹成個大型多功能活動場，雖然頭先嗰兩組嘅時候都傳來喝采同歡呼，但同我哋對比起上嚟簡直係蚊髀同牛髀，唔難想像啲客人對我哋呢組嘅期望有幾高。
而我哋三個對於客人嘅歡呼並冇任何嘅回應，我甚至對此感到嘔心，喺馴鹿嘅帶領之下，我哋由迷宮外嘅樓梯行上位於迷宮外牆中間位置嘅門外邊。
眼前嘅喺一道鐵門，門嘅旁邊喺一個平時職員以手錶開鎖時用到嘅感應器，而門上邊仲有一個醒目嘅門牌——Entrance No.3
馴鹿用佢嘅手錶為鐵門解鎖之後推開鐵門，舉起手伸向迷宮入邊做出請進嘅動作。
「咁多位可以入去啦～祝你地可以喺依場迷宮逃脫競技入邊交出出色嘅表現啦～」無論馴鹿包裝得佢嘅表情同語氣幾咁出色，我都睇得出佢面具之下嘅險惡。
阿宗並冇對馴鹿作出任何反應，一馬當先就由鐵門進入左迷宮，而我用阿翔亦都緊隨其後，進入到迷宮嘅內部。
「首先入場嘅係第一組。」狐狸講完之後，我哋等候室右手邊數過去第二個等候室嘅閘門打開，三個男商品係一個主任嘅帶領之下行到個座迷宮近地下位置嘅其中一道門，嗰個主任用手錶將門解鎖之後，嗰三個商品就由嗰道門進入咗迷宮。
「跟住落嚟係第二組。」第一組進入左迷宮之後，狐狸隨即安排第二組進入，今次係喺正我哋右手邊嘅等候室，兩女一男嘅商品以同頭先第一組一樣嘅方式由迷宮接近天台嘅門進入。
「下一組進入迷宮嘅係第三組。」就係狐狸啱啱講完之後，我哋等候室嘅閘門開始緩緩打開。
「到你哋啦出場啦，跟我行啦～」喺馴鹿嘅帶領之下，我哋三個行出左等候室，與此同時，如雷貫耳嘅歡呼聲響徹成個大型多功能活動場，雖然頭先嗰兩組嘅時候都傳來喝采同歡呼，但同我哋對比起上嚟簡直係蚊髀同牛髀，唔難想像啲客人對我哋呢組嘅期望有幾高。
而我哋三個對於客人嘅歡呼並冇任何嘅回應，我甚至對此感到嘔心，喺馴鹿嘅帶領之下，我哋由迷宮外嘅樓梯行上位於迷宮外牆中間位置嘅門外邊。
眼前嘅喺一道鐵門，門嘅旁邊喺一個平時職員以手錶開鎖時用到嘅感應器，而門上邊仲有一個醒目嘅門牌——Entrance No.3
馴鹿用佢嘅手錶為鐵門解鎖之後推開鐵門，舉起手伸向迷宮入邊做出請進嘅動作。
「咁多位可以入去啦～祝你地可以喺依場迷宮逃脫競技入邊交出出色嘅表現啦～」無論馴鹿包裝得佢嘅表情同語氣幾咁出色，我都睇得出佢面具之下嘅險惡。
阿宗並冇對馴鹿作出任何反應，一馬當先就由鐵門進入左迷宮，而我用阿翔亦都緊隨其後，進入到迷宮嘅內部。
［76］
一入到迷宮裏面，馴鹿就將鐵門關上，喺鐵門關上之後，原本外面客人嘈雜嘅聲音亦都隨即被隔絕，周圍環境突然間安靜落嚟。
由鐵門入嚟之後，我哋三個嚟到一個迷宮內嘅房間，正方形嘅房間入邊除咗我哋入嚟嗰道鐵門之外，其餘三面牆仲有實木房門。而房間嘅天花板安裝住照明用嘅燈管，角落頭都設有監控鏡頭，應該係用嚟轉播我哋喺房間入邊嘅一舉一動俾外面嘅客人睇。呢一間房除咗呢啲嘢之外，就同中轉室一樣，空蕩蕩乜嘢都冇。
「呢啲門似乎都係鎖住咗。」阿宗將頭先所講嗰三道實木房門嘅把手都擰左一擰。
「你哋過嚟望吓先，睇嚟用自己條鎖匙直接打開門離開呢個方法係行唔通。」我入到嚟之後第一時間由迷宮入邊望向鐵門，然後將我嘅發現通知佢哋兩個。
阿宗同阿翔聽到我咁講之後亦都轉身望向鐵門。
厚實嘅鐵門同門框尺寸計算得啱啱好，兩者嚴絲合縫再加上邊位嘅包膠，令到外面嘅光線同聲音都傳達唔到入嚟，猶如去咗另一個世界，同外面用手錶感應嘅電子解鎖唔同，入邊呢度近住鐵門把手位嘅位置旁邊有一個機械式門鎖，而重點係，嗰個門鎖有兩個鎖匙窿。
「要兩把鎖匙先可以打得開呢個門鎖。」阿翔講出左最直接嘅理解，而同時亦都係我哋三個人望到呢個門鎖嘅諗法。
「都話咗樂園無理由會俾依樣野發生㗎啦，佢一定會諗辦法逼我哋互相殘殺。」阿宗望住呢個門鎖絲毫不覺得驚訝，喺佢眼中呢一切都係熟悉嘅慾望樂園。
「「鎖匙可以用於打開各小組入場時的門」，規則只係話鎖匙可以用嚟打開依道門，但佢並冇講到需要幾多條鎖匙先至開到，睇嚟規則只係一部份，更加多嘅嘢都係要探索完先至知道。」我攞返頭先張規則紙出嚟，指住關於鎖匙嘅部份讀出。而呢份規則帶俾我嘅違和感亦都越嚟越強烈。
一入到迷宮裏面，馴鹿就將鐵門關上，喺鐵門關上之後，原本外面客人嘈雜嘅聲音亦都隨即被隔絕，周圍環境突然間安靜落嚟。
由鐵門入嚟之後，我哋三個嚟到一個迷宮內嘅房間，正方形嘅房間入邊除咗我哋入嚟嗰道鐵門之外，其餘三面牆仲有實木房門。而房間嘅天花板安裝住照明用嘅燈管，角落頭都設有監控鏡頭，應該係用嚟轉播我哋喺房間入邊嘅一舉一動俾外面嘅客人睇。呢一間房除咗呢啲嘢之外，就同中轉室一樣，空蕩蕩乜嘢都冇。
「呢啲門似乎都係鎖住咗。」阿宗將頭先所講嗰三道實木房門嘅把手都擰左一擰。
「你哋過嚟望吓先，睇嚟用自己條鎖匙直接打開門離開呢個方法係行唔通。」我入到嚟之後第一時間由迷宮入邊望向鐵門，然後將我嘅發現通知佢哋兩個。
阿宗同阿翔聽到我咁講之後亦都轉身望向鐵門。
厚實嘅鐵門同門框尺寸計算得啱啱好，兩者嚴絲合縫再加上邊位嘅包膠，令到外面嘅光線同聲音都傳達唔到入嚟，猶如去咗另一個世界，同外面用手錶感應嘅電子解鎖唔同，入邊呢度近住鐵門把手位嘅位置旁邊有一個機械式門鎖，而重點係，嗰個門鎖有兩個鎖匙窿。
「要兩把鎖匙先可以打得開呢個門鎖。」阿翔講出左最直接嘅理解，而同時亦都係我哋三個人望到呢個門鎖嘅諗法。
「都話咗樂園無理由會俾依樣野發生㗎啦，佢一定會諗辦法逼我哋互相殘殺。」阿宗望住呢個門鎖絲毫不覺得驚訝，喺佢眼中呢一切都係熟悉嘅慾望樂園。
「「鎖匙可以用於打開各小組入場時的門」，規則只係話鎖匙可以用嚟打開依道門，但佢並冇講到需要幾多條鎖匙先至開到，睇嚟規則只係一部份，更加多嘅嘢都係要探索完先至知道。」我攞返頭先張規則紙出嚟，指住關於鎖匙嘅部份讀出。而呢份規則帶俾我嘅違和感亦都越嚟越強烈。
懷疑最後會要佢哋同組間互相殘殺
推
已經唔再係P牌，你終於有得自己推下
好好睇！樓主加油呀！出文慢唔緊要，唔好棄就得
支持！
支持！敬請期待
無限感激