【歷史po】慘過寫印度

好好睇呀

笈朝亡於嚈噠人之手後，嚈噠帝國又被薩珊王朝同突厥帝國擊潰並瓜分，北印度再次形成割據局面，直至公元600年左右由戒日王統合。



今日對戒日王嘅記載大部份都係出自唐代高僧玄奘(唐三藏)嘅記載，據講佢係一個有道明君，但戒日王朝只係維持咗一代，到戒日王死後就被大臣篡位。



戒朝覆亡後北印度又再次分裂，其中一股名為拉傑普特人嘅勢力異軍突起。幾百年來包括嚈噠人在內嘅中亞人不斷闌入印度，慢慢就同原居民融合，形成咗一個新族群拉傑普特人，意思係君王之子，最早嘅拉傑普特人係國王嘅侍衛。



佢哋嘅來源五花八門，據英治時代所做嘅調查發現，佢哋當中有啲人係典型嘅白鬼樣，有啲就明顯係黑皮膚嘅達羅毗荼人。事實上拉傑普特人代表嘅係一個封建系統，只要任何人證明到自己有武士道精神，都可以成為拉傑普特人，就好似廣東佬袁崇煥嘅後代富明阿，一樣可以成為滿洲旗人嘅大將。



拉傑普特人後來改信咗印度教，並且被婆羅門承認為剎帝利。佢哋憑住優勢武力喺印度建立起多個王國，包括瞿折羅-普臘蒂哈臘王朝同羅濕陀羅拘陀。

多謝

慘過住印度

被婆羅門聖認為剎帝利


當時婆羅門係好似羅馬教廷咁又嘉旺定係好似新教教會咁互不筒熟？

絲打有冇打算講印度同巴基嘅歷史關係

Lm

由7世紀中到12世紀末被後世稱為拉傑普特時代，大部份印度政權都係由拉傑普特人所建立。

有幾百年時間，以今日孟加拉為中心嘅波羅王朝曾經統一過北印度，其後勢力逐漸衰微。到1161年被自南印信奉印度教嘅斯那王朝所吞併。

而東北部嘅瞿折羅-普臘蒂哈臘王朝自8世紀就受到中亞新興嘅穆斯林勢力進擊，阿拉伯人倭馬亞王朝數度入侵印度。到咗王朝末期諸侯勢力逐漸坐大，中央力量逐漸衰落。公元1018年其國君被來自阿富汗嘅加茲尼王朝趕出首都曲女城，王朝自此名存實亡。

而德干高原上嘅羅濕陀羅拘陀王朝，喺南方擴充領土之後之後，襯住波瞿兩朝混戰，多次發動北伐，並攻攻佔北方最重要嘅城市曲女城，建立起印度中部南部嘅霸權。

但係羅朝因為同朱羅陷入長期戰爭，削弱咗國力。982年，曾被羅朝滅國嘅遮婁其人推翻羅朝，建立後遮婁其王朝。

婆羅門應該冇一個中央系統

拉傑普特人好似又係戰鬥民族黎

都會

11世紀開始，中亞嘅穆斯林開始攻入北印度。第一波入侵者為阿富汗嘅加茲尼王朝，佢哋本嚟係波斯薩曼王朝嘅藩鎮，後期獨立。佢哋為咗印度嘅財富，多次進行略奪。

而其實阿富汗喺歷史上從來都唔係一個國家，一直係外伊朗同外印度嘅併合體，喺得勢嘅時候經常會侵略波斯同印度。到英國人嚟到嘅時候為咗喺俄國同波斯之間設一道屏障，於是為其立國。

加茲尼嘅馬哈茂德首次以蘇丹自稱，初時嘅意思近似節度使。到後期帝國長期內戰，12世紀加朝被古爾人消滅。古爾王朝佔有阿富汗後又向印度進軍，陸續佔有北印同恆河平原大半。

加朝同古朝都係屬於波斯突厥文化混合體，近似栗特人安祿山。而到咗古朝後期，更重用突厥奴隸兵。到1206年，古朝國王遇刺身亡，古朝北印度嘅奴隸兵總督庫特布丁·艾伊拜克決定自立為蘇丹，定都拉合爾，其後又將首都遷往德里。

德里蘇丹國前後有五個王朝，但始終定都喺德里，佢哋全部係阿富汗突厥人建立嘅穆斯林政權。

推

推

LM

庫特布丁·艾伊拜克所建立嘅王朝被稱為奴隸王朝，但所謂嘅奴隸並唔係做奴婢任人宰割嗰啲，而係近似現代公僕概念，係國家中嘅軍事官僚。

奴隸兵大多數係欽察突厥人，來自東歐同哈薩克大草原。佢哋由幼年開始就讀軍校，學習武藝同培養服從。

奴隸們喺戰場上立下軍功之後，仲要負責將戰利品拍賣養活班兄弟，喺證明咗自己嘅實力之後，先係一個合格嘅馬木留克。



庫特布丁喺1210年打馬球時意外死亡，由於王朝嘅繼承法未確立，眾人推舉阿拉姆沙繼位。但不久之後軍中精英集團“40人幫”又將佢推翻，擁立庫特布丁女婿伊勒圖米什接任王位，自此轉變為類似後期羅馬帝國嘅軍事民主制。

因為伊勒在生嘅幾個仔都難擔大任，佢希望將蘇丹之位傳比有才能嘅女兒拉齊亞。但係仇女嘅軍事貴族唔願意向女人低頭，佢哋擁戴伊勒個仔魯肯丁上王位。但魯肯丁係一個昏君，沉迷酒色不得人心，於是家姐拉齊亞起兵將佢推翻，成為德里第一個女蘇丹(蘇丹娜)。

但係貴族對於女人嘅統治始終睇唔順眼，拉齊亞同阿比西尼亞黑人奴隸雅庫特嘅親密關係就令佢哋得到口實。蘇丹娜對佢嘅寵信令到以突厥人為主嘅貴族們十分不滿，佢哋認為once go black don't go back，造反擁立拉齊亞之弟穆儀茲丁，拉齊亞唔夠打，喺1240年兵敗身死。

1290年奴隸王朝亡，由卡爾吉王朝所取代。

阿拉丁原來咁癲

德里蘇丹係虔誠嘅穆斯林，佢哋好似塔利班咁摧毁咗印度教同佛教好多建築，其中包括孟加拉嘅超戒寺同那爛陀寺，好多佛教徒遭到屠殺。

由於佛教徒係以知識分子為主嘅團體，面對暴政毫無抵抗能力，大部份人走咗去西藏嗰邊，而殘存嘅佛教徒則慢慢融入到毗濕奴派之中(喺印度教中佛陀係毗濕奴嘅第9個化身，民間中佛教同印度教嘅祭祀經常重合，例如尼泊爾印度教徒會禮佛，泰國佛教徒會供奉梵天。)從此佛教就好似喺中國同儒道融合咁，鑲嵌喺印度教系統中。



德里蘇丹國嘅闌入亦改變咗北印度嘅宗教版圖，好多印度嘅本地人改信咗伊斯蘭教，令南亞次大陸嘅政治生態亦產生咗好大變化。

圖格魯克王朝喺二代目穆罕默德時達到高峰，佢係一個飽讀詩書嘅人，對文史哲科學數學都有研究，而且通曉多種語言。同時佢野心亦都好大，佢喺任內發動咗四次南征，大大擴張咗蘇丹國嘅領土。

而為咗加強管理新近得到嘅南方領土，佢喺1326年決定遷都到德干高原以南嘅道拉塔巴德。



除咗政府機構外，佢仲癲到強制將德里全體人民遷至新都。由於食水糧食供應不足，好多人因為飢餓同疲憊而死在路上。傳說有一個年老乞兒因為體弱而冇力遷移，於是俾人用繩綁住喺車後面拖咗40日，去到新都得翻對腳。

到1334年，因為孟加拉發生叛亂，由於擔心北部邊界受到攻擊，佢又決定將首都遷回德里，又有一批人死喺搬返去嘅路上。

1351年，穆罕默德病死。喺當時佢搶返嚟嘅土地已經失去得七七八八，一啲佢原來嘅部下亦都自立門戶。

支持