【歷史po】慘過寫印度

會啦
都係近代會講多啲

觀塘呢

都慘
成日塞車

印度人閪啲定支那人閪啲？

題外話 香港保衛戰嗰陣有一營係旁遮普營 都係同英軍加軍仲有華人士兵奮戰到底

印度旁遮普人好多都係信奉錫克教。平時見到印度男人用長布包頭同留長鬚嗰啲就係錫克教徒

英國政府喺管治印度期間招攬咗好多旁遮普錫克教徒去組織軍隊，因為英國人覺得佢地非常忠心同勇敢（1857年印度起義事件之中，錫克教徒非常支持英國殖民地政府，甚至並肩作戰反抗蒙兀兒帝國）。所以旁遮普錫克教徒成為英國殖民印度嘅重要管治力量。

之後英國人嚟到香港嗰陣，因為唔信任華人，所以就招來咗好多印度旁遮普錫克教徒來擔任警察。而佢哋好多之後都決定留喺香港生活。所以香港印度裔群體有好大佔比係來自旁遮普。

所以警察叫差佬

印度真係一個好inspiring 嘅地方

留名，連登需要呢啲post

留名，一直追哂樓主之前幾個歷史post

雅利安人嚟自今日位於俄羅斯嘅烏拉爾山脈，同白人伊朗人同出一源。佢哋同希臘北歐嘅蠻族武士一樣崇尚武功，因此佢哋嘅神明一樣係戰神、火神呢啲。但佢哋嘅善神反而喺伊朗就係惡神，顯示兩者係來自雅利安人中嘅敵對派系。

白種嘅雅利安人憑藉領先嘅軍事技術，迅速咁征服咗黑皮膚嘅土著。印度早期嘅雅利安史詩帶有濃厚種族主義傾向，經常係講戰神因陀羅帶領白種雅利安人打敗黑皮膚嘅達薩人(BLDM
)，並且奴役佢哋，猶如黃帝擊敗蚩尤。



夏天為大地帶來雨水，雅利安人則為印度帶來種姓制度。由於白人係征服者，所以首三種姓都係雅利安人為主，分別係祭司、武士同商人。

根據《梨俱吠陀·原人歌》所描述，婆羅門係原人個咀、所以就負責宗教同教育，佢哋對宗教解釋有絕對權利，仲可以唔駛交稅同唔受肉刑。

第二等級剎帝利係原人雙臂，俗世就係負責武力嘅軍事貴族，佢哋掌握世俗實權，係印度嘅王公貴族。

而第三級吠舍係普通雅利安人，佢哋冇任何政治特權，必須以布施同納稅形式供養前兩個等級，就好似大脾咁支撐上半身，佢哋主要係做生意嘅。

第四等級首陀羅絕大多數係淪為降虜嘅土著達羅毗荼人，所以被原人踩在腳下，主要係啲耕田師、菲傭師同工匠師，係人口最多嘅種姓。

雅利安人嚟自今日位於俄羅斯嘅烏拉爾山脈，同白人伊朗人同出一源。佢哋同希臘北歐嘅蠻族武士一樣崇尚武功，因此佢哋嘅神明一樣係戰神、火神呢啲。但佢哋嘅善神反而喺伊朗就係惡神，顯示兩者係來自雅利安人中嘅敵對派系。

原來伊朗人都算白人
但又計佢o地係亞洲o既?

白呢到應該係相對嘅
東亞黃種人喺非洲黑人眼中都係白人嚟

印度巴基斯坦孟加拉喺殖民地年代都係同一個國家？

是咪仲有斯里蘭卡？

睇完你呢個post之後先知點解濕婆神係白面

呢度所講嘅「白人」 應該要放喺 19世紀嘅語言學—人類學脈絡度理解
而家已經過時

https://www.reddit.com/r/AskHistorians/comments/lv7y77/comment/gpfhq06/

// 到公元前1500年，雅利安人又沿住中亞大道闌入，哈拉帕已成一片廢墟。//

呢句都緊要
因爲印度河文明嘅衰落比較似係環境因素，喺中亞遊牧民族入侵之前已經衰落咗

簡單而言
現今印度人嘅祖先可以追溯到三大羣體：

1. 古代始祖南印度人（ancient ancestral south indian）——捕獵採集者羣體，同印度東南島嶼嘅安達曼人係遠方親戚
2. 伊朗農耕羣體——散佈喺安納托利亞、伊拉克、伊朗
3. 中亞遊牧民族——源自烏拉爾山脈東邊嘅辛塔什塔文化（Sintashta），喺今日塔吉克附近分裂成兩支，一脈去咗伊朗，另一脈去咗印度，即所謂雅利安人

公元前10000年嘅時候，古代始祖南印度人已經散佈喺印度各地

公元前8000年嘅時候，伊朗農耕羣體帶住農業技術，嚟到印度河流域，同古代始祖南印度人混合，形成印度河文明

公元前1800年嘅時候，印度河流域文明開始衰落，估計同板塊移動導致河水流域改變有關

公元前1500年嘅時候，印度河文明已經衰落，原先嗰度嘅農耕羣體帶住改良咗、適應印度氣候嘅農作物品種，繼續深入印度次大陸，並且同各地 嘅古代始祖南印度人混合，發展出後來嘅南印語系（Dravidian languages）

差唔多時候，中亞遊牧亞利安人一路南下，同印度各地嘅伊朗農耕羣體以及古代始祖南印度人 混合，繼而發展出吠陀文化（Vedic culture）

直到而家，南印人都係比較多 古代始祖南印度人 嘅基因，而北印度人就比較多伊朗農耕羣體同埋中亞遊牧民族嘅基因

Source：
https://www.reddit.com/r/AskHistorians/comments/lv7y77/comment/gpdbtg1/

後來因為好多反婆羅門教嘅不同教派喺印度東部興起，首陀羅地位得以提升，而代替佢哋塾底嘅人則被稱為達利特。

達利特即不可接觸嘅賤民，佢哋從事同死亡、排泄物、血污有關嘅工作，包括:屠宰師、夜香師、清潔師、鞋匠師、殯儀師同理髮師。





賤民嘅起源已不可考，佢哋有可能係罪犯、戰俘、或者跨種姓通婚嘅後代。賤民喺印度受盡歧視，佢哋被禁止進入寺廟、學校同村莊。佢哋一般喺村外以部落形式聚居，如果要入村就必須打鑼打鼓示警，更加要小心唔好同其他人有身體接觸，否則好可能有殺身之禍。



相反婆羅門就好似天龍人一樣，享有眾多嘅特權，由於布施俾婆羅門可以積德，因此婆羅門擁有眾多土地。但佢哋亦要守好多清規戒律，首先飲食方面佢哋係嚴格嘅素食撚，亦唔可以食煙飲酒講粗口，以破壞同神交流嘅靈性，每日就係清心寡慾咁冥想打坐。

婆羅門雖然身份尊貴，但都有佢嘅剋星：有一個賤民種姓專以貢獻仔女做人祀祭品維生(真正食子文化)，佢哋唔駛做依靠別人供養，而且殺人放火都唔會受到刑責，好似揸白卡咁打橫行。

當呢個種姓嘅人闖入婆羅門屋企嘅時候，就可以好似貧下中農霸佔地主家產咗將佢哋驅逐。由於佢哋死都唔怕，加上婆羅門礙住戒律既不能打又不能罵，只可以執包袱走人。



日後喺印度肆虐多年嘅謀殺教團圖基教好可能就係出自呢個種姓，佢哋視殺人為取悅神嘅行為，周圍搶劫殺人。

之後歷代嘅外來統治者都冇佢哋辦法，直到英國人嚟到先得以將佢哋消滅，而英文嘅暴徒thugs亦係源自圖基(Thuggee）。

衙差❓🤔

見到都熱

仲有印度尼西亞?