【歷史po】慘過寫印度

你連印度都有研究呀

都係左抄右抄

都好曬時間㗎喎師兄

辛苦曬

多謝支持

據《南詔野史》，阿育王第三子驃苴低，娶欠蒙虧，生子低蒙苴。低蒙苴九子，長子蒙苴輔羅，是十六個王國的祖先。他的第八子蒙苴頌，在大理東南的白崖建立白子國。漢武帝滅滇國，把白子國君仁果從白崖遷到澄江，諸葛亮出征雲南，在白崖發現了仁果的十五代後裔龍佑那，把龍姓改為張姓，封他為建寧國王，為南詔國王的先祖。

只能講伊朗人係雅安利人嘅一種

而雅利安人係高加索人種嘅一種

Btw 閃族人例如阿拉伯人同猶太人，都係高加索人種嘅一種

巴基斯坦主要係旁遮普人，雅利安人果類

印度就係北部嘅雅利安人同本身印度嘅達羅毗荼人後裔同泰米爾人居多

當然，印度係有旁遮普人，但係唔多

所以普遍用樣嚟分嘅話，係分得出

其實好多宗教都係咁，當初基督教都係咁

不過有別之處，基督教嘅演變基本上就係由民間紥根先，而唔係好似婆羅門教同佛教咁又上流去到草根然後再往上流，基督教從來都係由下而上咁滲透

Lm

推

印度成個國家都垃圾過中國

想睇葡萄牙人發現印度之後既近代歷史

推

百乘王朝出自南印度嘅德干高原，當北印度喺難陀王朝統治嘅時候，南印度正沿住東南亞嘅海洋貿易路線往另一個方向發展。

由於南印森林同沼澤多所以開發困難，發展嘅時間要比北部遲得多。南印度以錫蘭(斯里蘭卡)為分界線，西部以馬拉巴爾為核心，為西亞文化輻射區；東部屬於東南亞地區，由錫蘭一路延伸到去今日印尼同馬來西亞一帶。



錫蘭島上主要分為雅利安系嘅僧伽羅人同埋達羅毗荼系嘅泰米爾人，泰米爾人建立嘅朱羅王朝全盛期國土達整個南印度、以及錫蘭同馬爾代夫、馬來半島、蘇門答臘島絕大部分地區。



朱羅王朝延續咗成千幾年，直到13世紀先俾潘地亞王朝取代。

而百乘王朝喺延續咗百幾年後亦走向分裂，王國分裂成五部份。

呢個好白

Live 咗

而北印度則出現咗由塞琉古分出嚟嘅希臘化王國，及後佢哋又亡於月氏之手。

月氏人嚟自中國甘肅祁連山下，因為同匈奴交惡而被迫西遷----當年匈奴冒頓單于之父因為想改立幼子，諗到借月氏人之刀殺長子冒頓，於是派佢去月氏做人質，之後又發兵攻打。冒頓死裡逃生後返匈奴隊冧父親同細佬，成為單于後又打月氏報仇。

月氏不敵，到冒頓個仔老上單于更殺掉月氏國王，並將國王嘅頭割下做酒杯。

月氏人被迫向西敗走到大夏之地。前130年，月氏人征服大夏，將大夏分俾五個部族。後來貴霜統一五部，初步奠定帝國基礎。



基於敵人嘅敵人就係朋友，漢武帝於是派張騫通西域，希望同月氏人夾擊匈奴。當張騫經過千辛萬苦到達，發現月氏人已經忘記過去重新生活，仲做生意發咗達。佢哋對張騫表示要返工，打匈奴太遠不了❗但呢次外交訪問亦打通咗東亞同西亞南亞嘅道路，相傳佛教亦都係由大月氏傳入中國。

香港無vote,真係差過印度

貴霜帝國喺迦膩色伽一世時進入全盛期。迦一世再次南征，甚至打到去古都華氏城，建立西起伊朗邊境，東至恆河中游嘅疆域。

迦一世尊崇佛教，佢喺今日嘅克什米爾召開咗佛教嘅第四次結集。而同阿育王尊佛一樣，迦一世亦有其政治目的，畢竟佢唔係印度嘅貴族出身，喺婆羅門教系統唔會有高種姓地位，宣揚眾生平等嘅佛教對佢嚟講係更合適嘅工具。



據說迦一世因為窮兵黷武，晚年卧病在床時俾親信焗死。佢死後貴霜帝國實力大減，到3世紀時因為受到波斯薩珊王朝嘅攻擊同印度北部地方勢力興起，勢力漸漸衰弱，留下嘅版圖又落入笈多王朝手中。



不同於先前幾個嚟自西北嘅異族王國，笈多家族嚟自印度中原地區摩揭尼。佢嘅上位經歷有如歐洲嘅哈布斯堡王朝，笈多嘅當主旃陀羅因為娶離車族公主為妻，繼承咗華氏城，打下笈多王朝嘅基礎。

講起西域啲國家上維基睇下又幾有趣

當其他小諸侯見到笈多聲威大振，紛紛前來歸附。旃陀羅·笈多一世將勢力擴充到比哈爾邦大部份、北方邦同西孟加拉邦。之後經過佢個仔海護王同soon超日王嘅發展，擴張到整個北印度，連南印大國帕拉瓦王國都向佢臣服納貢，勢力直抵蘇門答臘同爪哇。超日王並將首都遷回古都華氏城。



海護王文武全才，被稱為詩人國王。由於笈朝實際上係一個諸侯嘅封建聯盟，所以佢嘅管治較為寬厚，造就咗學術同經濟嘅蓬勃發展。

笈朝亦被歐洲人稱為印度嘅文藝復興時代，除咗正經文學之外，性愛寶典《愛經》亦都喺呢個時代出現。





從南北朝時代僧人法顯嘅印度手記，可以睇到華氏城嘅繁華富裕，笈朝憑住東西海岸嘅眾多港口同掌握陸路交通要道，經濟發展得相當唔錯。當時嘅印度治安良好，人民夜不閉戶，法顯一條友周圍去都冇人強姦打劫，仲安全過而家。

正是成也封建，敗也封建，笈朝以封建起家，但亦都難逃下剋上嘅宿命。嚴格嚟講笈多王只係國王嘅盟主(王中王)，聯盟入面各封國都獨立自主，唔駛聽大王枝笛，甚至各小王都可以自稱王中王。

於是笈多王就為咗面子，不斷用自己嘅領土財帛去收買藩屬。久而久之自己就變到好似日本天皇同周天子咁窮，啲就越來越富貴。

而太平嘅日子亦都令笈朝君臣耽於逸樂，慢慢失去咗祖宗嘅戰鬥力，再無能力對抗來自北方嘅蠻族。

到咗超日王個孫塞建陀時，月氏人嘅分枝嚈噠人(又叫白匈奴人)首次南侵笈多。呢次攻勢雖然被塞建陀阻擋，但到佢死後因為國內出現經濟危機，各地封臣甚至勾結嚈噠人叛離中央，國家陷於分裂。

但封建國家往往係百足之蟲死而不僵，笈多並未因為分裂而滅亡，只係返咗去摩揭尼老巢成為一個小國，史稱後期笈多帝國。