【歷史po】慘過寫印度

早幾年印度最高法院有判過相關案例
https://en.wikipedia.org/wiki/National_Legal_Services_Authority_v._Union_of_India

巴基斯坦內部都有唔同族裔

lm
讀印度哲學發現呢個國家幾神奇

種姓社會係一個高度穩定嘅社會體系，基本上你一生出嚟已經注定要子承父業。各個種姓就好似一個族群咁，互相同其他族群交易，例如做陶瓷嘅首陀羅種姓可能會同剪頭髮嘅賤民協議互相提供服務，組成一個複雜嘅社會網絡。

當有異族如波斯人、猶太人、突厥人移居印度，種姓社會就會好似生態系統咁演化出一個合適嘅種姓比佢哋。

由於各種需要互相嵌套，因此種姓制度幾千年嚟喺印度根深蒂固，難以完全廢除。而且事實上好多賤民例如渠王雖然身份卑微，但係世襲嘅事業可以令佢子孫得到溫飽。一個下等種姓嘅人往往喺自己嘅小圈子圍爐自鳴得意，就好似喺俄國人眼中所有猶太人都係下等人，但佢哋依然敬重佢哋嘅拉比。

除咗種姓制度喺印度生根，雅利安人嘅宗教亦得到好大發展，佢哋由原本信奉自然神靈變為崇拜梵天、毗濕奴、濕婆，奠定婆羅門教雛形。



吠陀時代晚期，雅利安人分為十幾個國家，各自由王者帶領。到咗公元前600年，吠陀時代結束，印度進入列國時期。

內蒙人同蒙古共和國咪似

廣東人咪唔似

wiki歸佢哋入印歐人

推

推

列國時代近似於春秋時代嘅支那，係一個哲學同宗教嘅黃金時代，好多新嘅流派相繼出現，其中影響力最大就係佛教同耆那教。

佛祖釋迦牟尼出生喺今日尼泊爾南部嘅王族家庭，係剎帝利種姓，本名悉達多·喬達摩，其父淨飯王係小國迦毘羅衛嘅國王(執政官)。

嚴格嚟講佛祖並唔係一個王子，因為迦毘羅衛係一個由釋迦族人組成嘅城邦共和國，雖然喬達摩家族好似佛羅倫斯嘅美廸奇咁長期壟斷王位，但始終制度上國王係由議會選出。



佛祖喺29歲旅行時因為感受到生老病死嘅痛苦，於是決定出家修行，經過6年時間，喺菩提樹下得道。



迦毗羅衛當時係僑薩羅嘅附屬國，國王因為唔想自己個女同僑薩羅和親，於是改用宮女頂替。而宮女同國王生嘅仔長大後謀朝篡位，成為咗毘琉璃王。

毘王登基後諗起年少時被釋迦族人恥笑為宮女之王，於是決定進兵迦毘羅衛。迦毘羅衛自此滅國，釋迦族人好多遭到屠殺，未死嘅就流落四方。

點解佛教源自印度 但竟然亦係佢地拋棄？ 有佛教先定有印度教先

推

先有印度教骨幹嘅原型（樓主已經講咗嘅吠陀信仰／婆羅門教），再有佛教，最後先有印度教
嚴格嚟講印度教唔係一個宗教，而係泛指印度次大陸各種宗教、哲學思想，係英國佬為當時已經有同有異炒埋一碟關係微妙嘅印度宗教所安嘅一個統稱

至於印度佛教點解會走向衰亡，原因可以有好多，大抵嚟講有三個：

一，不事生產而仰賴供養令日趨龐大嘅佛教僧團傾向於依附王親國戚、達官貴人而疏遠基層社會。綜觀古今中外，呢種生存模式對一個宗教而言回報雖高風險亦高：古時獲得上流社會乃至統治階層支持嘅話無疑可以風光無限，但無法扎根基層亦會令呢種繁榮變得極其脆弱，有咩冬瓜豆腐就係徹徹底底嘅收皮。漢傳佛教嘅興衰就係個好例子：隋唐時期喺皇室嘅支持下走向極盛，但就喺中晚唐會昌法難後走向衰微，而漢地禪宗簡樸且生活化嘅修行模式提供咗大量時間畀僧侶從事生產而自給自足，令禪宗得以成為淨土宗以外、唐宋以降嘅漢地佛教主流

二，佛教同婆羅門教互相吸納對方上至哲理、下至儀式嘅諸多宗教元素，令兩者界線越趨模糊。作為天啟宗教本身就更強調神祇崇拜嘅婆羅門教諸派因為吸納佛教元素得以復興；始終以個人修持為教義核心、喺部派時期走向學術化嘅印度佛教亦嘗試吸納教外元素、由譬喻師以生動貼地嘅形式傳教去回應婆羅門教嘅挑戰，但最後何者更易走入民間、普羅大眾更願意選擇何者亦係顯而易見嘅。換言之，話佛教喺印度完全衰亡亦唔完全正確，碎片化嘅佛教元素實際上仍然流傳印度民間嘅各個角落，類似於被道教或者民間信仰吸納嘅漢地佛教元素

三，伊斯蘭勢力對印度次大陸嘅入侵，可以話係壓垮印度佛教嘅最後一根稻草。至於同為印度本土宗教嘅婆羅門教點解可以捱得過，可以睇返第一點：一個宗教能夠扎根民間，生命力自然更強，反之亦然

大概係咁，有錯請指正

聽講話
印度同巴基
o的人講o既語言係同一種
但用o既文字就唔同
即係可以聽得明對方講乜, 但唔會睇得明對方寫乜

見到A level亞洲史
有香港 中國 日本
東南亞仲有印度

lm

lm學野

支持樓主

印度尼西亞好似本來就有「印度列島」嘅意思；

就噉睇印尼同印度無論係地理位置抑或宗教信仰都係兩個文化圈嚟，但實際上排除菲律賓，包括印尼、汶萊同馬來西亞嘅在內嘅島嶼東南亞文化圈喺伊斯蘭化之前，受到泛印度世界好大嘅衝擊，蘇門答臘嘅「三佛齊」（朱明帝國稱呼佢哋做「室利佛逝」）雖然民間係馬來語通用，但涉及到官方嘅人員基本上都用梵語，爪哇島嘅婆羅浮屠都係印度宗教嘅祭祀場所，喺爪哇島作為起點嘅滿者伯夷國仲要係信奉婆羅門教嘅馬來人國度

而且負責將印度文化輸出去馬來群島嘅人，反而係嗰班包括泰米爾人在內嘅達羅毗荼語系民族，新加坡、馬來西亞嘅所謂「印度裔」都係泰米爾人

巴基斯坦嘅普通話係烏爾都語，印度嘅普通話首先係印地語然後再係烏爾都語，印地語同烏爾都語同屬雅利安語支，但一來使用字母唔同，二來各自受到唔同嘅文化衝擊

面對祖國嘅覆亡佛祖似乎無顯露出太大嘅傷感(或者自己早就想通透)，佢嘅餘生就好似孔子咁建立門徒集團，到處宏揚佛法、普渡眾生。但佢大部份時間都係1喺摩揭陀同憍薩羅，呢兩個亦係當時十六雄國中最為強大嘅兩個國家，猶如春秋時代嘅晉國同秦國。

摩揭尼所在嘅地區就係#1所講比哈爾到孟加拉嘅紡錘型低地，正如古支那嘅“中國”代表洛陽、阿茲特克人嘅“中國”係墨西哥城，古印度嘅中國地區指嘅就係摩揭尼首都華氏城一帶。



摩揭尼憑住易守難攻嘅地理環境、恆河流域嘅肥沃土地、加埋割之不盡為王家土地耕作嘅首陀羅農奴，漸漸崛起成為一個軍國主義強國。

除咗靠割韭菜，摩揭尼另一招就係靠篤灰----國王派出大量密探監視官員，一有咩行差踏錯即刻處斬，十分嚴苛。

摩揭尼第一個可考證嘅國王為頻毗娑羅，佢在位時開始四圍開疆闢土，佢吞併咗同為十六雄國嘅鴦伽，並且同憍薩羅聯姻結為秦晉之好。到咗佢個仔阿闍世時代，更令憍薩羅俯首稱臣。

但係行秦政嘅摩提尼好快就陷入僭主政治當中。阿闍世死後由兒子優陀夷繼位，優陀夷之後啲國王大部份都係靠弒父奪位，佢哋統治昏庸殘暴，終於被貴族同市民推翻。

大臣悉輸那伽其後被選舉為新國王，建立幼龍王朝。其子黑阿育王尊崇佛法，並召開咗佛教嘅第二次結集。到佢死後佢啲仔相繼繼承王位，傳至摩訶難丁時，王位被大將摩訶帕德摩·難陀所奪，後者建立難陀王朝。

喺難尼王朝全盛期，摩揭陀統一咗恒河流域地區，疆域擴展到西部嘅旁遮普。



難陀出身卑微，有人話佢係摩訶難丁嘅私生子，亦有人話佢老豆係飛髮佬，即係佢係賤民出身。更加有講法話佢本人都係飛髮佬，佢同幼龍王朝嘅王后有姦情，兩人勾結殺死國王同諸王子，篡奪王位。

呢種不擇手段嘅政治模式被難尼王朝末年嘅考底利耶所合理化，佢嘅著作《政事論》被視為印度嘅《君王論》，佢本人亦都被稱為印度嘅馬基雅維利。

印第語 - 烏爾都語嘅前身係 Hindustani。因文化同宗教原因慢慢分化。印第語用梵文天城體字母書寫，較多梵文詞彙。烏爾都語用阿拉伯字母書寫，較多波斯語，阿拉伯語詞彙。見面打招呼，印第語用梵文嘅 namas te，烏爾都語用阿拉伯語嘅 asalam alaykum（所有穆斯林都係咁）。
類似嘅仲有塞爾維亞 - 克羅地亞語。

印尼人 D 名都仲有梵文字，例如蘇卡諾，就嚟自梵文嘅 sukham (快樂)。
馬來亞個名係來字泰米爾語 malai (山)。
「三佛齊」，「室利佛逝」呢 D 都係梵文譯音。（sri vijaya 妙勝）
達羅毗荼，應該係來自 Tamil（泰米爾）呢個字，係 4 種達羅毗荼語之首。佢地同梵文差異好大，所以南方四邦，極力抗佢印第語成爲唯一國語，英語得以保留官方語言地位。

根據《政事論》嘅見解，國王嘅職責就係為國家利益服務，如果一個賤民比國王更稱職，自然可以取以代之，正所謂“將相本無種，男兒當自強 ”。

呢種理論自然為野心家提供合理嘅原因去篡權奪位，而事實上考底利耶好可能只係作為一個紀錄者去描繪當時已有嘅政治生態，而《政事論》亦未必係佢一人嘅作品。

而除咗政治學之外，政事論對經濟、法律、城市規劃甚至動物保護都有論述，係一本全方位嘅治國手冊。

考底利耶本人據說係一個呾叉始羅嘅一個教師，呢度係犍陀羅王國嘅首都，亦都係一個歷史悠久嘅學城。呾城位於印度嘅西北部，今屬巴基斯坦旁遮普省。

公元前326年，馬其頓嘅亞歷山大帝東征至此。不敵嘅犍陀羅國王宣布同希臘人結盟，城中嘅婆羅門爭相反對，好多就被亞大帝吊死。

考底利耶亦係反對者之一，佢於是決定去摩揭尼首都華氏城班救兵。



而傳說因為佢生得醜樣，摩揭尼國王唔理佢將佢趕走。牙考因此懷恨在心，決心要搵個有潛力推翻難陀王朝嘅人。

當佢比人趕走嘅時候，喺村口見到一個少年。個仔骨格精奇，似乎係百年難得一見嘅練武奇才，於是考底利耶決定將如來神掌傳授比佢。呢個少年就係日後孔雀王朝嘅創辦人旃陀羅笈多·毛利亞。



旃陀羅笈多一世早期生活成疑，睇姓氏佢屋企好可能係養孔雀嘅吠舍(近似犬養)，亦有傳說話佢係難陀王朝王子同女僕嘅私生子(有冇咁撚多野仔，似流)。