【歷史po】慘過寫印度

其實佛陀應該係阿差樣？

達摩其實係印度咩人

留名

不如你講吓British crown 如何去打壓旁庶普人

支那

馬其頓軍因為唔認得路，誤以為印度河係埃及尼羅河上游，所以佢哋沿住印度河前行，當去到海邊嘅時候先知道錯咗。於是只好沿住乾燥嘅莫克蘭海岸同波斯灣走落去，因為沿途環境十分惡劣，馬軍死傷嚴重。

當大軍終於到達巴比倫，亞大帝亦已經人心盡喪，失去將士嘅信任。不久之後佢就英年早逝暴斃，好可能係被佢嘅手下毒死。

亞大帝嘅稚子亦被人害死，佢嘅部將紛紛自立門戶，其中大將塞琉古就乘勢喺巴比倫建立國家，是為塞琉古帝國，首都喺今日伊拉克。



亞大帝嘅死亦令到印度西北地區出現咗權力眞空，當時西北係難尼同希臘人、波斯人紛爭之地，屬於三不管地帶。考利底耶兩師徒就喺嗰度揭竿而起，收攏叛軍。

但係佢哋嘅軍事行動初時並不順利，因為畢竟難尼軍人強馬壯。傳說有次旃一世喺戰敗後流落到一個村莊，見到兩母子喺度食飯，個仔用手抓飯嘅正中央結果辣親。於是個阿媽就話：衰仔!你應該食旁邊嗰啲先，冇咁熱丫嘛！

旃一世靈機一觸，覺悟到應該用農村包圍城市嘅策略。佢哋好可能得到喜馬偕爾(印北近西藏)山區居民嘅幫助，喺西北站穩陣腳，一步一步侵佔恆河平原。

掌握中亞技術輸入路線嘅旃一世好快就充分掌握呢個優勢，將自己嘅軍事技術換代更新。倉促撤退嘅希臘人留下嘅軍事資源就好似日本人留低嘅滿洲國一樣咁寶貴。雖然希臘人同印度人同屬雅利安人，但係因為希臘比起印度更加接近文明中心，所以軍事技術更為發達。

旃一世就靠希臘人留低嘅戰車技術，重新編組咗佢嘅戰象團隊，猶如林彪裝備新四軍。




旃一世就係咁靠呢個優勢將難陀王朝擊敗，當時嘅難尼帝國已經有如秦趙高當政時期，反覆嘅宮廷政變已經令到人人離心離德。約喺公元前321年，旃一世攻入華氏城建立孔雀王朝。

pish

如果難尼王朝好似暴秦一樣殘酷嚴苛，咁孔雀王朝大概就係繼承秦政嘅漢朝，屬於一個退化版嘅吏治國家。

孔雀王朝雖然保留咗難陀帝國嘅統治機器，但佢已經好似共產國家嘅官僚機構咁隨住時日腐壞，導致孔朝被迫下放權力，就好似普京嘅俄羅斯要比蘇聯自由一啲咁。因此普遍認為孔朝嘅統治比起難朝要仁慈。

而當時塞琉古同孔朝嘅關係就好似50年代蘇聯同中國咁，人口較少嘅塞琉古係宗主國，人口多嘅印度係附庸，一如突厥同唐朝。

到公元前205年，羽翼已豐嘅旃一世決定好似毛澤東同唐太宗咁向塞琉古挑戰，孔朝據說動員多達十萬將士同九千頭戰象。

當時塞琉古因為對東方領土已經鞭長莫及，所以決定交出阿富汗同俾路支領土以換取五百頭戰象。兩國簽訂和約，塞琉古一世仲以和親政策將個女嫁咗比旃一世。

旃一世晚年篤信耆那教，決定好似南帝咁決定退位出家，讓位比個仔賓頭娑羅。傳說佢去南印邁索爾一帶修行，然後按照耆那教嘅習俗絕食而死(楢山節考風格)。

而考底利耶嘅下場就眾說紛紜，有人話佢功成身退後返咗鄉下教書，亦有人話因為得罪賓頭娑羅嘅丞相，被佢設計陷害佢，活埋致死。

未有耐寫到英印

尼泊爾人咁❔唔係好黑

巴打寫得好簡明
btw 可唔可以減少d比喻？
情景唔洗特登搵類比啦

樓主番嚟屌臭麻友隻雞啦

樓主番嚟屌臭麻友隻雞啦

It begins with a rat population boom

推

賓頭王承繼父親嘅擴張政策，為帝國增添許多領土，被希臘文獻稱為「阿利特羅卡得斯」，意思係殺敵者。

由於印度人對於記載歷史唔太注重，所以希臘同波斯留低嘅紀錄就十分重要。喺孔朝嘅首都華氏城，就有好多嚟自波斯同希臘嘅學者同商人，佢哋好似領使喺印度享有治外法權，孔朝官僚都要俾翻幾分薄面。

賓頭王亦都係首個喺印度使用轉輪王嘅稱號嘅王者，喺印度神話中，當統一世界嘅君王出現時，天上將會出現一個旋轉金輪。賓頭王以此為名，表示自己係世界統治者。



公元前273年賓頭王病逝，佢兩個仔修私摩同阿輸迦(即無憂)立即為爭奪王位而鬩牆。當時修私摩因為打仗征戰在外，賓頭王臨終之際叫阿輸迦召回兄長繼承王位，但阿輸迦卻勾結大臣自己坐正。修私摩勃然大怒，帶兵攻回華氏城。結果中咗大臣成護喺東門外設置嘅陷阱，跌入火坑慘死(慘過做雞)。

阿輸迦即位後是為阿育王，佢繼續父祖嘅擴張政策，四圍南征北討，根本上已經控制咗除南部以外嘅整個印度次大陸。喺歷次征戰當中，以羯陵伽一役最為慘烈。

推
樓主好勁

飛鳥兄

好

推

仆街live咗

終於得閒啦

樓主有良心

阿育王在位41年，佢除咗尊崇佛教之外亦對耆那教同其他宗教持包容態度，佢對宗教嘅政策近似後世蒙兀兒嘅阿克巴大帝。後者以西瓜刀、單車鏈、火藥、硫酸建立咗一個新宗教，名為「丁伊拉賀教」。

阿育王死後佢嘅繼承者又逐步傾向親婆羅門教，而佢遺留嘅帝國亦都隨住王家大道嘅廢弛而衰落。孔朝嘅勢力範圍隨住時間越來越細，最後只控制首都一帶。

到王朝末年，王權又進一步衰落，印度又重新分裂為許多國家。前185年，孔朝最後一任國君堅車王為手下將軍華友刺殺，孔朝被巽伽王朝取代。華友壓制佛教，致力復興婆羅門教。



巽朝地盤更細國力更弱，直接統治範圍收縮至恆河下游嘅摩揭陀本土。朝傳咗十代就俾大臣婆藪提婆·甘婆謀朝篡位。甘朝係一個短命王朝，40幾年就亡於南方嚟嘅百乘王朝之手。