。
幅員遼闊嘅印度一如由東亞、東南亞、中亞拼湊而成嘅中國，由幾片土地拼湊而成，按照地理可以劃分為以下幾個部份：
第1個係現今斯里蘭卡同泰米爾納德邦地區，即印度東南部一帶。呢個地區同東南亞嘅爪哇、馬六甲關係密切，甚至呢兩個地方嘅王族都係源出於此。
第2個就係印度河口到西南沿岸一帶，呢一帶同桑給巴爾、也門、巴林關係密切，屬於波斯灣文化輻射區。
第3個係位處東西之間嘅德干高原，能否打通呢個地區就成為日後德干諸帝國生死存亡嘅關鍵。
第4個係德干高原北部連接印度南北嘅森林地帶，嗰度自古以嚟都係蠻荒，直到英國人嚟到先得以全面管治。
第5個係喜馬拉雅山靠近尼泊爾嗰邊，呢度嘅山民日後被大英帝國所發掘，成為赫赫有名嘅啹喀兵。
而第6個就係由比哈爾到孟加拉嘅紡錘型低地，呢個地區就好似支那嘅中原地區一樣，靠住恆河水嘅灌溉，養活咗大量小農人口，亦係印度歷代帝國嘅核心地帶。
7。想知再講。
