錢就預左拎唔返 但係都唔想其他人比依啲黑店呃
事源：
事主（下稱A）去旺中二樓既s69號舖（冇名，下面有圖）諗住睇下grad din裙，A係門口徘徊左陣，店主（下稱B）就走黎介紹，塞左五款裙比A，叫佢拎去更衣室試。
然後B叫A放底200蚊同學生證
，A諗住係按金（我都屌左佢蠢，正常點會叫你比錢先）A：我試唔岩係咪有得退返比我？
B：我地成間店有幾千條裙任你試，總有一條岩。
A：（試完）我覺得唔係好適合我，係咪可以退返果200蚊比我？
B：（指住佢身後個牌“不設退款 換貨只許一次“）你一係就買，一係揀啲平既，我會退返差價比你。
A諗住要條平既就算，執得幾多得幾多。點知B又反口話唔退得。
A：咁我要依條（指住一條$99既裙）
B：你揀多條
A：你岩先又話補反差價，咁你而家明迫我買架姐
B：我無講過
B用惡劣既態度恐嚇A：你再搞事就報警！
崩潰既A：你報啊！
B：（態度忽然轉變）：比多次機會你去我地其他分店簡，我仲有七間分店。
依個時候有一個短髮女人（下稱C）好聲好氣咁同A講話明白佢感受，話開張單比佢，平伏情緒過幾日再黎簡反條裙走。當時A聽到就跟左佢去另一間分店。但最後都係冇揀岩任何野。
過左兩個鐘，心有不甘既A帶左另一位朋友上去同B理論，內容同上面都係大同小異所以唔詳講（我地冇買野，只係想要返果200蚊），總之佢地最終都係堅決唔退錢，雙方同意下報警。
警察到場，雙方都錄左口供，A既口供就同上面講既差唔多。
B：（唔係好記得完整句子，所以打重點）果200蚊收左就當你買左，買左先有得試。佢講大話，我有同佢講清楚唔會退錢，亦冇講過退返差價。唉，我都係打份工，老闆娘話退就退啦。
C：旺中一向都係買左先有得試，所以唔會退。咁多年生意我地都係咁做。
A：
結果A冇揀到任何野，錢亦無退返比佢。
最後就係想奉勸大家，無論想買咩衫都好，
咪撚去旺中二樓s69號舖依間黑店
黑店正仆街
附上舖頭門口圖
其他受害者
