有人問 TONE 無 counterweight (針壓尾陀),會唔會好易出事,個答案其實喺支唱臂度。
考慮到新手普遍覺得黑膠唱盤最煩係要 set counterweight,set 錯又會傷碟,所以 TONE 研發咗一支特別輕身嘅唱臂,好巧妙咁將 counterweight 融合咗去唱臂上面,以保持最好嘅平衡同針壓,新手唔需要擔心會好容易整壞支針或者整花隻碟,當然粗暴使用就咩都無用喇。
另外因為唱頭係由 Ortofon 為 TONE 度身訂造,配合呢支輕身唱臂,兩者加埋做到 anti-skating (抗滑) 嘅效果,所以成部機嘅 design 先可以咁 minimal。
同埋 TONE 係可以換針㗎,雖然只可以換返 Ortofon OM系列嘅針,但係絕對夠駛㗎!