[統計分析] 強烈建議大家第三針打復必泰

本是同林鳥 · 2022-03-03T02:21:09+08:00

雖然呢度都唔會有人打科興，不過我都想講下點解第三針一定要打復必泰。如果你有親人諗住打第三針，你可以解釋佢聽。 TLDR： 1. 第三針打復必泰係有決定性影響，就算你前2針打科興，最後一針打復必泰都有好大幫助。 2. 最好三針都打復必泰。 3. 之前冇打過針但中左omicron既人，抗體水平係唔會多好多，最好打多一針復必泰。 4. 打左兩針復必泰都係有大機會感染omicron，一定要打第三針。 5. 前兩針打科興既人表現最差。下圖係講緊香港人打左唔同疫苗組合之後既抗體水平去到邊。我解釋返啲英文先： PRNT-50 ：一種測抗體水平既標準，人既血清係有抗體，而呢次實驗係測緊如果抗體水平要消滅50%既病毒量既話，我地最多可以稀釋血清幾多倍就夠？舉個例子，我將1ml血清稀釋成160ml，然後再抽返１ml 既液體出黎，如果呢１ml既液體裡面既抗體濃度係可以殺死50%既病毒量，咁就代表佢既prnt-50值係 1: 160。個數字越細，抗體水平就越高。 WT: Wild Type ，無變種病毒 Omicron: Omicron病毒 BNT162b2：復必泰疫苗 CoronaVac：科興疫苗 convalescent: 中過病毒之後好返既人 P＜ 1.76 x 10^-12 : 統計學既p-value值黎，你可以當係個數越細，代表兩組數據既平均值差距越大，1.76 x 10 ^ -12 = 0.00000000000176。下面每一粒點代表每個人既抗體水平值，而連左線既點係指同一個人既血清面對唔同病毒時最多可以稀釋幾倍就可以殺死50%既病毒量。 PRNT-50 為 1:25.6 : 有５０％機會防止中招既臨界點，（你可以當係）如果你有呢個抗體水平，而你有屋企人中左omicron 既話，你只會有50%機會染上omicron。下圖可以睇到第三針打左科興既人佢地既PRNT值大部份都係高過1:25.6呢個臨界點，相比之下，第三針打左復必泰既人佢地既PRNT值大部份都係細過1:25.6。第三針打復必泰既抗體水平係大幅拋離齋打科興個班人。高於50% Omicron抵御力既疫苗組合(排名分先後): 1. 中一次病毒加一針復必泰 (29人合格/30總人數) 2. 3針復必泰 (22人合格/25總人數) 3. 2針科興加一針復必泰 (24人合格/30總人數) 低於50% Omicron抵御力既疫苗組合 4. 2針復必泰 (2人合格/30總人數) 5. 3針科興 (1人合格/30總人數) 6. 中一次病毒 (1人合格/30總人數) 7. 2針科興 (0人合格/30總人數) 下面幅圖係預測緊唔同疫苗組合人群既抗體水平，個啲Ｉ字形既線係統計符號黎，你可以諗成大約有９５％既人群都係向呢個範圍裡面，中間最長個條線係群組抗體水平既平均值。就睇＂3針科興＂同＂2針科興1針復必泰＂既數據,兩者抗體水平平均值都差成8倍。平均值高於50% Omicron抵御力既疫苗組合(排名分先後): 1. 中一次病毒加一針復必泰 2. 3針復必泰 3. 2針科興加一針復必泰 4. 中一次病毒加一針科興（岩岩好過1:25.6，但都有成50%人係低過臨界值) 平均低於50% Omicron抵御力既疫苗組合 5. 3針科興 6. 中一次病毒 7. 2針復必泰 8. 2針科興（數據慘不忍睹）如果你係為左唔想惹omicron先打針，咁第三針就要打復必泰，最好三針都打復必泰同埋高危人士係唔洗打完第2針後等6個月先打第3針。參考資料: https://www.nature.com/articles/s41591-022-01704-7