香港的Vtuber討論區 (7)

白石刪哂片其實係唔係算畢業？

本人唔講就唔算啦

觸手大人cls㗎

都唔知係咪台灣定大陸開始咁
某D組織社團竟然開宗明義話要“招募中之人”
有D人又要“買皮賣皮”
可唔可以跟翻規矩，修飾下，跟翻設定呀
係都係招募宿主 招靈 甚至就咁叫招募成員就算啦
咁樣畫公仔畫出腸寫明中之人真係破壞夢想

不演了

佢台灣觀眾都唔少
應該想顧兩邊所以咁（btw其實佢普通話好有台味www我覺得幾可愛所以唔係好介意嘅）咁樣直播真係唔知好定壞
但真心幾可愛已經成為我首推

唔知會唔會係因為法例問題佢地一定要畫公仔畫出腸
但至少我覺得你去in你一定會用心去演個角色,將個設定用好佢
咁樣先會畀佢做,最後成果唔會差先
買賣皮就唔同,你可能單純偷玩走去試下,又唔識得演活個角色
你真係有心又唔識畫,寫設定得喇掛,寫完先再搵畫師搞
至少你可以演活到一個角色既設定性格(至少係你心目中理想既虛擬形象先)
你求其見皮靚就買,又唔睇設定唔諗點做好佢
呢樣先係買賣皮最難接受

真係簽約就話姐
Social Media出Post 就 唔好咁樣 "招募中之人" , "買皮賣皮"啦
即使修飾下, 有D認識, 有睇V都知講咩啦
如果咁都睇唔明, 都算Screening左批無認識嘅人啦

得罪講句，華人整土炮野係咁，抄野抄唔足
好似有D「日系」畫師畫出黎既野都係四不像咁

我之前都講過，港V入面得RUMII係會分開中之人同RUMII兩個角色
其他港V都講野好直，完全無專業意識
而家放眼咁睇，華人V圈不論企業、中之人、觀眾都無打算去將V當成角色一回事
直接當係披住卡通皮既YOUTUBER
學唔到日本咁

下下用日本市場嚟衡量V呢一樣嘢又唔係咁公道
始終一樣嘢,每個market都有每個market既需求
華人市場係咁就係咁,下下抄到足有陣時lost market仲麻煩
其實當年絆愛啱啱出咪又係批住動畫皮既youtuber
做開打機嗰班咪又係同twitch嗰班差唔多
係holo掘起先將vtuber定性到依家咁既樣先叫"專業"
我覺得其實反而咁樣畀個框框實咗先至唔太好
因為就係因為每個人有唔同擅長既嘢,有唔同性格
你點樣走出自己特色先係重點
你唔叻分開中之同角色,咪將個人設build up到好接近自己
你唔講有撚人知你中之係咪同現實一撚樣咩
跟死日本,甚至乎係holo嗰一套,反而走唔出自己特色突破唔到個市場
創作行業邊有話限死要點點點架

當然做V有個特點就係,你可以係條龍,可以係條魚,可以係乜柒都得
正正因為唔係真人,你點樣帶住觀眾善用呢一樣嘢一齊make jokes先係V同youtuber既一個分野,其實港V算唔少人做到呢點,我覺得已經ok架喇
所以我點解對買賣皮反感而唔對招中之呢樣嘢冇感覺就係咁

btw,呢個topic真係變月經

你無了解清楚日本V
絆愛一直都係賣AI YOUTUBER
係去到HOLO，2次慘事搞2D LIVE做VRYOUTUBE反而破壞左 日V一直以黎既角色觀念，先變成V只係披著動畫皮既YOUTUBE
HOLO個班直播主轉生先係最唔專業
作為一件老屎忽，所以我對HOLO同2次慘事好反感
我唔係話要D V扮卡通公仔比我J
但麻煩最基本唔好反左自己個設定，例如個角色得10歲，但個V講細過個陣係十幾年前既野，咁樣我覺得好無癮

你後面個段令觀眾MAKE JOKES其實都係設定同世界觀，你要令觀眾投入到你個世界，你個頻道，首先你自己都要投入落個設定度先囉
下下又講皮又講模組，講曬D背後既野出黎，唔係唔得，只係令到個觀感變成披住卡通皮既YOUTUBER，你既賣點咪比D投入自己世界既V少囉
你同普通SHOW樣既YOUTUBER咪少左分別囉
咁當然，我唔否認好多人都唔係為左投入落件事，只係無聊想搵野聽下睇下

我唔係想話日本個套一定係最好，但我覺得華人呢套講曬皮、骨、中之人之類係會令到觀眾投入唔到，係一套差既做法

我明你講乜,係我get錯嘢,通常九成人講日V就講holo
所以其實我會話唔識隱藏就唔好將個設定寫到咁
個V做返中之自己冇乜大問題,用個設定去就返就可以
好似你話齋,知自己會漏口做懷舊撚就唔好將自己角色寫做小學生
下下千幾二千歲好似殿下睇住楠san大呢類gag其實會比較容易handle
亦都易啲帶入到個V既世界

至於講哂皮骨中之,我只會話市場問題
個市場係咁而且九成觀眾唔care嗰陣,佢更加唔會改善呢一個問題

最後兩句真係駁唔到
HOLO班直播主成日炎上，又打破自己設定，明明係做得好差要批評
但因為佢地係直播勢，將四天王個班影片勢同歌勢收左皮

https://twitter.com/HKVtuberSecret/status/1506598244666667008
幾撚時都話,香港總係有啲咁撚閪既人
永遠將人地既成功睇到咁容易咁底賤
用一啲自己以為既理由去講人地既成功有幾撚唔值
人地有冇努力過?唔理
人地做過啲乜?唔理
總之見人做得好少少就搵位踩,搵到位就踩撚到你一文不值
https://twitter.com/HKVtuberSecret/status/1506598214182469633
然後人地低潮休息hide片就串人係咪畢業咁撚樣,我屌你老母臭閪啦
真心呢個又係香港既垃圾特色嚟,一沉百踩
驚鳩死人地畀人踩死先,自己嗰腳踩唔切咁撚樣
呢啲咁既閪文化幾撚時先識停?

好老實講,你開真名打交我都仲有少少尊重你有個人想法
死埋一二邊做縮頭烏龜咁用匿名版單單打打,講是講非
真心講句,一日有屎版呢一個平台,成個圈一日都冇安樂茶飯食
你話唔好理唔好睇咩,屌成個網絡咁撚大,有屎忽鬼share你好自然睇得到
甚至唔洗share都畀到你睇,點撚樣避?
真係為個圈好,執柒咗個屎版佢啦

屎版不應存在

我都唔清楚

雖然我都反屎版 但
開乜真名吖講真
咪又係作個分身/網名出嚟打交
呢啲人閪就點都閪
根本呢啲人就唔應該存在
今日先見有人講改個Google form嚟婊人
呢啲人睇V唔係娛樂 婊人先係佢哋娛樂

總之就休息啦
大家睇到乜就乜