賞罰之道,法、術、勢合一
細讀韓非子二柄篇(一)
柄,猶言權,二柄,謂賞罰之權也。賞罰之權須操之於君,猶物柄之須執於手也。
——《增訂韓非子校譯》
正文第九章
韓非成日講法、術、勢
雖然理論上我地可以將佢地分開
但係呢三樣嘢其實係不能分割,互為一體
![](https://cdn.lihkg.com/assets/faces/normal/bye.gif)
有法:則術、勢之發用,始有根據之標準
有術:則法、勢之固文,始有運用之方法
有勢:則法、術之執行,始有推動之力量
呢篇講君主兩大權柄,賞、罰
用呢樣嘢做例子,二柄係要用哂三者
![](https://cdn.lihkg.com/assets/faces/normal/wink.gif)
無權力,邊有力量用二柄?
無法典,邊有用二柄嘅標準?
無君術,邊有可能用得好?
![](http://4.bp.blogspot.com/-YHn3r9EYVgw/WW4OM8cYEBI/AAAAAAAAB8k/aCfTQq_9vn4XXOT788_tMRApyix_e1UgwCK4BGAYYCw/s1600/%E8%B3%9E%E7%BD%B0.png)
韓非子 二柄篇
明主之所導制其臣者,二柄而已矣。二柄者,刑、德也。何謂刑德?曰:殺戮之謂刑,慶賞之謂德。為人臣者畏誅罰而利慶賞,故人主自用其刑德,則群臣畏其威而歸其利矣。
韓非子一開波就話:
明主要點樣控制臣下呢?
靠兩樣嘢,法家推崇嘅賞罰二柄
![](https://cdn.lihkg.com/assets/faces/normal/hoho.gif)
「殺戮之謂刑,慶賞之謂德」
韓非人性論,人係趨利避害,客觀事實
君主管治人臣,要由人性著手
「群臣畏其威而歸其利」
臣下都係人,必然有人性嘅弱點
![](https://cdn.lihkg.com/assets/faces/normal/hehe.gif)
賞罰二柄,係操縱臣下必須嘅工具
![](http://3.bp.blogspot.com/-bkhINJY-vNk/WW4Px_w_q6I/AAAAAAAAB80/ymeijJ1GdpANUCtHk7qGAKvAli799vT8ACK4BGAYYCw/s1600/%E4%B8%8B%E8%BC%89+%281%29.jpg)
故世之姦臣則不然,所惡則能得之其主而罪之,所愛則能得之其主而賞之。今人主非使賞罰之威利出於己也,聽其臣而行其賞罰,則一國之人皆畏其臣而易其君,歸其臣而去其君矣,此人主失刑德之患也。夫虎之所以能服狗者、爪牙也,使虎釋其爪牙而使狗用之,則虎反服於狗矣。人主者、以刑德制臣者也,今君人者、釋其刑德而使臣用之,則君反制於臣矣。
古代嘅奸臣唔係咁架
屈自己討厭嘅人比君主責罰
比自己嘅同黨得到君主提拔
令到君主無法自控二柄,只係聽人講
![](https://cdn.lihkg.com/assets/faces/normal/dead.gif)
「則一國之人皆畏其臣而易其君,歸其臣而去其君矣」
如果咁樣,仲邊有人驚君主呢?
大家只會睇臣下嘅臉色做人
真係妹仔大過主人婆呀!
![](https://cdn.lihkg.com/assets/faces/normal/no.gif)
無牙老虎仲廢過狗
![](https://cdn.lihkg.com/assets/faces/normal/donno.gif)
二柄比左臣下嘅君主仲有咩用?
「今君人者、釋其刑德而使臣用之,則君反制於臣矣」
反啦反啦,不如比埋個位人地做啦
![](http://2.bp.blogspot.com/-x1rn6vI95Rw/WW4QQF7FTeI/AAAAAAAAB88/I6GTkFbxN70c_34iasl6E_exJv38VE8lgCK4BGAYYCw/s1600/feed7-08.jpg)
人主將欲禁姦,則審合刑名者,言異事也。為人臣者陳而言,君以其言授之事,專以其事責其功。功當其事,事當其言,則賞;功不當其事,事不當其言,則罰。故群臣其言大而功小者則罰,非罰小功也,罰功不當名也。群臣其言小而功大者亦罰,非不說於大功也,以為不當名也害甚於有大功,故罰。
要禁止呢種事,就要「審合刑名」
呢四個字,等同之前提過嘅「循名責實」
即係話,要考察佢地言、行
有一個根據、標準賞罰分明
![](https://cdn.lihkg.com/assets/faces/normal/slick.gif)
「功當其事,事當其言,則賞」
「功不當其事,事不當其言,則罰」
韓非好實際咁講:
做嘅事,有冇功勞?
報告嘅言,符唔符合真實?
![](https://cdn.lihkg.com/assets/faces/normal/smile.gif)
值得留意嘅係,韓非注重嘅誠實
「故群臣其言大而功小者則罰,非罰小功也,罰功不當名也」
「群臣其言小而功大者亦罰,非不說於大功也,以為不當名也害甚於有大功」
群臣吹大吹小左,都要罰!
君主唔可以容許半點嘅隱瞞
似乎好唔合情,但諗真確係合理
![](https://cdn.lihkg.com/assets/faces/normal/kill.gif)
絕對嘅誠實,法家反而係要求除去人性嘅自私
即係用外在嘅法令權術,令君主以下嘅人絕對服從
投入一人之意志,共構帝國之宏願
![](https://cdn.lihkg.com/assets/faces/normal/adore.gif)
法家,以可行嘅現實方法追求儒道墨之外嘅理想