【先秦法家】由Walking dead開始，進入韓非子嘅革命思想

又有post追喇

又有post追喇

歡迎巴打
記得你成日留名

今日出正文

想問下點解個奸角要打死個好人 想知套劇入面個理由
同埋點解d人由佢打死 係咪因爲佢個勢力勁過主角個個 咁點解會勁d
樓主係咪姐係想講法家治國勁過儒家

想問下點解個奸角要打死個好人 想知套劇入面個理由
同埋點解d人由佢打死 係咪因爲佢個勢力勁過主角個個 咁點解會勁d
樓主係咪姐係想講法家治國勁過儒家

x2
同埋點解人會順從佢唔識聯手反抗？

亂世的浮萍：韓非子思想之起源

韓非者，韓之諸公子也。喜刑名法術之學，而其歸本於黃、老。非為人口吃，不能道說，而善著書。與李斯俱事荀卿，斯自以為不如非。非見韓之削弱，數以書諫韓王，韓王不能用。於是韓非疾治國不務脩明其法制、執勢以御其臣下﹑富國彊兵，而以求人任賢，反舉浮淫之蠹而加之功賞之上；以為儒者用文亂法，而俠者以武犯禁……秦王悅之，未信用。李斯、姚賈害之，毀之曰：「韓非，韓之諸公子也。今王欲并諸侯，非終為韓，不為秦，此人之情也。今王不用，久留而歸之，此自遺患也。不如以過，法誅之。」王以為然，下吏治非。李斯使人遣非藥，使自殺。韓非欲自陳，不得見。秦王後悔之，使人赦之，非已死矣。
——《史記．老子韓非列傳》

正文第一章

韓非子嘅一生，真係見者傷心，聞者流淚
古代嘅思想家，現代嘅學者，口才都係好重要
死剩把口，靠吹水搵食
但係大思想家韓非子係天生口吃
既然無方法口講，只好轉而思考、著書
好難想像一個思想咁豐富嘅人
無方法用語言即時令其他人清晰了解
呢種感覺，一定係非常難受

韓非同李斯係同學，荀子係佢地老師
係呢個時候，李斯已經妒忌韓非
點解呢個口吃嘅低能可以叻過我架？
後黎李斯去左秦國做官
有一日秦王見到韓非子嘅文章，就講：
哇，如果我可以見到呢位作者，真係死而無憾啦！
李斯就話：
韓非寫架，我都識佢
秦王決定以攻打韓國為威脅
點名叫韓非做使者黎秦國


韓非係韓國宗室公子，為保國家，唯有去啦
當韓非子去到秦國，秦王自然好欣賞佢
正係呢個時候，李斯就好賤咁講：
吓，你唔係信佢呀，佢係韓國人，點會真心幫你？
計我話呢，唔好放佢走，係到殺左佢啦！
秦王聽李斯講，李斯即刻派人毒死韓非
秦王後尾想放過佢，但最心痛是愛得太遲……

韓非子呢個悲劇嘅一生
正係促成韓非子法家思想大成嘅誕生
思想你唔會憑空誕生，無咁唯心嘅事
反而係當時嘅社會環境，有主宰嘅影響力
下面我會先分各點介紹重要嘅幾點：


一、國際局勢
過去嘅周朝周天子已經名存實亡
最早嘅孔子當然都仲會希望挽救周朝
但去到之後，連孟子呢位儒家人物都唔以此為目標
戰國七雄，仲有其他小國，局勢非常緊張
牟宗三為呢個時代下一評語：
戰國時期之精神純為一物量之精神，其軍國主義毫無正面之意義，乃純為盡其物力以從事爭戰者。
戰亂，土地吞併，互相攻詐，真係好恐怖架


二、韓國處境
咁係呢一大緊張嘅局勢入面，韓國又係咩位置呢？
我地用現代少少嘅講法，韓國係「國際火藥庫」
北邊有魏、趙
東邊有齊
南邊有楚
西邊有秦
真係可謂八面楚歌，四面受敵！
合縱連橫，即係結盟打仗
而無論邊一邊要開戰呢，韓國嘅地理位置都係首當其衝
國土又係七雄入面最細，做咩事都要睇大家頭
但偏偏係無方法討好哂全世界，成為列強玩弄嘅國家……

三、韓非身世
上面講過，韓非係韓國公子
個情況就好似舊時清朝至民國初期
又或者係今時今日嘅香港咁
喂大佬，唔係到呢個救急存亡嘅時候
你仲要講埋咩大愛呀，唔好激嬲嘅離地思想

韓非當然愛佢嘅國家，佢嘅人民
佢熟讀歷史，當然知道韓國曾經係好勁
當時嘅韓釐侯，起用法家嘅申不害為相
呢樣嘢，絕對係令韓非走法家嘅成因之一
韓非要嘅，係即時、有效嘅現實關懷
至於咩儒家式嘅終極關懷，真係得個吹字咋！


四、內在成因
法家思想大成集於韓非子
即係佢之前，仲有幾位法家人物啦
陳榮捷：
「法家」一辭雖然遲至西元前九十年才首次出現，但法家運動事實上早已進行了約五百年之久。管仲(西元前645年卒)是首位傑出的法家學者，他曾為齊國丞相，深得孔子讚美。《管子》一書是否為其所作，頗可懷疑，但此書確有法家之概念。此運動至商鞅、申不害與慎到之時，聲勢愈發可觀。商鞅，又叫公孫鞅，或稱商君(卒於西元前338年)，秦國首相，使秦一躍成為強國，他所強調的是「法」的重要性。《商君書》是否為其著作，目前還不能確定。申不害(卒於西元前337年)為韓國首相，他著重的是「術」。慎到(即慎子，約西元前350-275)則重「勢」。兩人的著作都只有些斷簡殘篇留下來。重法、重術、重勢此三派為韓非子(卒於西元前233年)所綜合。韓非原為韓公子，後向強秦國君遊說，卻為其同門李斯(卒於西元前208年)所陷，最後自裁身亡。
商鞅嘅「法」
申不害嘅「術」
慎到嘅「勢」
韓非子兼而取之，三種都合併哂做自己思想

同時，韓非子取法荀子
荀子係儒家入面比較講求實際
而「性惡論」又別出心裁，反駁孟子
韓非子自然都會受到影響
不過呢種影響，應該無外在環境咁強烈
韓非子係因為要救圖存亡，用佢嘅聰明才智併合各家思想
好似道家講「虛靜無為」
墨家講「天志」嘅權威主義
一一取之，最緊要啱用

總結黎講，韓非子關心嘅係現實問題
佢嘅思想係屬於政治思想，係實用而非抽象
只要可以救亡圖存，只要可以解決危機
則一切嘅手法，一切嘅思想，都要取而用之
要講生存意義之前，至少要生存到先
而係呢個時代，唯有富國強兵
唯有權力，唯有軍事，先可以做到呢一點
由於，韓非子嘅法家思想出現啦！

想問下點解個奸角要打死個好人 想知套劇入面個理由
同埋點解d人由佢打死 係咪因爲佢個勢力勁過主角個個 咁點解會勁d
樓主係咪姐係想講法家治國勁過儒家

故事去到中間，已經有幾個勢力咁
主角係無啦啦入呢堆勢力其中一個，叫亞歷山大
咁就發現佢地一直都係要向Negan個奸角勢力進貢咁
主角咪想幫手趕走佢地，順便建立地位
點知發現根本唔夠人地打，結果就有比人捉住……
就咁，一個重要角色Glenn比人打死

法家治國勁唔勁過儒家？
呢個問題好難講
因為根本唔叫有統治者認真咁用過
頂多得把口講
情況好似有中國特色嘅社會主義

呢到主要想指出：
法家思想係當時有即時嘅效用
呢一種現實嘅解決、關懷
係比起儒、墨、道更加符合社會嘅要求

想問下點解個奸角要打死個好人 想知套劇入面個理由
同埋點解d人由佢打死 係咪因爲佢個勢力勁過主角個個 咁點解會勁d
樓主係咪姐係想講法家治國勁過儒家

x2
同埋點解人會順從佢唔識聯手反抗？

聯手反抗應該係第八季劇情
第七季講主角點比人玩

想問下點解個奸角要打死個好人 想知套劇入面個理由
同埋點解d人由佢打死 係咪因爲佢個勢力勁過主角個個 咁點解會勁d
樓主係咪姐係想講法家治國勁過儒家

x2
同埋點解人會順從佢唔識聯手反抗？

聯手反抗應該係第八季劇情
第七季講主角點比人玩

秦國好快玩完
奸角都一樣

留明

想問下點解個奸角要打死個好人 想知套劇入面個理由
同埋點解d人由佢打死 係咪因爲佢個勢力勁過主角個個 咁點解會勁d
樓主係咪姐係想講法家治國勁過儒家

故事去到中間，已經有幾個勢力咁
主角係無啦啦入呢堆勢力其中一個，叫亞歷山大
咁就發現佢地一直都係要向Negan個奸角勢力進貢咁
主角咪想幫手趕走佢地，順便建立地位
點知發現根本唔夠人地打，結果就有比人捉住……
就咁，一個重要角色Glenn比人打死

法家治國勁唔勁過儒家？
呢個問題好難講
因為根本唔叫有統治者認真咁用過
頂多得把口講
情況好似有中國特色嘅社會主義

呢到主要想指出：
法家思想係當時有即時嘅效用
呢一種現實嘅解決、關懷
係比起儒、墨、道更加符合社會嘅要求

等我追返劇情先

睇完段史記
第一個感覺就係 李斯正一仆街仔

睇完段史記
第一個感覺就係 李斯正一仆街仔

其實都好正常
李斯野心都大
唔想比叻過自己嘅人搶地位

睇完段史記
第一個感覺就係 李斯正一仆街仔

其實都好正常
李斯野心都大
唔想比叻過自己嘅人搶地位

所以李斯呢個人都幾立體 一方面係仆街仔 另一方面係始皇帝死 趙高想篡改遺詔時又幾大義澟然 最後個結局又幾淒涼

有趣

睇完段史記
第一個感覺就係 李斯正一仆街仔

其實都好正常
李斯野心都大
唔想比叻過自己嘅人搶地位

所以李斯呢個人都幾立體 一方面係仆街仔 另一方面係始皇帝死 趙高想篡改遺詔時又幾大義澟然 最後個結局又幾淒涼

李斯好有才學，《諫逐客書》寫得好
咁有學識，又識做人，有野心都好正常
統一文字、統一貨幣都係佢嘅功勞

太史公曰：李斯以閭閻歷諸侯，入事秦，因以瑕釁，以輔始皇，卒成帝業，斯為三公，可謂尊用矣。斯知六藝之歸，不務明政以補主上之缺，持爵祿之重，阿順茍合，嚴威酷刑，聽高邪說，廢適立庶。諸侯已畔，斯乃欲諫爭，不亦末乎！人皆以斯極忠而被五刑死，察其本，乃與俗議之異。不然，斯之功且與周、召列矣。

法家好吖

法家好吖

巴打睇黎幾鍾意法家

lm

法家好吖

巴打睇黎幾鍾意法家

治亂世用重典

李斯既下場更慚，害人者自害

有人直接話荀子係法家始祖，可唔可以咁講？

我唔同意呢種講法
好多時人地為罵荀子
先加呢個理由
但荀子係儒門中人
呢個我地讀咁多篇已經好明顯

第一，
係學術黎講，法家有前期人物
如果話荀子教出韓非子
而話佢係法家始祖，無視其他法家人物
係唔合理，因為韓非子係集大成嘅人
好明顯係佢思想中，取法家前人多於荀子

第二，
荀子本身都罵法家，非十二子就有反對法家
前人理解荀子，以其心無自覺
歸咎於荀子為權威主義
呢邊我地講荀子已經由解敝篇說明
荀子之心，本來就含有自覺自主嘅意義
韓非子若無誤解，不至於由此生出法家大成

第三，
韓非子、李斯都係荀子學生
但學生反對老師，自成新說
係思想而言，往往係正常，先係思想大家
環境影響，外在因素，比荀子嘅影響大太多
正如家庭、社會之於學生，老師又做到咩呢？

簡單黎講，
荀子可以係其中一因素
但並無法家始祖、絕對影響之地位
可以講荀子係注重現實
令韓非走向外在現實大於內在人性
韓非其他因素嘅影響力，遠大於荀子
我地係韓非正文第一篇就可以睇得出

有巴打問嘢，貼埋係呢邊