【強烈推介】港產電影《智齒》瘋狂吹奏區﹗﹗﹗﹗﹗

今日咁岩去圓方買野，見到最近1點有套戲就入左去睇，買飛果時先知係3級片，0認知咁入去睇覺得好正

正到癲囉喂

港產片拍攝真係面臨愈來愈大嘅難度啦
已經先唔講審查，好可能第一步連拎資金都要搲足幾年都未必搵到人科水
而搵到水啦拍得成啦，上咗畫票房唔好講賺，連本都回唔到嘅話，港產影業就一定會走入死胡同
我都唔係睇套套港產片都會至於到出post吹奏呼籲大家入場嘅地步
呢套真係第一次
希望大家喺套戲仍然上畫嘅日子裡可以多多入場支持，上畫先有人睇，票房太低而落畫，之後想重溫都只能喺屋企個細mon度睇，點同大銀幕比？直情暴殄天物呀呀呀

多謝巴打咁為套戲著想

一齊推
轉圈推post連登共你

嗚啊god job
7點幾呢啲最多人入場之一嘅合家歡場次點可以冇智齒份？

多謝巴打同你女友嘅友持﹗﹗
可以睇睇下set到已經好勁，證明巴打係用心睇戲嘅有心人
睇好戲，受啟發，思考，幾咁美滿嘅人生
好電影就係應該可以俘虜埋本身唔傾好其類型嘅一班觀眾嘅心

真呀巴開場冇耐已經俾個敘事手法緊緊catch住追逐戲緊張精彩睇到心跳不自覺加速
個尾…係嘅，真係開咗槍王桃仲要驚得濟開咗好多下，想救都冇得救
斬掛住搵王桃，但就連名都唔開口嗌下，搵貓都會係咁喵啦，增援又一直未到，或者都算bug
瑕不掩瑜風繼續吹

如果喺冇心理準備下入場睇仲要搏中套正嘢，真係想唔爽到爆都唔得囉
巴打中獎又幫到票房，呢鋪仲唔win win
多謝巴打入場反持

原來串錯字get到

但係唔明 斬哥最尾唔叫女主 叫左佢聽到都未必會被女主射死 我覺得未大雨到聽唔到聲

入咗場睇不過覺得個screen唔夠好,想問喺邊間戲院睇最正?

我係去數碼港睇，連個座位都會震...
好可惜應該唔再出了，因為一開始睇得兩個人睇... 以為自己一個人包場

揀返啲比較新嘅院同埋揀個院型比較闊嗰種 （咁自然個幕都闊）應該會好啲，希望有都會有其他睇盡香港各區戲院嘅巴絲可以介紹下

好正，但拍到香港周街垃圾咁

唔係嘛巴打 我一顆本來暫時因為睇到上面有巴絲講話好似加咗場嘅消息而放返落嚟少少嘅心⋯又再次高懸啦屌！！
事不宜遲大家快啲入場睇ok？
宜家仲趕得切買到一陣十點幾啲場架
驚太夜就聽日放工睇
聽日唔駛返工就早睡早起睇早場，一係食個brunch再睇下晝場正囉

呢啲叫最佳美術指導！
最悲男角林家棟

我係18/11 去睇嫁

近廿d港產片基本上戲院睇左，就算電視買返嚟播都唔會有意慾去睇，先唔理係咪3級，但我覺得智齒過三五七年電視播係會想去翻睇，因為最低限度咁講，佢唔悶！

星影匯同沙田畫面係幾好嘅
JP都唔錯(仲係MCL果陣)

唔怪得我成日覺得李淳熟口面

有冇人睇緊嗰時諗起juno超生培慾個MV
其實迷戀老母隻手係咪有咩特別故事?

呢兩日都算無咩cut場
口碑都唔錯 靠人傳人宣傳

首選一定係k11同圓方
其次就Bc同emax