做會員以嚟我都只係覆過人哋post而從來冇自己出過post，宜家喺連登嘅處女post就獻俾呢套戲
首先想多謝兩個post，一個係宇宙第一美人嘅《好想俾林家棟呢個衰佬瘋狂掌摑。。。》
一個係愛惜生命無賣淫嘅《如果《智齒》拎唔到最佳美術／攝影／電影／男女主角獎 我切咩都得》
前者我只係入去睇咗幾張相，亦冇拉落去睇因為驚被劇透
後者我直頭只係睇咗個標題
但係係呢兩個post令我決定一定要入場睇﹗﹗
宜家我睇完，都決定回饋，希望盡一分力說服到大家入場支持
好驚佢就嚟被逼提早落畫，票房唔慌高，我早兩日去睇已經得返天地場，大佬宜家先上咗一星期多啲咋…
鄭保瑞呢位導演，雖然有睇過佢戲，但唔算認識好深，只知佢擅長拍啲暴力美學嘢
但呢套戲啲運鏡，真係去到登峰造極境界
鏡頭令人震懾﹗將香港拍得好靚好有feel
畫面充滿迫力，每個場景嘅揀選同道具/服用嘅設置都好一絲不苟…故事亦講得幾好，尤其男女主角之間嘅衝突性，女主角由一開始種避，到愧疚到面對，男主角一開始嗰種癲，到對女主步步進逼，到覺得歉疚… 當然一定仍然有進步空間 (例如對日本仔嘅描寫唔夠深入，呢點一定會俾人話) 但總體故事幾完整。同埋佢真係有試圖將香港低層嗰種販夫走卒嘅生活光景拍出嚟，相關場景攞得好好，不能盡錄…
音樂亦好認真，加晒分
(川井憲次團隊)男主角林家棟演得幾好，個look同浸佬味非常夾 (最後角色結局同手捲煙一鳩樣，有冇咁撚慘呀簡直近期最悲男主角代表人物
)女主角劉雅瑟演出好出色，拍得一定好撚辛苦 (係值得攞最佳女主嘅…)
女配角廖子妤亦演得好好，戲份雖然唔多但個角色發揮性我認為仲高過梅愛芳
池內博之幾OK，演到嗰種黐線佬feel…
另一男主角李淳亦OK嘅…本份演出
呢套戲雖然個feel非常本土，拍攝手法亦好純熟，但個取材故事的確唔太商業同主流，面對香港普羅大眾口味確係有少少吃虧… 但都真係好希望大家可以好好珍惜呢種風格強烈之餘每個畫面場景都咁認真去對待拍攝嘅港產片…
我都知道到咗宜家單憑我微薄嘅力量，都已經應該唔可能將佢票房推得郁幾多
但都想出分力宣傳下，就算最後票房唔高但都唔想佢太衰…係嘅話真係太傷心…抹煞咗一班電影人同演員嘅誠意… 就算唔贏票房贏下口碑都好丫…真心希望大家可以親身入場支持﹗﹗
唔睇走寶
另外除咗可以推介俾親朋好友外，睇完嘅都希望大家可以入嚟呢度或者出post或者去其他相關post留下觀後感，谷谷個熱度佢丫
以下我會喺#2粉字補充多少少資料…
同埋我呢兩日可能唔太得閒推post
所以請大家今次真係認同請分享
，盡量幫手推下佢
分分鐘仲昇華咗 (但如果有彩色版都會想睇多次
)
感謝推post
