【強烈推介】港產電影《智齒》瘋狂吹奏區﹗﹗﹗﹗﹗

斬撞到王桃前係可以再講多啲，例如係咪一直mon住佢幾時出冊，有冇曾經私下刮過佢
八達通撞到唔出奇丫，因為肥仔就係偷咗後喺嗰一帶用，經常喺雜貨店留連，唔嗰刻撞都一定遲早查到
偷車場上面巴打答咗，佢就係去車房逼供，係咁用車門夾手，逼對方講出地點，於是佢就去追
新紮一直死跟爛跟吊著斬哥尾
戲劇巧合主要睇各人接受程度
多謝巴打入場支持

個風格同啲雨係正既，大家講左好多
唉 成套戲俾個濕9劇本搞到好差

1. 將個結局開頭播做乜9？ 一開始已經知道邊個會死唔會死
2. 個吸毒婆無啦啦講日文爆佢男友係日本人
3. 無啦啦日本人會喺香港變左執垃圾維生
4. 咁多滯留日本人又俾佢搵到
5. 最後枝槍又咁橋喺果度

編劇我屌你老母啦
真係令人好難代入套戲

1. 典型倒敘手法，但的確呢個倒敘就算唔用都冇咩影響，用咗反而曝露結局…
2. 呢度係有啲膠 我睇時都覺，明明一開頭唔想講，逗多兩句就自爆，佢大可以死都話我唔知，你咪查囉。硬要講的話就係可樂姐本身都有意欲想爆池內出嚟，因為驚撚咗佢繼續殺人。可以話套戲個重心唔放喺查案懸疑上而係人物同打鬥，但就算咁，查案位明顯都係較弱，做唔到面面俱全
3. 呢個係，點解要安排日本人，話晒經濟大國，南亞都話合理啲…
4. 因為冇咩日本人會逾期居留咁耐，所以個範圍好細，唔知係咪咁原因而安排人設係日本人…？
5. 拾荒漢將槍收埋喺另一個只有自己知嘅地方，呢part嘅戲劇巧合我可以接受

套戲某啲強差人意嘅編排的確會影響咗觀眾觀感，始終戲劇嚟講，劇情同內涵第一，之後再到攝影美術音樂等等，佢係劇情有瑕疵，但後者幾樣嘢又提升返套戲咁
無論點都好多謝巴打入場支持

留意左你條撚樣好耐 想問你係邊間香港電影公司pr 打手唔係咁做

為咗谷谷星期六票房所以早啲出post
聽日有唔少院都會有一場夜晚場，希望住該區附近未睇嘅巴絲都可以入場支持下

https://movie.yahoo-leisure.hk/movie/showtimes/39593



愉快週末仲唔約定你哋班豬朋狗友一齊入場睇好戲？
或者難得假日毒自入場觀賞好戲，享受心靈嘅寧靜，睇完戲再買返杯珍奶打返張卡，chill

週六場次等緊你哋呀！！

睇左 好睇冇冷場

黑白畫面比想像中好

我直情覺得浪費左演員，美指, 道具等等一番心機，登佢地唔抵，好嬲

呢位仁兄你完全令我感覺到香港地想做個持之以恆嘅合格打手都唔容易 我如果有收一分一毫我願意將呢筆錢回饋返票房 可惜暫時電影公司都未聯絡我去出糧，一係你識人嘅話搭搭路好嗎

我對於呢套戲嘅每一句感想，包括吹捧同批評亦都係完全發自真心，公道自在人心

歡迎你繼續質疑我、追擊我因為可以有人幫手推post 萬分感激你

係好睇喱巴
真，入場前諗大銀幕睇黑白片到底會咩感覺結果出乎意料地好
多謝你入場支持呀！！

雖然巴打好恨鐵不成鋼地嬲但如果可以令你為套戲而覺得好多唔抵，正向睇都算證明佢係有佢出色之處，不枉我特意出post
我對呢套戲，就算幾多位 (以上同大家討論嗰啲) 覺得佢係做得唔夠好，我嘅感覺都從來冇上升到嬲程度 只因睇完後個滿足感已足以蓋過 (唔代表佢冇嘢唔好)
但你嘅嬲我係明的 我都曾經試過對一啲明明開頭令我充滿期待但最後爛尾嘅作品而感到極憤怒

係呀，恨鐵不成鋼
個故事將套戲本身可能由9.x 分拉番落6分咁

可以上到9.x分嘅戲原本就少之又少，就算佢喺其他人心目中只得6分，我都起碼俾到8.5的

導演係有熱誠拍戲嘅，始終最少都提供咗震撼畫面同逼出演員演技，巴打唔好咁嬲佢啦

林家楝演得係好，但總覺得差少少野；女主角真係演得落力，無睇錯一樓跌落地真係佢自己拍？

今日睇完幫手推一推
好戲希望多啲人會睇到

有冇人係睇到一半先知開頭個女仔係王桃

我一開始睇唔清楚個樣所以唔知個女仔係邊個 以為套戲係講同時間鬥快去捉兇手 結局就係救佢出嚟 不過斬哥唔知點解要講對唔住

然後到電影中段先意識到個女仔就係王桃 咁個故事發展已經好清楚 王桃會俾人捉 斬哥會救佢 任凱冇死到 唯一唔清楚就係斬哥最後生定死

如果一開始已經知個女仔係王桃 成個觀賞體驗應該會好唔同

要到健康院嗰度先知個女仔係王桃，嗰度有個鏡頭會影住王桃份profile

點解咁多人未睇
見到黑白係覺得趕客？
反而我知係黑白
即刻勁想睇

呢套絕對係今年top 1港產電影
好壓抑 好絕望
女主角好撚好戲
但結局有啲容易估到
如果唔用倒敍法會好啲

美中不足地方
Boss 太屈機。。。有啲唔合理
會扣少少分
Overall 絕對高水準之作
對上一套睇到咁壓抑係韓國原罪犯
呢套都比到呢個氣氛出嚟👍🏻

其實最趕客真係戲名。。。
有啲牽強
戲入面係咁強調智慧齒。。 其實cut 咗呢個元素好似仲好。。。

可能因為年齡同外表都符合，加上演技都浸咗咁多年，林家棟宜家演呢類滄桑中佬基本上都一定交到貨，反而係驚角色變化唔夠大，同古天樂一樣，其實演技已經幾好，但變唔出咩花樣了 (呢套嚟講，覺得佢前半一直都好OK，反而係最後一個佢向著王桃伸手再安慰咁笑個鏡頭，無論佢本身嘅演出定個鏡頭嘅設計，都有少少刻意)
我都記得女主跳個位，應該真係佢自己拍？幾癲下… 睇嗰時都

仲有多謝巴打入場支持

多謝你入場支持呀巴！！
真係好戲嚟…謝幫推

準確啲講應該係直到王桃呢個角色喺套戲「正式」出場 (即係佢走咗後斬發現佢，去追) 就可以連結到片頭個女仔係佢
劇情之後發展落去，算係局部估到發展，起碼一定知王桃冇死而斬好大機會死…
個倒敘我都覺得其實可以唔用…
如果巴打你一開頭已經知個女仔係王桃，你預計個觀感會變成點呢

所以仲係催谷中…
希望有緣望到此post而未睇嘅巴絲可以繼續入場支持
真係冇諗到宜家仲會喺大銀幕睇黑白現代片
佢最開頭個預告，我諗都要係對懸疑劇情片特別有興嘅巴絲先會話好期待

目前嚟講我都覺得佢係今年最好的
有好幾套港產片我都入場睇咗，亦都覺得好出色…但覺得呢套無論製作定意識上都係更勝一簿，所以先全力支持佢，想多啲人睇到、帶下話題

女主演出超水準，一定拍得勁辛苦
倒敘法算係影響咗觀眾對結局嘅預測，會有啲影響，寧願佢順敘
池內一個打你十個 所以最尾都用咗好多時間喺林家棟同淳仔同佢個搏鬥上… 真正打boss

戲名我睇完都get唔到咩意思，都係靠上面有巴絲後尾陸續講返意見 (P.4 #96  P.6 #147) 先get到，如果套戲可以好好地咁表達到個含意出嚟，起碼踩半隻腳上神檯

星期日有咩做？
趁天氣好不如出門活動下啦

食飽後入場睇好戲，出嚟再散陣步先返屋企  喜迎星期一

即刻去link！
https://movie.yahoo-leisure.hk/movie/showtimes/39593

睇睇有邊場啱？


仍然有部份戲院開一場夜場，幾好
食個din去睇時間啱啱好呀！！
唔想搞到太夜？咁一於睇下晝場啦
早起身的話仲可以睇早場唔駛同人迫添呀

大家快啲入場繼續支持啦！！

我入場之前完全唔知套戲講乜 以為個女仔係另一個受害者 王桃就幫斬哥佢地查案 最後救人 成套戲係偵探類型嘅電影

直到搵到斷手女 先意識到個女仔一定係王桃 套戲根本唔係講點樣搵線索拉人 而係王桃同斬哥之間嘅”悔恨”

同埋我覺得好多位導演都想令觀眾感受一種”無力感” 睇住件事發生心諗”唔好呀 停呀” 但最後劇情都係照去 好似斬哥就黎搵到斷手女, 王桃開槍射任凱,王桃被姦, 王桃殺斬哥等等

如果估到晒劇情走向應該會冇咁投入 好似王桃開槍其實冇殺到任凱同埋任凱唔會同日本佬打輸咁 少咗果種生死未卜嘅感覺