【強烈推介】港產電影《智齒》瘋狂吹奏區﹗﹗﹗﹗﹗

個名太柒，智齒
好撚尷

咩事忽然多咁多？？如果日日係咁就good
好想套戲趁宜家口碑谷上去可以拖耐啲落畫個期…無奈已經要俾期聖誕檔啲戲上，目前票房亦唔足以令佢加好多場，開始冇乜場次啦…

再次感謝希望大家都可以繼續多多支持

愈睇多幾次，愈睇得深入
個人都有深度咗
邁向成為社會賢達嘅道路，又短小咗

真架絲入座率如何，現場氣氛好嗎 (雖然因為嚴肅片，應該一路睇都唔會有人笑或者太多雜音)
我睇嗰時感覺全場都幾全神貫注，連去廁所嘅人都好似冇乜

諗返起斬call響王桃電話時，見佢部機個來電係寫sorry sir，心噏………
景嗰啲冇咩偈，因為實景拍，但佢係咪意圖由道具入手模糊個年代感，就真係要睇補充資料

劇本弱，導演講故事功力弱
係場景，攝影救返啲

可以睇但唔好睇

真係冇得講…好似第2頁#44 巴打轉貼嘅資料咁寫，廖子妤都有去cast，但唔係揀佢做女主角咁解，應該唔似話有時合拍片，指定要搵合作方旗下嘅邊個邊個做…
人哋演出亦真材實料；宜家香港開戲始終都係少，同埋係咪個個角色發揮性都會強烈到好似王桃咁呢？諗起就算2000年代噏得出能夠擺上檯面嘅港產女主角，主要都就係鄭秀文、楊千嬅，好似真係冇培訓到啲好瞓身、演咩似咩，同時又為大眾熟悉嘅新女演員出嚟… (演出啲片種仲要主要都係愛情喜劇)
合拍片年代開啟後，更加係就算搵女主角好多時都用大陸演員，趙薇之類，間中台灣(大S)
Stephy係算做咗多年女主角，但早年都係拍下葉念琛愛情片，係到近年間中先一兩套文藝片…

有可能想模糊年代背景？

巴打名唔錯，呼應埋本post
謝幫堆

一齊推

冇啲咁嘅事巴
智齒個朵是有原由的，可以參考第5頁#96、第6頁#147 兩位巴絲嘅解讀
話時話你入咗場未先

我覺得故仔已經講得幾好
佢唔係好著重懸疑，而係人格描寫(王桃) 同人物關係 (斬X桃  斬X新紮仔) 仲有嗰種孽緣感
係有不足處，但總體我好欣賞
攞景、攝影、美指真心強
多謝巴打入場支持咗

星期六，大家未有咁早起身，但我都早啲post今日場次出嚟
https://movie.yahoo-leisure.hk/movie/showtimes/39593

仲有圖


可以睇到全港場次真係剩返唔多啦，但希望咁樣反而可以集中到入場嘅人次，如果入場人次多，有可能會加返少少場

週末兩日關鍵啦 希望大家可以趁假期同親人朋友一齊入場多多支持

朗豪坊夜晚19：40坐得好滿而且入面啲人好專心睇戲

你真係好有心

正呀合家歡場次 入得場嘅一定都係識貨之人，大家坐定定睇好戲
雖然今晚朗豪冇咗7點幾場啦… 但仲有早場、兩點場同10點場的大家記得支持﹗﹗

絲打先有心，真係數度入場支持，身體力行，同你個名一樣

星期六朝早，清早空氣幾咁清新，陽光幾咁美麗
一日精彩，由睇戲飛開始
快啲睇下今日邊場啱你 拉埋親朋好友入場
星期六想瞓下？
OK咁瞓晏少少，下晝先去睇囉
凍，唔想郁，唔想出街？
喂呀星期六唔係hea喺屋企呀？？戲院一大套好戲等緊你，居然唔去睇？come on我只係唔想你人生留下遺憾出嚟啦好嗎

應該係嘅 你見啲警車 救護車都係以前嘅樣 但係㗎地鐵就好新
成套戲啲野都係新舊交錯咁 應該係特登嘅

如果經費夠，分分鐘鐵都想按自己想法搭一架出嚟
都可能佢係唔想件事太現代，想符合返套戲啲景個邋遢頹廢風