【強烈推介】港產電影《智齒》瘋狂吹奏區﹗﹗﹗﹗﹗

美指 拍攝都好正
黑白極淡色嗰效果都唔錯，特別拍到香港好魔幻
有啲位完全唔似香港 想象唔到香港有呢啲濕9地方
同埋好好奇佢個年代背景係咩？剩係可以睇電話去估，同埋硬係覺得便衣狗嘅制服好似公安

劇本就算la 一貫港產片風格，又係為咗某啲自以為好勁嘅戲劇效果而有啲唔合情理嘅安排，又唔驚喜，阿斬咁樣死，真係太易估，又用倒敘法基本上一入局我已經估到。
btw 女主角戰鬥力真係太強，仲有一個爛仔比女主角插咗個肚一刀，嗰個條友嘅浮誇演技真係笑到仆街

我睇嗰陣都係喺呢個位度唔小心咁笑咗

戲名係沿用改編果部小說名
兩者的最大分別係在於原著主角係智慧齒痛果個差佬
而戲入面主要以斬哥角度推進劇情

所以覺得智齒個名同呢個元素古怪其實係好合理
但係又無理由將原著核心主題完全剔除

個人覺得limbo呢個名改得好貼題 但係好難譯做中文

我心諗條友做到咁都過？
定係特登比觀眾放鬆一下

少有高質港產片
輕輕一推

想睇但驚有恐怖嘢

多謝巴打嘅感想， 好詳細
冇錯其實睇戲，嗰種唔知套戲會點發展落去嘅感覺係好重要，所以倒敘法要用的話真係要小心啲，唔係個個劇本啱用… 我都唔太明點解佢呢套戲會選擇用倒敘，順敘其實都冇影響架…
但有樣嘢唔變嘅係，就算用唔用倒敘都好，最後差唔多時候都會估到王斬拎到支槍後係會射中斬…

呢套拍攝同美指真係好掂，加埋黑白化，有種昇華感覺 (但都會想睇彩色版，想對比下係點)
佢搵到景後，美指再執 (道具嗰啲，一堆垃圾袋呀、假人山呀) 實景加咁嘅美指構成場景，真係好正
時代背景我哋上面討論過，話懷疑佢想做個模糊年份嘅架空世界，但又有出現2015年報紙 又話冇講過套戲個背景係香港 斬team人啲衣著我覺得有啲刑警feel
劇本係有bug，但個主題/內涵加拍攝出嚟個效果我自己都係好中意嘅
女主角呢啲叫求生意志

多謝巴打入場支持！！

多謝巴打嘅仔細解釋！！
原來原著主角係淳仔 (其實佢宜家都算係嘅…)
佢拍出嚟的確唔太能夠明確表達到智齒同套戲咩關係，我都係靠睇上面巴絲啲感想先知

多謝巴打幫推

唔驚架絲好睇架快啲入場睇

星期一大家唔駛sad呀眨下眼就又到星期五架啦
仲有好戲陪你一路同行！仲唔快啲入場睇好戲，充實你空虛嘅心靈？

睇睇場次先啦喂
https://movie.yahoo-leisure.hk/movie/showtimes/39593



雖然嚟到星期一，但場次冇點減到，睇到個排片禾都開針到咸左
都係因為有大家一路支持，肯買飛入場，鞏固到口碑 先令此片免被提早落畫
感激大家！！

希望仲未睇嘅巴絲可以攜眷帶fd，繼續一齊入場支持！！

睇完
死黑警藍絲戲
美指係正
演員都正，除咗個新仔上司有啲出戲
睇post話佢哋後期先決定做黑白
會見到有啲場景對比度唔夠
淨係見到一pat嘢

多謝巴打入場支持
要歸類又唔算警匪，話懸疑又唔完全係，我都只能話劇情片
淳仔演技過得去，演呢個角色OK咁
好似話因為唔轉黑白驚過唔到電檢？
你講嘅某啲位對比度唔夠嘅可能性都會有的，始終佢本身唔係一開頭就打算做黑白，如果開頭已經諗住做，成個預備工作都可能會有啲唔同

套戲好似19年之前已經拍好？
我就無特別理佢係屬於咩片
呢個時勢好難無有色眼鏡
投入唔到入面各個角色
特別19年之後體會唔同晒
特別最尾隻狗話原諒人，好好生活
唔感動不特止，仲笑撚埋
女主角又坐多十碌，或者成世困精神病院（坐夠刑期都未必放人，要有醫生同監護人准許，但女主係孤兒）
出返來都通街仇家
叫人好好生活真係難聽過粗口
都依然會讚工作人員嘅努力
有同fd推介過去睇，不過會講到明係狗片，睇完會好撚down

利申：買咗兩次飛，頭一次買完唔記得咗去睇

原著係大陸背景 作者仲要係執法機關的人 所以果堆情節都係符合国情

佢呢套冇特別歌頌差佬呢個職業起碼令我睇落唔會咁哽住
宜家香港再拍任何警匪片都已經好難令人投入啦 (或者另一層面嘅投入)
斬個角色如果換做第二個職業或者會令巴打觀感唔同少少
斬話原諒，係因為王桃需要佢作為一個失去老婆同個女嘅一個人嘅呢句話，同佢差佬個身份無關
王桃自衛殺人，亦有新紮證明佢本身對斬無攻擊意圖，未必入到誤殺
要瞓一排精神病院就梗，個結尾就咁留白就係等人自行幻想個未來
出返來的確都有可能被仇家刮到、繼續被追殺
至於斬到底有冇講好好生活，定只係王桃嘅幻想，係冇人知。不過編劇寫句咁嘅對白，的確老餅咗少少…

原來買咗兩次飛 即係幫補票房兩次仲推介埋fd好多謝巴打對呢套戲嘅支持

原來個原作者有咁嘅來頭 上面理你係唔係執法機構，就算只係平民講嘅寫嘅，都一定要政治正確啦

今日晏咗提大家去睇戲
唔緊要呀仲有夜晚場！！
未去睇嘅巴絲一於趁星期二有特價，一齊去捧場OK？

嚟睇下仲有咩場次先啦！
https://movie.yahoo-leisure.hk/movie/showtimes/39593



好開心新界院keep到好幾間上一場夜場

巴絲們快啲入場睇好戲，多謝大家支持

記得入場睇戲呀

多謝巴打支持呀！！
可選場次同熱門戲冇得比 多謝你就時間入場睇咗
好睇喱

嚟啦嚟啦十點場大家勿忽略 快啲買張飛睇返場好戲啦

而家票房幾多?