狗糧資料庫 / 評價網

想問巴打meadowland狗糧點？

巴打我置頂左個完整解釋，可以睇番

有呀之前幫個巴打搵過，quote 番自己個留言：

今日開始左搵，（搵果陣先發現我個網如果係 5 星既價錢都係差唔多，成$100 / KG，1D都唔平，唔同牌子都唔會差好遠，所以搵緊狗糧既既巴打注意）

咁由3.5星開始睇就會有中價位（其實有D都仲唔平）。我簡左其中成份質素比較好既比你簡。你拉落去成分分析度睇就見到無紅色，姐係唔會有壞野係入面

Boreal (最好簡羊肉/火雞口味，留意唔同配方評價)
https://www.moesonson.com/pet-food-reviews/boreal-original-dry-dog-food

Annameat - 純肉粉，無新鮮肉
https://www.moesonson.com/pet-food-reviews/annamaet-grain-free-dry-dog-food

Zignature - 成份幾好
https://www.moesonson.com/pet-food-reviews/zignature-dry-dog-food

呢3款都係屬中價位，比如Boreal 我上網睇大概$50/kg，姐係一般高級狗糧既一半。 3 款中，碳水較低係Boreal。

聽日睇，整完同你講

Vital essentials mini nibs 幾好，成份靚。
我隻狗腸胃好敏感，食依隻糧啲屎好好，同毛色靚 。
以前食啲冇營養嘅糧個身好多白色毛，依幾年轉咗糧，就算老咗啲毛有翻色同仲深色咗

我隻狗食緊k9

Stella and Chewy

樓主你好。咁啱為緊狗糧煩惱
請問你可唔可以幫我睇睇
我隻松鼠仔，8歲，肥

之前食咗好幾年fromm白魚薯仔
發覺佢d毛唔靚，剃完生唔返，淨生一層毛
糧聞落又臭臭哋佢都無心機食咁最近同佢轉糧
店員推介呢隻仲俾包試食裝狗狗試

但由於太大粒，雖然隻狗想食但食唔到無買
之後有小型犬糧咁就試下

已食咗一包，狗仔毛質靚咗，爆哂毛
依然肥，而且尿量多咗，因為尿片用快咗
之後睇說明書睇到咁多米好驚會唔會食到佢糖尿
想聽下你分析

仲有請問有無其他糧推薦介紹下。thank you

仲有，上面補充，狗仔屎無以前咁多咁

多謝樓主
睇完你嘅分析，原來我隻狗一路食緊垃圾(Royal canin). 依家幫佢轉咗食K9。
啱啱食完一包雞肉，又轉咗食羊加三文魚。發覺佢食咗k9之後，啲popo硬身咗，好乾，同埋好似飲少咗水，想問吓各位，會似係乜事？

屋企法鬥由RC BB糧轉 Famina N&D 幼犬糧中
過程順利

K9 係凍乾 = 生肉

Popo 硬身左同乾，其實唔係壞事

例如狗仔食生肉糧（連骨）既話，popo係好淺色，無乜味，一渣落去就成粉狀



其實咁先係自然。

相反，食糧（猶其較低質素）通常屎較深色而且臭d

食咩就會all咩出黎

飲小左水就真係唔知，btw 凍乾可以加水一齊餵，如果你隻狗真係飲得唔夠水既話

抽真空理論上係可以減慢糧變壞，不過香港最大獲係潮濕同天氣熱，如果要放得耐溫度更重要

巴打你好，遲左覆你唔好意思

評價係度：https://www.moesonson.com/pet-food-reviews/burns-dry-dog-food

呢隻糧碳水成份較高，你食緊果款主成份係糙米 44％，再留意係成份表，仲有白米 13％，加埋已經 57％，姐係起碼有一半以上都係碳水類。

你狗狗本身係肥既話，仲食咁多碳水真係唔係幾好，你有無跟足份量餵佢？餵完佢，佢仲有無好似食唔夠／肚餓咁？

因為狗仔食碳水唔係好飽肚，蛋白質對佢地黎講先係首選，如果食低蛋白質高碳水既糧，佢地唔覺飽—＞食多左份量—＞變肥。

米唔係導致糖尿既成因，但如果糖尿就唔應該食咁多米。

你話佢尿量多左，咁食量呢？飲水量呢？因為狗糖尿症狀同人都好相似，就係三多：多渴、多尿、多吃。不過如果佢體重無下降既話就唔洗特別擔心。

你話佢毛質靚咗，爆哂毛，咁可能佢身體幾適應呢隻糧，如果唔想轉既話可以額外增加肉量平衡番糧。比如，用水煮肉類代替零食，或者間唔中比健康既高含肉量既罐頭佢。

如果要轉糧，唔建議搵太低碳水太高含肉量既比佢，因為佢未必會食得慣，我諗我個網 3.5星 - 4星，碳水大概3x - 40% 到會適合佢。

真係，佢食rc果陣，啲popo臭到，同好多時都爛，每次幫佢執都要忍住唔吸氣。依家係無乜味。

試過加水去浸k9, 條友仔唔食，放咗兩日都唔食。成碗倒咗，佢係要食乾身嘅。

不過k9真係好貴，NZD$38/500g，一個星期唔夠就食哂，諗住再搵吓有冇一隻質素差唔多，平返啲嘅。

樓主你好
屋企有隻幼犬4-5個月大
諗住開始轉freeeze dried生肉
本身諗住轉k9但發現k9 幼犬已經停產
搵黎搵去得S&C有出幼犬生肉

請問樓主點睇S&C幼犬生肉
佢大過左都會轉返k9

你轉的話可能都要預荷包大出血。我隻嘢（細狗）以前食rc, 唔餓到頂唔順，佢都唔願食，食幾啖就算。一包3kg可以食個幾兩個月。依家轉咗k9, 佢要一日食兩餐，所以啲糧去得好快
同埋一食完就立即疴屎

我隻嘢6kg, 我跟包裝上面嘅guidelines

問題係我位老細唔要加水，加水佢寧願唔食。

巴打我又黎la
想問埋呢隻 open farm freeze dried 好唔好

同埋想問吓巴打建議識一款好啲嘅狗糧定係3 星撈5星咁食好啲

我哋而家食緊Addiction puppy，想溝k9

我都係最初轉生肉果陣先發現原來popo 唔係真係甘臭

K9 係凍乾，凍乾基本上唔會點平，因為凍乾呢個過程本身說好貴

如果你NZ local 本地應該有賣生肉糧？

我以前住加拿大好多local farms 賣急凍新鮮肉骨糧

Halo

Open farm 我好像未睇過 今日整

溝糧其實就無咩所謂，不過你溝凍乾同普通糧就要諗下

因為凍乾 = 生肉，一般乾糧係已經煮熟左

你溝埋姐係生野同熟野一齊

有一d理論認為，生肉同熟肉消化速度唔同，消化既ph 值亦唔同 所以唔應該一齊餵

但個人認為狗仔如果腸胃正常，咁樣餵都唔會有問題既

不過，都要睇番你溝糧個原因係咩，如果唔係太特別，我會寧願一餐凍乾，一餐普通糧

多謝你