點解香港人好驚人知佢人工

其實我講嘅嘢就係基於資本市場運作
係做得嘢 但又無complain 做咩要加你？
老細唔會計錯細 但畀到唔代表要畀（咁多）你
好多人都係遞信嗰刻先有大人工加
做到嘢又有得加更加唔會周圍講 個budget就咁多
加你少啲未有多啲位加我多啲

加人工仲有好多考慮 能力只係其中一樣
例如個replacement cost仲大過let go
Hiring/ training 同舊人走新人未onboard 中間個productivity gap都係cost
咁啱唔夠人 會影響生意 就算無料都好 都要焗加人工

港資閪咪多得你呢d人

有d好撚煩架，又要係咁周圍問，問完又要唔開心，覺得低過人又屌，同人地個價近又屌，做野又要用人工來稱工作量，覺得自己做得多過人又屌人地人工高少野做

屌你咁撚委屈起身走啦

不嬲覺得呢啲資訊越透明對打工仔越着數
係香港人心胸狹窄先會咁收收埋埋

我做外資
外國公司都一樣

你睇下你樓上幾層d賤種回覆

係連登就吹大
現實就講少3成

總之就話自己underpaid ,再叫我做野就唔撈喇

比人知自己低人工會睇唔起

你應該係咩都say yes 所以咩尻都隊比你 其實係要識say no 返工要面皮厚

比人知你低人工會笑你廢

明明員工間就應該同一陣線，工資透明同工同酬先會有良性循環，人工合理個個同post人工都差唔遠自然個個都落力做野唔得閒明爭暗鬥啦，同埋員工個個都知自己post人工大概係要幾多先會減少underpaid既情況。
甚至再上啲manager/senior/細老細都應該要同一陣線啦
但華人文化就係一堆垃圾心態，唔係用實力做指標
淨係諗點樣唔蝕底比人，點樣榨壓人，而唔係諗點樣勁啲爭取高啲既人工，一間公司最撚緊要係員工，冇員工撚做到野咩，但啲閪公司既manager同agent就淨係諗點樣食多你幾k，出job又唔撚標價，屌明明請人既錢都唔撚係佢地出，寧願出少幾k請唔岩用既垃圾都唔用合理價請岩用既人，然後一堆廢物老屎忽又靠年資同係公司做耐左既優勢去搞啲新黎既人，不斷惡性循環搞撚到個market臭哂，一去番睇外國啲jobs，個個job都標哂價，又係sell自己公司咁請你入黎，唔係好似香港咁淨係要你有一堆好撚難meet既requirement先有interview機會，仲要經agent先有得in

你開價太低 如果你自問係公司執太多野搞 有bargaining power呢 你要比一比信等佢加一加 咁樣你唔會開心 個心會硬住硬住

agger，曾經做過出邊d工，又係好唔公開，秘密咁收收埋埋，都唔知做乜

又經常發現扭下屎忽就有人工加
明明同一個post，條友仲遲過我入職，見佢扭計又入房見經理，後尾先知已經高人工過我少少
仲要佢本人唔肯講，我打聽翻黎到我扭屎忽話唔撈，又真係加俾我……

只可以講香港地，人又自私（你扭咪扭，加人工咪加人工，你爭取既權利黎，係要鬼鬼祟祟唔敢比人知，驚死我魚蛋論，阻你加人工咁，可以大家都爭取，良性競爭架嗎）
公司又仆街，驚你地知道會唔高興，搞事，個個都爭取（但好多其實係明明預左出既人工，係要壓價打9折黎請人，到人話唔撈先俾翻人，你話唔合理要多好多就話姐，呢d你咪直接唔so佢，由佢走囉）

所以某程度公務員有晒薪酬表幾好

其實人工冇嘢好比
你覺得啱咪做囉
唔係份工值幾錢
係你個人值幾錢

認真真係唔知好過知

過來人

正常反應
問人呢啲嘢根本無禮貌

因為香港人稅低
外國冇咁緊張 係因為gross高一截 net先高少少
香港人差唔多每一蚊都自己袋

大把依啲迫走人啦，你又唔會賠錢炒佢

俾你發現大家同一個位人工唔同
你條氣仲順唔順先

其實真係會影響關係，我同個同事一齊入職，但係我比較勤力，好快就上手，個同事一開頭唔識又犯左d大錯搞到公司蝕左幾廿萬，結果上司鍾意我多d, fresh grad每個月我多我同事一皮野

有次佢見到我糧單後成個人唔同左，開始單單打打話我先係大佬，咩明日之星乜7乜7，明顯關係梳左好多

有人鍾意比較， 不過我就無宣之於口，形於色，好似我升左上去後，有d 同級老屎忽，做野得我一半工作量，但人工高我一倍，唔通又計較咩