「十字兵」斷十字韌帶既你過成點入黎交流下

做完一個月，可以正常行路，屈到110-120度左右可以踩下單車

但係仲未伸得直，行路好慢，上落樓梯要一級級黎

加油師兄！！！！

2017年9月踢波斷前十字，12月做手術。之後抖到2018年4月開始跑番，到11月踢番波。到2019年2月跑傷後第一隻全馬，只係比PB 慢10分鐘。而家已可算好番，不過踢波就得番七成功力。

Week 4 可以伸直，屈曲110度。
傷腳行唔嘅時候，膝頭會卡任卡住，唔可以好順暢咁完成行路動作。另一方面，當我企直個人一段時間，之後想坐低嘅時候，個膝頭會卡實咗咁屈唔到，要成個人放鬆先可以順利屈腳坐低。
有冇十字兵都係咁？

+1
我坐/瞓響度"long"直左隻腳都會卡實咗咁

巴打，聽問下你係去私家照完之後 拎report 去公立門診到睇，公立門診再幫你refer 去骨科，骨科睇完再幫你排期？

5月尾打波落地整斷左ACL，當時未意識到係ACL，又睇跌打同私家（refer 照MRI 但都要等半個月）。
最後去左大陸照MRI，就知出咗事，然後返香港拎返張片入公院急症。等到六月中見骨科。佢話要消腫再安排手術會更好，安排3weeks 後再觀察。
依家情況喺屋企會拐一拐下，但都行到。
今日做完物理治療，喺車到喊左出黎。好驚，上網睇到好多一啲"做完手術嘅唔方便"。大小二便嘅唔方便，乜都要靠家人。

https://kknews.cc/zh-hk/health/4e6prg.html

我想問巴打 "你地做邊樣重建"，"公定私做"我見完見到有自體組織同異體組織。
自體就運動能力相差更大，同耐啲復元？

講真，私院費用上我係會幾吃力，不過我想知值唔值。

感謝

巴打係私院同異體？ 咁快recover
埋單幾多同邊間？

我做完手術3個月 小腿仲係麻痺 似傷左神經
關唔關條止血帶事？

好正常的 有啲人要耐啲退 有啲人會跟一世

我接受唔到成隻小腿都痺呀
仲要間唔中條神經都痛幾下

巴打你仲有冇痺？
你果陣有冇神經痛？

我而家8個月都仲係麻痺 (無痛)
醫生一路都話慢慢會好返
不過而家都習慣左, 無乜野

8個月仲麻痺
你個麻痺位有幾大？

小腿內側，大約由腳眼到上五吋下五吋個位

我都係小腿內側 位置大你兩倍

巴打做到運動未？
仲有冇物治？

做到運動啦，不過都係就住，未敢去盡，仲係有d驚
物理治療岩岩上星期畢左業， 不過隻壞腳都係得8/9成力

恭喜巴打

你邊度做物治？

qe

你而家幾多個月？

岩岩好3個月

加油
正常就快開始要練跑同跳

我落樓梯都仲未得wo

唔洗擔心，單腳練多d就ok

無時間去gym room做leg press的話，就響屋企單腳企，踎向下，再企返企身，可以練埋平衡

不過記得注意安全

我單腳踎時 好似有野kick住咁 會好痛

你果陣有冇？