自己嘅分析決定自己負責,市場定價都控制唔到,對住挖苦只能自嘲自娛
而家先發現原來巴巴uploaded 2020-2021條數,所以updated埋個excel(所以話,單靠自己其實咁樣keep住mon都幾分身乏術,輸在起跑線唔係無道理),綜合睇法如下:
第一,180億罰款係入current liabilities,即係預2021-22先比,未入2020-21 income/expenditure,即係下年預左盈利少180億
第二,2020-21佢發行多咗票據(有見及此所以我又加多一版過往票據條數),但睇佢cash and equivalent同埋short-term investment(財報話大概7成都係短期定期存款,即係同cash差唔多),大概有4740億,比上年多1150億,票據有1072億,比上年多左170億(新增主要係長錢,而且息率低過附近到期啲票據),長短期銀行借貸淨419億,比上年少左287億,即係佢仲係一隻現金牛(cashflow statement可以互證)。睇埋騰訊2020年報,同樣計算騰訊嘅淨現金比例其實低好多(現金加定期大概2530億,借貸加票據大概2484億)
三、利潤無上年咁靚仔,成本大增,但財報有解,因為收購高鑫,入賬左佢啲存貨成本,做直銷同做平台唔同,直銷要入貨,成本當然高啲,所以啲評論話擔心佢越來越依靠低利潤業務,而其他發展中業務仍然未賺到錢,唔係無道理,咁呢度就要諗:巴巴食埋零售,到底係1+1>2、=2定<2?咁就要睇佢會點樣整合線上線下資源,可以達成一個怎樣的戰略佈局,但至少睇到佢唔係只靠食老本,而係有繼續發展本業,唔係等本業都爛哂先急急腳做
四、至於螞蟻,多謝之前有師兄屌醒,確實螞蟻唔可以只算side dish,至少佢嘅份量對巴巴股價影響一定substantial,條數是咁的:19年9月取得33%股權利益,所以螞蟻條數係2019-20先開始反映係巴巴財報上,之前對巴巴的影響,主要是income statement上的profit share payment(佢同巴巴之前一啲分成協議,但入股之後就lapsed)。Share of profit/loss from investees我補返啲細項,明顯睇到過去一年螞蟻賬面好賺錢(前一年點解差咁多,係咪因為9月入賬而相應調整收入比例,暫未深究),淨係33%已經有巴巴本業收入近4分1,所以螞蟻上市谷高巴巴股價係合理(但估值係咪合理就另一回事),因為有好高嘅估值同增長預期,而阿爺監管就好似令呢塊肉無左,而巴巴本業又好似草木皆兵,無哂增長預期,所以插落黎係可以理解,但係咪要插咁多?咁就要考慮佢淨返嘅價值,要諗下:
螞蟻係咪監管之後要執?如果呢個極端可能性唔會出現,咁佢對巴巴會有幾多盈利貢獻?
巴巴本業仲有幾多增長空間,以及護城河可以守到幾穩?
毫無疑問,市場對以上考量都非常悲觀,但只有數字能夠客觀說明影響,年報說明佢財政仍然強勁穩健,又無再出現極端情況,亦唔覺佢基本面有咁差,咁有貨係手都唔爭在睇埋半年業績再諗,反正都預左比連登仔燈到drop to zero
![](https://cdn.lihkg.com/assets/faces/dog/haha.gif)