9988 阿里巴巴 價值投資法 討論區 2

其實你有冇諗過一個因素
所謂價殘而無經濟問題既股票
而同時間同版塊既股票都識升既時候
個隻股票會唔會有d 咩暗病，而係basic on 自己個套，可能完全filter 左 呢d 不行因素

不如諗下呢個方向
我認同baba 既實力
但呢個實力既發展，係建基於大陸完全放手比呢類企業上位既時間中成長
呢個政策/手段，係造就呢隻mega 既誕生
但當政府個方向係收緊翻d 規管
咁佢既基本面就要重新重估，因為自古以來養活佢既環境已經唔再存在

咁都係佢自己選擇啫
針人地有點無聊

唔洗同佢地講咁多
佢地既所謂分析只不過係支持自己唔賣，間公司一早唔同左，大户一早係上年拋售，不過佢地當睇唔到

我只能話係懞丙，價值同支那股根本係矛盾！

如果基本面只係睇條數
咁個個都走哂去買港股啦
洗撚買美股
大堆低PE殘價股都無人理就係因為內地政策問題
只睇財政而唔睇埋外圍風險因素同呃自己無分別
你坐貨係自己申請唔怪得人
同埋隻股仲要outperform個market極多先可以頂住股價
你仲要-26%
成件事好荒謬

呢到有幾位巴打係好硬頸
上次同佢地討論BABA既估值果陣好似仲係150幾
今日130蚊都穿埋
呢位巴打仲要係冇會計底
但堅持睇數做決定既人
忽略左一樣好撚重要既野
數係過去既表現
股票係買將來既預期
我係會計師都唔會淨係盲目睇數買股

我覺得開始見到政策影響嘅方向：阿爺比你繼續賺錢，但唔比壟斷，所以本業生存到，但利潤應該會繼續跌，而問題係而家經濟唔好，所以業績更傷

佢電商本業優勢仍然存在，有規模、高消費客戶所以利潤高啲(你見hktv、京東呢啲規模唔夠或者靠薄利搶客嘅，賺大錢好難)，但唔可以好似以前咁靠佢過世，就算捱過呢轉經濟低潮，只要京東繼續追，到時巴巴嘅護城河應該都會用得7788(但唔代表我覺得京東會好過巴巴)

短期要睇佢雲服務成長，可唔可以做到另一個業務增長點，希望快啲轉盈，咁就可以有新發展(最後都係發展到好似阿馬遜咁)，如果淨食老本，就算唔再沉都應該唔可以爆返上黎

我坐巴巴無怪過人架巴打
而且我個倉都唔係隻隻都要坐
成個倉總有啲賺有啲蝕，而考慮換唔換倉每個人都有自己一套，我都只係路過係度分析下自己諗法啫，又唔係開youtube patreon收人

但屌醒人是對的，所以我會小心啲，諗多少少點manage而家巴巴持倉

樓主話過自己80% 9988

我明個分歧位，其實主要係大家對大陸經濟信心同政策風險睇法唔同

大框架係，我唔覺得大陸經濟會崩潰，所以而家經濟唔好，但我相信最終會復元，而政策打壓係全方位，唔係淨係好似以前打政敵咁針對一兩個，咁只要有實力生存落去，就有機會攞到下一個經濟週期紅利，而巴巴呢一段時間仍然繼續有發展佈局，證明佢有生存空間及生存能力，咁政策風險已經可控得多…內房嗰啲先至係毁滅性影響

簡單講，大家只係好友淡友嘅分歧，所以輕鬆交流下就算，唔駛太上心，我目的唔係要說服邊個落搭，只係分享我諗法，無惡意

簡單咁講，eps QoQ大跌，調低er guidance，係咪代表基本面轉咗？

fb 見到

業字都寫錯，地產狗真係要重讀小學

市場會懲罰睇錯市嘅人

佢哋on9計而家既cashflow

唔會estimate未來既cashflow, 增長，因素，趨勢

on9一條

可以單一股票80%, 已經係on9仔

首先要定義我嘅基本面：公司維持盈利能力因素

基於呢個定義，係我角度，盈利倒退唔一定係基本面改變，如果係咁所有股票面對經濟週期下行全部都要沽，重點係盈利倒退嘅因素…舉例，可口可樂，收入好難高增長，但品牌品質、銷售能力不變，就算經濟差而收入跌，我唔會話基本面改變而沽

而家巴巴維持高利潤能力下降，亦預計可見將來都唔會去返往後高增長，而利潤下降主要受大陸經濟差同反壟斷影響，對我黎講只有後者影響我對基本面睇法

不過由於上述兩個大因素combo出現，加上巴巴開始加大資本投資，到底反壟斷實際影響利潤有幾大，我暫時分唔到比重(因為就算京東，其實業績都倒退，只係無expected咁差，而京東模式係低利潤，利潤變化好難完全直接同巴巴比)，而且巴巴本身都已經做到好大，大陸市場總會飽和，除非海外市場有突破，否則繼續高增長本身都無可能

至於巴巴而家下行週期加大投資能否鞏固自己領導地位，保持往後盈利能力以抵消反壟斷影響，都要時間觀察，如果投資有成效，咁就證明巴巴本身市場實力已經做到一條護城河，唔駛靠合約壟斷，而現階段雲業務收益都越來越好，所以我選擇繼續等一等

已經賺緊 (負) $1.9

仍然跑贏大市

跑嬴大市個隻叫 700
恒指一個一個愈低既低，700 個底愈來愈高
你隻巴巴，恒指未穿十月頭個底，你都衝左落去啦

原來你睇野睇一日，失敬失敬

https://youtu.be/SQv8JcO5Ydk

知巴打你重貨，但感覺你d 分析都帶好多個人情感，建議你睇睇上面條片，好詳細分析左季績同比較baba 同其他中美同業

Sor, 係跑贏我