9988 阿里巴巴 價值投資法 討論區 2

我距離退休有段距離 我都係全倉成長股多
半成長半息有領展選擇

303我由19年頭開始揸

77蚊買過，48蚊又買過

19年就中美貿易戰跌左落去，不過其實佢d產品絕大多數都唔係關稅清單，所以我繼續揸

20年疫情，歐美封關，結果仲賣得好左

反而而家咁既情況唔知走唔走好

https://1drv.ms/x/s!AuUmQb_wxhOUdU4nOuUmZG7sLI0

要睇你對佢往後盈利增長幾有信心，睇年報(link above)呢幾年嘅變化係北美收入下降靠亞洲拉返，電子通訊收入跌得好快，靠電子學習產品同代工追返。要考慮佢1.亞洲增長空間；2.代工合約有幾穩陣；3.同埋仲有無新增長點。佢呢兩三年盤生意有啲似去左樽頸，少少驚佢江河日下，呢轉中期盈利跌3至4成，講明成本升加收入跌，我比較擔心收入跌，因為高通賬成本升係意料之內(而佢往績成本控制都好穩定，所以相信佢成本升主要都係通賬，非戰之罪)，要睇真佢收入跌係無能力收訂單(如航運延期、疫情下產能不足等)，定係根本產品需求已經開始下跌

唔知你有無買佢啲小朋友玩具，有細路都總會有一兩件佢啲玩具，但我覺得長遠出生率低，佢嘅玩具又唔算襟玩及多款(小朋友大得快，口味好快轉)，怕亞洲增長好快見頂，北美如果再跌，隨時總體變左停滯不前

不過作為企業佢對股東有良心，派息跟足盈利派(通常係盈利八九成)，業務穩定，財務上啲應收賬都好穩定，應該跟得幾足，所以價殘買黎收息，短期我覺得未至於擔心會變高息陷阱，不過真係要睇緊啲，尤其老細做左好耐，年紀都大，唔知本身有冇接班計劃，長遠都幾多不確定

唔知其他師兄點睇

成長股有咩介紹師兄

需求我反而未係好擔心，係驚油價連帶化工原料價格急升同埋運費大漲而影響毛利率

供應就擔心船運亂晒會miss 左歐美感恩節&聖誕節個銷售檔期

btw 好似離左題，sor

咁你對佢需求有信心就得啦，佢過往10年嘅毛利率都超過3成(除左2019)，到時睇下keep到幾多

睇過往數字，佢嘅管理層質素係高嘅，只係對住高通脹，盈利呢一跌無可避免，希望通脹真係暫時性

有數據去分析，所有野實在好多，咁樣交流多左之後，再睇巴巴，又會有唔同睇法，所以無話離唔離題，因為我地唔會知邊一刻我哋傾嘅分析，原來都可以用係巴巴度，傾得多總有得著

唔緊要 最緊要傾有價值既野

通用既 價值投資法原則

一理通百理明

我唔介紹啦 大家自己研究啦
介紹唔敢當
我自己持倉有FUTU 9988 700 1810

師兄有冇話睇開咩好書 介紹下

其實睇嘅唔多，不過都inpsiring嘅，第一本應該係大家都會睇過嘅rich dad poor dad，雖然個作者而家有啲神棍化，但以事論事本書係初階者幾好嘅入門讀物，當時睇完真係開竅，重新定義左自己嘅資產負債

第二本就graham嗰本intelligent investor，認識左safety of margin嘅概念

第三本就巴郡letters to shareholders，都係固本培元

開緊graham另一本security analyst，但幾多account野，而且我覺得都少少outdated，因為好多講解都based on成50幾年前嘅會計法則，所以睇得好慢，希望入面會有啲概念而家仲會有用啦…

坊間有啲教分析企業嘅書，好多時係教你計啲roe roa呢啲technical野，我無底，所以成日記唔到，自己都唔肯定用唔用得啱(始終每間公司啲報表總會同教科書有出入)，但睇一兩本都幫到自己認識財務三表嘅原理

技術性嗰啲，我無乜涉獵，知有呢啲就算，我覺得呢啲唔會幫你分析到間公司本質，不過呢幾年經驗都話比我知唔係完全無用，技術指標可以睇到市場先生嘅情緒，如果分析到一隻啱心水嘅股票，有時等睇技術低位入都可以係一個方法，所以知下無壞，但唔係主菜

我成日覺得讀書都係貴精不貴多，其實學任何野都係，學啱方法，個起點啱先最緊要，click唔著自己睇幾多都係白睇

ROE ROA除非係有資本需求限制嘅業務（例如銀行業），其實冇咩用，你要提升ROE ROA姐係間公司要賺多啲錢，同廢話冇咩分別。發現好多散戶好注重呢個指標

cohort analysis , retention chart, LTV/CAC 呢啲就真係有用，但好少見人用

多謝師兄分享，等我認識下先

巴打點睇9923？

本身冇研究呢隻 等其他師兄解答 睇下有冇詳細解說

我暫時對 非印錢機既公司 抱有疑問

9923 IPO列嘅2017-2019條數係咁

https://1drv.ms/x/s!AuUmQb_wxhOUgRVshgbkocwxxPvi

我未入得切2020年報，但睇過佢2020條數，收入基本同2019差唔多，但支付收入跌左幾多，靠business service增長救返，而佢本身資產最大嗰筆，唔計上市攞返黎嘅cash，就係收左客嘅錢，最大負債係等緊要比商務嘅錢，亦係成個支付模式嘅特式：左手交右手，從中收手續費；當然仲有可利用交收款項嘅時間差，將款項用黎賺錢，但呢個時間差相信唔多，睇cashflow佢上市前買好多理財產品，差唔多係即年就收返錢，似乎只係做短期，可能代表佢而家支付生意只係做到短錢比佢

中央而家國策限制支付行業，螞蟻以前嘅支付金融相合咁搵大錢應該無得再做，所以睇怕支付生意個sexy story無左，9923嘅支付生意睇黎都唔會再有乜槓桿空間比佢再搵錢，而你睇佢2020年年報cashflow，唔計上市收嘅錢，佢營運現金其實幾緊，應收賬好多未到手(唔通代表即係交收時間差短左？如果真係，咁佢可以搵錢嘅空間又少左)，對比上市前我覺得好似條數差左，如果佢無其他突破，似乎呢盤生意加佢盤數我有保留

我會攞佢比較327(下面條link有佢咁多年年報比較)，同樣支付業務，不過327係硬件為主。你地而家去商店比錢，店員攞部手提機搞掂哂收卡或掃二維碼，就係佢嘅生意，佢靠出呢啲硬件同租機比商戶賺錢，論護城河一定深過9923，因為商戶有佢部機就可以比個客用絕大部份方式比錢，無論個客用信用卡定微信支付寶，其他機無佢咁多元，佢已經建立左市場地位

但即使屈機如此，佢上市一樣潛下水，你睇到佢係2014同2020有股價爆上，因為業績有突破，2017股價回落就因為業績回落，佢生意增長點幾特別，唔係針對國內，反而係海外，咁其實都側面反映國內支付行業競爭幾大…當然，亦可能大陸二維支付已經太成熟，佢嘅all in one機無用武之地，但外國仲係用卡為主就，又要做大陸人生意，咁佢嘅機反而就好有用

327由上市到而家，業績同現金流都算唔錯，市場地位幾穩，而且仲有息派，但你睇到只要增長唔夠爆，市場就會好殘酷，但業績一做好又會過分憧憬爆升到好過分

如果327呢種穩健營運嘅都要捱價捱到咁，直到佢地搵到個好市場去成長先真正體現價值，咁買9923，我覺得你要先有信心佢往後搵到增長市場(但就算拓展國外，還是要與微信支付寶競爭)，又或者成長中嘅業務/投資可以成為另一增長點，而且你有閒錢，又有心理準備佢要捱好耐價

佢同阿里唔同，支付寶比人搞，阿里仲有電商本業撐住，但支付業務就係9923嘅本業，而家要受規管，佢有幾大競爭力生存、搶市佔？搶得黎仲要業務可以係規管下賺大錢？暫時我從佢財務報表睇唔到呢個能力

https://1drv.ms/x/s!AuUmQb_wxhOUdJnzmHouPxFosu4

其他師兄歡迎比多啲唔同insight

仲買既人 唔驚歷史重演？
跌到殘 提私有化退市
你老豆中過既伏 你今次都中？

老千股

點解要千字文，
官督商辦=put
完

咁有數字先說明到呢四個字對佢業務有幾大嘅實際影響嘛

支那妖股都買