老豆爭人錢，選擇賣女還債

好好睇

好好睇，支持

Lm

Lm

希望女主有個好結局

好好睇

「喊喊喊！早知今日何必當初！」我鄙視地看著他，要是我是他親生，也許我會考慮到他當初沒有把我射在牆上，我就讓他可以減輕半點痛苦。但我不是他親生，這些道德枷鎖完全不能套用在我身上，他必定會有多痛苦，就多痛苦。


離開地下室來到房間，看見外面天色逐漸明亮，我到門外椅子坐著。老實說，奶奶走了接近十二小時了，雖然不至於會哭，但想起以前的點點滴滴，還是會鼻子一酸，希望她下輩子兒子生性，她就能倍感安慰。看著櫻桃樹，怎麼覺得今天特別茂密翠綠，輕輕吹過的微風亦特別舒服，很快就讓我直接在挨在椅子上睡著了。


「汪！」巴頓的叫聲把我從睡夢中叫醒，睡眼惺忪的我朝著巴頓吠的方向望去，見到Jason的身影快速接近。我看看手機，天啊，50條訊息和六次未接來電，到底是有多急，他看見我坐在椅子上，馬上跑過來。
「屌，以為你死撚咗啊，完全搵唔到人嘅！」
「唔洗瞓覺咩！而家先。。。」我再看看電話，原來已經12點了，「嘿嘿。。。12點」
「仲笑，行啦！」
「又去邊？」
「上車再講」
他又拉我上車，他換了一輛黑色跑車，比之前紅色跑車沉實，殺氣更重。


「咦？呢部就係你講過嘅？」
「R35，嘩屌，頭先都唔覺，而家你把口好撚臭啊！」
「咁我啱啱先起身嘛，乜都未整俾你拉走咗！」
「唔好講嘢啊，臭到呢，都唔知你食啲咩嘅」
「尋晚食咗蟹喳嘛」
「屌，唔怪得啦，你啲蟹臭嘅」
怎麼我覺得這句怪怪的？？
「咁而家去邊吖？！」
「我屋企」
「你屋企，吓？！」
「我自己一個住架」
「哦。。。」雖然我的擔心是怕會被Raymond看到，但知道他自己住，也沒有好到那裏去，但也是沒有辦法，現在我已經肉隨針板上。


在高速公路的一條出口拐往小路，我沒有來過這裡，看到一個很大的場地，才知道這裏是馬場。沿著馬場轉一兩個彎，進入一個大屋苑停車場，下車後跟隨他腳步。上到屋苑平台，這裏感覺好豪華啊！花園很大，跟林村的大自然環境截然不同，這裏明顯有格調很多。他打開門，能從露台看到馬場景觀，「哇！你一個人住咁大架？」
「係啊，你自便啦」
「咁你去邊吖？」
「入房囉，係咪想一齊啊？！」
「痴線！」

吓
跟住點

客廳只剩我一個，到處參觀一下吧。他客廳佈置非常簡單，有一個櫃放滿了模型車，旁邊有一部ps4，而且放置了遊戲賽車椅，看來是一個發燒車迷。飯廳沒有什麼特別，只是旁邊有一個神主櫃，上面有一枚觀音像，原來他也信這些？到底他是誰。。。越來越多神秘色彩，害我有點不安。


「睇吓好啦，唔好亂搞我啲嘢」突然聽到他聲音，我心虛地嚇了一跳，
「嚇死我啦」
「嘩！唔得，你去廁所搞搞佢先」他掩著鼻子，是不是真的那麼臭？！
「係啦係啦！」
他指了廁所的方向，然後從我身旁走過，把手上拿著的紙放在茶几上。
「你會唔會有衫俾我換？」
「唔。。。唔係冇嘅」
只見他拿來了球衣。。。算吧，總比沒有好，沒洗澡快受不了。


球衣好大，穿上身完全是oversized ，我邊抹頭邊走出去，他看到我這撩人模樣，不禁吞一吞口水，
「過嚟先，問你啲嘢」他坐到旁邊，拍拍沙發示意我去坐，「你係咪姓周架？」
「係吖，你點知架？」
「唉，點會咁架」
「做咩啫？！」
「佢地查到，條友之前同一個姓周嘅人好close，即係你老豆啦」
聽到這句，我的眼神從放鬆，慢慢變成銳利，拳頭默默握成一團，他們當然密切，要不然那時候就不會這樣對我！
「好啦，你係時候坦白啦，呢度得我同你」
「嗯。。。？」
「佢係咪死咗？點死？」


怎麼辦。。。我知道他只是掌握了一部分事情的真相，想透過我去弄清真相，但我不能完全透露底牌，大不了死，反正我早已把性命放下了。
「我唔講」
「屌！」他一臉無奈，「okok，當佢未死，咁人呢？你拖咗佢去邊？」
「唔好再問啦。。。」
「你再唔講真係會出事架！既然搵到你老豆，即係會搵到你架，你明唔明啊？」
我沒有回應他，眼光轉到桌上的紙，什麼？！紙上有爸的樣子？！
「嗱，你老豆個樣都有，你估下遲啲會唔會連你個樣都有？」
「會」
「咁你明啦」
好吧，看來情況遠比我想像複雜，但我只能擠牙膏式說出來。
「如果佢地搵唔到Daddy，係唔係就會搵我」
「未必，但如果你老豆同件事有關，就一定會搵埋你」
「我Daddy已經失咗蹤好耐，全條邨都知」
「原來係咁，我就奇怪你屋企好似得你一個咁」
「都失咗蹤啦，佢地咁耐冇聯絡，唔會搵到嚟嘅」
知道我在敷衍他，他眼神閃過一絲不滿，這眼神只有一瞬間，仍被我捕捉到，我決定不能完全相信他。


「你呢幾日住呢度先啦，我見到你屋企有cctv，過幾日見到冇人先再返去啦」
「喺屋企先睇到架喎」
「下？你手機睇唔到架？唔撚係掛，咁你裝嚟做乜鳩啊」他露出一副受不住我的表情。我沒有想過住在他家裏，除了要顧忌地下室外，更重要的是我不能沒有巴頓。


「唔洗啦，我住返嗰度得啦」
「我驚你有事咋，你之後未必再喺嗰度見到我」
「你會去邊吖？」
「總之唔喺嗰度啦」
「唔講咪唔講！」
「問多句，佢而家喺邊？」
「我唔知吖！」
這次，他露出了失望的表情，但沒有故意隱藏，而是接著說，「唉屌，真係好心著雷劈，早知嗰陣唔救你」
「哦！原來你當初有目的嘅！」
「嗱嗱嗱，只係啱啱遇著剛剛啫，咁都要你行過嚟先會撞到我架嘛」
「你又啱。。。」我竟然無言以對，要不是我走到小屋那邊，還真的不會碰到他。
「行啦，車你返去」
「咁快？！唔食埋飯先吖？」
「好啦好啦，真係冇你乎」
「Yeah~」

啱啱嗰篇隱含左好多訊息架

竟然變埋偵探小說
睇多幾次先

又未到咁誇埋左啲伏筆位姐

jason 係咁套條女料

兒子生性病母倍感安慰

Lm

Jason都係殺人狂？

Friday the 13th個殺人狂都係叫Jason

睇嚟要重温之前幾篇 再睇重點
本身都覺得jason 相當可疑 反而raymond睇得出係戇直 無機心嘅人 咁嘅話女主角將會中哂陷阱

Jason成日都想女主角，唔住自己屋企，佢應該係想入女主角屋企調查

女主唔好信jason呀