老豆爭人錢，選擇賣女還債

比錯咗正皮

唔想女主咁慘又要幫人賣命 想牙茵為自己做啲想做嘅事
我投Raymond

Jason

Jason

文呀

車裏音樂播放著Dear Jane的2084，「願我可花足一生和你甜蜜
再走到一百歲那誌慶場合
用幾代韻律再聽一遍 動盪時日
願你可不管出生在哪年份
每一生都會有個完美名份
當氣候在震 大氣層重生
無論共我在哪星體都可接一吻」


他退後了，我依舊雙眼瞪大呆在原地。
「行啦，送你返去」
「嗯。。。」
他落車走過來打開我車門，我依然呆滯，明明回家只是30秒路程，感覺像走了30分鐘。我進了大門後，他就離開了，我馬上喘大氣，慢慢走到沙發呆坐下來。我對他的感覺，應該是說不上喜歡，但有好感是肯定的。


回家後收到Raymond傳來的照片，合照時，明顯看到我身子往Jason那邊靠攏，可能我潛意識是比較喜歡他的？男人不壞，女人不愛？我也不知道，順其自然吧。。。


來年要考DSE，所以這個暑假非常忙碌，不斷補課溫習。在學校看到同學拿著YY Lam，Dick Hui的筆記，其實我也很想去補習，可是我的經濟不允許。這些年來，錢都花得七七八八了，剩餘的應該夠我捱到明年DSE後，那時候我就可以找兼職賺錢了。


這天在學校補習數學，我看見Raymond拿著Dick Hui的筆記，就問他借來看看。一看，居然看到Cubic Equation的計算機程式，虧我還計得那麼辛苦！我就毫不客氣地入了4條程式入我的計數機。
「乜你冇去補習？」Raymond看我好像發現新大陸一樣，好奇地問我。
「冇吖。。。都冇錢補」
「咁。。。我諗諗」
「唔好諗啦，冇乜大不了，補習就一定考得好咩，你唔好衰過我添吖！」


捱過了一個上午，和Raymond出去吃午飯時，他爸居然來了學校，
「咦，做乜你喺度嘅？」
「同你班主任傾偈喳嘛，問我洗唔洗搵社工睇下你喎，我話唔洗啦，你生勾勾喺度都冇嘢」
「係囉，唔洗啦」
「你地出去食飯啊？一齊啦，我請！Gogogo」


這是見家長的節奏。。。？

「阿茵，你想食咩？」
「唔洗請我啦Uncle」
「嗱嗱嗱，即係唔俾面我啫～」
「咁好啦，多謝，不如食大牌檔」
他爸染著一頭深啡色的頭髮，黑色襯衣配黑色窄腳褲，戴著一副全視線眼鏡，四肢健碩的他看起來挺年輕，只是撐著一個大肚子，瞬間老了不少。


我點了豆腐火腩飯，別看我是女生，這碟飯我可是吃得光的！「係呢，之前提起你自己一個，咁咪家頭細務都你做晒囉？」
「係吖」
「真係辛苦晒」
「慣咗lu」
「你可以叫Raymond幫手架，條友隨傳隨到」
「我驚佢會添麻煩喳，可～」我望望Raymond，他無言以對。
「其實你真係好可憐，你係Raymond好朋友，即係我好朋友！有咩要幫手真係唔怕講架喎」
「老豆，佢想補習」
「好啊，一齊補囉，我俾埋阿茵嗰份」
「唔洗啦uncle，你好意真係心領啦」
「唔洗唔好意思啦，一係咁，就當借住俾你先，你到時兼職還俾我咪得囉！」
「咁。。。好啦，多謝」看他這樣堅決，我也不好意思再推搪了，就當先借吧。


他從銀包拿錢給Raymond，叫他待會放學後帶我去報名。結帳後，他就說有事做直接離開了，我跟Raymond慢慢走回學校。「你Daddy都好豪邁架喎」
「係架，佢對人好好」
「講嘢仲好大聲添」
「哈哈，佢屋企講仲大聲啊，成日講電話好大聲，走晒音咁屌人」
「係呢，佢係做咩架？」
「咁我又真係唔知喎，做生意囉，但實質真係唔清楚，我唔問佢又唔講」
「哦～～」


放學後，我們去了現代。我語文不錯，只數學不太穩定，所以選擇了Dick Hui，其他的再看看情況吧，如果8月學校的模擬考試一般，到時就去補其他科。


「你喺邊？」此時Jason傳來了訊息。
「大埔間現代，做咩？」
「ok，而家嚟搵你」
「吓？」
這句除了打字回覆，在現實世界我也真的吓了出聲。
「做咩啊？」
「冇。。。Jason話嚟搵我喎」
「佢又想點啊，仲害你唔夠咩，唔好去」
「但。。。」
「咁我一齊去！」

Raymond老竇好豪爽呀，但個仔都唔知做乜，可能都係偏門

「我屌，你做乜喺度架？」Jason一看到Raymond，馬上屌了出來。
「唔得啊？你地去邊，咪帶埋我去囉，又唔係唔見得光」
「唉，你做咩唔講同佢一齊？」此時他居然怪起我
「你又唔問！」
「上車啦」
「去邊？」我跟Raymond異口同聲地問
「去你屋企」他去到司機位置開門上車，我們不知道他這句跟誰說。


我自動走到副駕駛位置打開門，Raymond卻搶先過來，「你坐後面啦，前面我坐得啦」
此時Jason把副駕車窗降下來，大聲喊：「屌你識唔識禮貌架，緊係lady坐前面架啦」
「我坐啦」說完這句我就直接上車了。
「去我屋企做咩？」
「唔係你屋企，係佢屋企」他望了望Raymond
「我屋企？做咩無端端上嚟啊？」
「係咪唔歡迎先，都係我屋企嚟架喎」
此時他已經啟動了引擎，加速離去。


不用幾分鐘，就駛進一個屋苑停車場下車了。我第一次上Raymond家，有點緊張。進門口，就見到他爸用奇疑跟光望著我跟Jason，「你地識架？」
「唔止識，好friend添～」不等我開口，Jason就搶先一步了，他爸聽到後用更奇疑的眼神望向Raymond。


Jason拉著我跟Raymond走進一間房，然後鎖上了門。這間房應該是Raymond的，因為我看見書桌上有補習筆記和書。
「做咩入我間房啊？你都有房架」
「你間房大咁多，我嗰間邊逼到三個人啫，我又咁耐冇返過嚟，廢時俾佢睇到亂啦」
Jason伸手打開電腦，「唔好開啊！！！」Raymond衝上前制止，只是Jason已經按下開關了。


螢幕顯示登入畫面後，就轉入桌面。


？？！！


Wallpaper居然是那天海洋公園，我跟Raymond獨自合照，其實算不上合照，因為是偷拍來的，那時候他深情地望著我，我不知道聽到什麼開心得彎腰笑。「點解你唔send呢張相俾我。。。」
「因為。。。」
「點影架？」
「凱婷影架」
「哦～～」


Jason氣得不說話，開啟他帶來的USB，入面有幾張相片。他望了望Raymond，語氣非常無奈，「唉，其實都可以同你講埋嘅」
第一張圖片是關係圖，我跟Raymond都一頭霧水，只好聽Jason解釋。


「最頂就係阿火，佢係元朗嗰邊其中一個話事人，佢底下有4條線，呢個叫車房強，就係嗰日綁你地嘅主謀」
「點解佢要綁我地？」Raymond不明所以
「乜你冇同佢講咩？」Jason轉過來望著我
「冇。。。」
「得，唔緊要，總之唔綁都綁咗啦。而家呢，你兩個俾人點晒相架啦，所以阿茵，你自己一個喺屋企，就真係好危險」
「我有巴頓，唔怕」
「唔咩怕啊，啱啱先俾人綁冇耐，咁快唔記得啦？」
「不如阿茵搬過嚟住啦！」Raymond衝口而出，但Jason不作理會，
「Stop！聽我講埋先。話就話俾人點相，但大埔係新義安睇場，呢排14k咁樣搞個大頭佛出嚟，所以佢地短期應該唔會搞事住」


「咯、咯」門外傳來敲門聲，打斷Jason的說話，他爸伸頭進來問，「你兩個今晚喺度食啦？」
「我唔食啦，而家走架啦」Jason果斷回答，
而我則吱吱唔唔，Jason想拉我走，而Raymond卻把我拉下，過了十秒，我才回答，


「我。。。留喺度食啦」

點解會live咗

真係好好睇 高汁

我都係

強烈譴責樓豬

咁夜都唔比人訓 cls

佢唔開po就冇事，開得po就可能有呢啲風險

lm

lm

雖然對故事進程無影響 但每次提女主角老豆 我都會代入佢嘅心情 被人綁咗咁耐 日日無得搞手機 做其他嘢 究竟生活係點捱 一日仲要有成24個鐘流流長

推

慘過坐監 仲要成日提心吊膽 唔知自己幾時會死

未切柒煲湯算係咁