老豆爭人錢，選擇賣女還債

要幫Jason療傷

好想女主可以幸福同邊個一齊都冇所謂
樓主加油呀

好睇 留名

Lm

好睇
但樓主係咪用支拼

支持樓主將阿茵配Raymond

速成邊個位變支拼？

因為我都係速讀
我記得有兩個位都怪怪哋
速成應該唔會打錯既字

之後記得proofread

精神崩緊的我，睡得非常差，半夜感覺到有腳步聲，馬上睜開眼醒過來，發現原來是Jason，「你受咗傷唔好亂行啦」
「我要水。。。」
「你坐低等等」
他狀態正常坐下來，我到廚房準備水，偷偷望出去，卻看見他整個人非常虛弱趴在桌上，他看見我出來了，馬上坐直身子裝作沒有大礙。


「哎吖，都咁樣仲扮晒嘢」
「屌，你早講嘛」話音剛落，他那副裝帥的樣子馬上變成虛脫。
「究竟發生咩事？」
「中槍囉」
「我知吖！係咪關上次件事架？」
「唔關，乜你對病人咁惡架」
「都未怪你無端端走入嚟吖！」
「因為我信你。。。」
「係啦係啦，你休息啦」
「唔好同人講。。。」
「知啦」
聽見我的保證，他站起來，向我房間方向走去？？！！


「喂！！」


他不理我，打開門後便直接躺上床睡覺了。
「哼！早知唔救你！」
他繼續不理我，假裝已經睡著了。
「仲偷笑！」
我不理他了，只好到隔壁房睡了。巴頓聰明地當起守護神的角色，在大門旁趴下來睡。


第二天早上，我醒來時他已經不見了。我打開手機一望，發現Raymond傳了十幾條訊息，都是問我到了家沒有，我馬上回覆，「Sorry吖，太攰所以沖完涼就直接瞓咗」
「你安全就好啦，幾驚你有事」他明明最後上線是數小時前，現在可以秒回
「唔會唔會～下星期就mock啦唉，都唔知會考成點，尋日同你玩成日冇溫過書！」
「其實學校mock hea做得啦，之後我地出去報補習社果啲大mock」
「好吖，佢地應該準啲？」
「佢地有料收架嘛，學校果啲都係照垃圾出版社或者past paper嚟出，咁之後再夾時間啦」
「ok~我整嘢食先」


我吃飽後，也拿一份下去地下室。地下室的牆壁掛著月曆，我在12月31號圈起來，兇狠地望著他不說話。他又哭了，可能想到12月31號是他的死期吧？這次，他真的要確切面對死亡了。更甚的是，他亦知道自己不可能舒服地走，這種內心的恐懼感，足夠折磨他好一陣子。

壞人終於死期啦
女主角加油！

Live咗

Live 咗

一個朝早追到live 好好睇

最後食哂兄弟

文呀

離開地下室時，聽到巴頓的叫聲從上面傳來，我馬上回到地面鎖上房間，走出大廳，看見Jason在門外一拐一拐的回來，幸好巴頓提醒我，不然撞破了就麻煩。
「你唔好亂行啦」我見他走得很辛苦，馬上過去扶他進來。
「我返架車整啲嘢啫，咦？你煮飯啊，啱啦」
「冇你乎，食咩吖？」
「你整咩我都食」
「真係？」此時我露出奸詐的笑容。。。
算吧，普通弄個麵吧。
「你下麵俾我食啊？」
「係吖，唔食算數！」怎麼覺得剛剛那句怪怪的？


「喂，你有冇諗過，臨死前最想完成嘅心願係咩？」他吃著，突然問我這條問題。
「唔。。。冇吖，做咩突然咁問嘅，你唔係就死掛？！」
「係啊，尋晚爭啲死架啦，你唔好奇我做咩搞成咁咩？」
「好奇吖，但你想講就會講架啦」
「我俾人出賣」
「哦～～～」
「你唔會出賣我架可？」
「哈哈哈～會架，一陣你就俾人追殺架啦」


此時，巴頓走了過來，用嘴巴拉我的腿，是要我跟牠走。Jason也跟了過來，「仆街，點解佢地知呢度架？！」
「吓。。。咁點吖。。。」心裏傳來一陣恐慌，Jason半死狀態，我又不會打架，對方有兩人，真的沒有勝算。
「行啦」
「去邊？」
「去你個地下室」


為什麼他知道？？？！！！


我瞪大眼睛望著他，突然覺得他好陌生，為什麼他會知道這秘密？到底他還知道什麼？我搖搖頭後退數步，他拉我著手走到房間前，「有咩一陣講，開門先」
我一動不動。
「開啊！係咪想死啊！」他大聲呼喝我，完全是變了另一個人。
我只好開門，然後打開旁邊的地下室門，我們和巴頓一起走進去，我想鎖上門，他制止了我，「唔好閂，引佢地入嚟伏佢地」

伏完之後就食下面

我拿起鐵棍站在門旁，而他則赤手空拳，靜靜地埋伏。雖然通道門沒關上，但很難察覺到上面的動靜。巴頓好像知道了什麼，嘴唇向兩邊咧開，露出牙齒，發出嘶啞低沉的吼叫聲。Jason在輕輕撫摸牠，突然拍了牠一下，巴頓便馬上大聲連續的吠叫。通道很快就開始傳來腳步聲，我們嚴陣以待。


兩人幾乎同時踏進來，我拿起鐵棍大力揮往前面那個人的小腿，他頓時失去平衡跌倒，巴頓衝上前來撕咬，我亦不斷揮棒打他頭部，好快他就沒有了動靜，


「啊！！」Jason痛苦地呻吟，由於棍只有一條，他就跟另一人在地上扭成陰團，我跟巴頓馬上支援，好快也解決了他。我把那兩人用繩綁在一起後，回頭望向Jason，卻看見他仍然倒在地上，腰間的傷口破裂，血流如柱。


我又幫他處理好傷口，「有冇好啲吖。。。？」
「好好多啦，唔好意思啊，而家拖埋你落水添」
「你仲好講喎，而家點算？」
「但冇理由佢地知呢度架啵」
「吖！你部車吖！」
「啊屌，我而家搵人拖走佢」
他打了電話叫人拖走車後，便躺下來稍作休息。


我問他，「咁嗰兩個人點處置？」
「好簡單啫，咩人最守得秘密？」
「。。。」
「你點處置火叔，咪用返同一個方法囉」
「講，你仲知啲咩」我語氣越來越低沉，望著他，他不再是那個熟悉的他
「我只係知有個地下室，其他真係唔知架啦，我都係估，火叔應該死喺度架啦？」
「係，咁你尋晚係唔係想利用我先嚟呢度」
「唔係！我冇諗住利用你！我講真架。。。」
「我唔信你」我流淚了，曾經的我非常相信他，但到頭來都只是我被牽著走，這感覺好難受。
「茵。。。」他忍痛坐起來抱緊了我，「我唔會背叛你，因為我鍾意咗你」


哎呀，他們是串通好的嗎？怎麼一個表白完，另一個又來。

他把我抱得更緊了，我便放聲大哭，一直以來，我都以為自己所有事都天衣無縫，但先有凱婷，後有Jason，都是我身邊最親近的人。被他們揭穿了秘密，猶如在我身上割下傷疤一樣，本來內心冰冷的我，好不容易感受了一點溫暖，不想再次感受失去的痛，更不捨得狠下毒手。


「初初見面，就覺得你好特別，同普通女仔好唔同，後來知道你有事，我第一時間就諗住要救你」
「你真係冇呃我？」我漸漸冷靜下來，脫離他的擁抱
「真係唔呃你。。。」
「信住你先」感性上我很想相信他，但理智上阻止了我。
「多謝。。。」他臉露難色躺下，想必是剛剛勉強起來弄痛了傷口
「咁而家點吖？你咁嘅樣，再嚟多次真係搞唔掂架」
「得啦，我有辦法」他再次拿起電話，說了幾句說派人監視這裏，有懷疑人就馬上通知。


「唉，你喺度養好傷先走啦」
「好！咁嗰兩件交俾你處理啦」他露出一副看我表演的表情。
我回到地下室，那兩人已經醒了，「放我走啊！！！」
吵死人了，既然我問他們什麼，他們也不會回答，乾脆叫巴頓直接咬緊剛剛在叫的那人的喉嚨，他手腳恐怖的抽搐幾下後，便斷氣了。另一人看著不敢作聲，我說趁機問他，「你係咩人？」
「卓爺。。。嘅人。。。」哈，他居然嚇得失禁了，難為我待會要打掃。
「邊個卓爺吖？」
「咪。。。卓爺囉」他呆住了，我不是那個圈子，真的不知道卓爺是誰，他也一時間不能用圈外的詞語解釋。
「係佢派你嚟？」
「係。。。你放我走啦，你問我咩都講架。。。」
「點解佢派你嚟？」
「我都係收order架喳小姐。。。」
「好啦，你做得好好」
「真係架？！多謝多謝，係咪走得架啦」


我沒理他，轉身拿小刀過來，「我俾你揀，刀定狗」
「唔好啦，你放過我啦，我仲有老婆仔女要養架」說實話，這句令我動搖了，但我對他仁慈，等於對自己殘忍。
「咁，對唔住啦」我幫他選擇，用小刀割他喉嚨，讓他感受少點痛苦。就這樣，我雙手又多了兩條人命，我放下小刀，凝視著自己雙手，我何時才能脫離這命運？


旁邊那男人已經不是第一次看我這樣，所以他已經習慣了，我走到他面前跟他說，「見到巴頓頭先架啦？你放心，到時你會再痛苦千萬倍」
我不理他啊啊嗚嗚地叫就回到地面了，看見Jason臉色蒼白地睡著了，便替他蓋上被子，然後把地下室打掃乾淨，讓巴頓大快朵頤。

又live緊睇樓主出po