當一齣電影一口氣睇曬九集,久違嘅耳目一新,星戰原來都可以咁多姿多彩。
自上年十二月,就好期待Visions,十分樂意見到星戰做新嘗試,而且亦希望多啲觀眾可以尊重動畫呢一個藝術形式。各式各樣嘅畫風就好似去咗九個唔同嘅世界,但係storytelling又充滿我哋最熟悉嘅星戰元素。
Visions唔計canon,所以拋開曬所有前設,純粹當好似童話或者畫作咁睇會舒服啲。呢點亦有助新人接觸。希望將來Visions呢條line可以繼續玩落去,畀其他studio甚至乎其他地區嘅動畫人都可以參與。一嚟可以撇開canon嘅掣肘,二嚟可以認識到唔同文化用點嘅眼光去觀察星戰。
最鍾意嘅作品係The Village Bride同TO-B1。
職業病
迪士尼你夠膽寫到明「香港」繁中字幕好心就咪錯咁多低級嘢。已經無理terms係咪統一同埋對英不對日,係講緊你中文用字都有錯、又口語書面語兩溝。