呢個故仔又的確要佢做醜人嘅
我都有啲可惜喺漫畫中佢親力親為撐Quinlan嘅義氣刪走咗 (Republic漫畫大大力推,除咗豐富Jedi人物,仲補充咗唔少前傳/CW政治氣候)
1. Windu講嘢難聽,唔多唔少係因為佢講緊事實。佢對Ventress嘅敵意係基於佢嘅過去。Mace Windu係一個好嚴格、先忠於共和國嘅人。睇住佢一個人兼顧行政外交軍事,出親場又顧住班clones,我就算一樣會唔抵得佢喺呢件事或處理Ahsoka嘅態度(唔同嬲緊編劇寫到ooc,係好事),亦理解佢嘅職責唔易做。佢有必要提出Yoda/Obi-wan/其他議會成員無考慮到嘅「萬一」,而佢就係一個直腸直肚嘅人。
至少頂得順Jar Jar嘅耐性唔係人人有
2. 講返Ch 26/27讀後感:呢本書由Ventress視角出發,咁讀者自然會企喺佢嗰邊。而且喺佢啱啱經歷咗咁嚴重嘅失敗、佢點努力都補救唔返,佢仲要去接受一班佢知道一定唔會信佢、一定睇死佢嘅人去咁樣審,都睇到我好唔舒服。
there is some gender imbalance involved but 甚至係Obi-wan一個咁得人鍾意嘅角色,佢咁樣咁直接去問,我都覺得好似有少少過咗。(雖則第二次用字咁直白,都係Ventress叫佢先直接問)
掉轉站在議會立場,為Quinlan著想,佢哋一定要去問清楚呢件事。好在就係雙方都係咁敵對嘅狀態之下,大家都有嗰句講嗰句,咁先知道應該點做去救番Quinlan返嚟。
3. Venteess講得啱,Jedi的確知道佢殺過好多人、曾經係黑暗面嘅人。Ch 1一嚟就解釋,議會咁做一嚟係迫不得而兩害取其輕,更重要係佢哋好相信Quinlan,信佢做臥底嘅經驗,信佢嘅Jedi訓練。Obi-wan Ch 13唔出聲,都係因為佢信Vos嘅判斷。同一章都提過,要Obi-wan咁熟Quinlan先feel到佢唔妥,所以我認為議會嘅reasonable assumption只去得到「擺個Jedi喺個"ex" Sith身邊係好危險,不過我哋信一個Jedi Master可以應付到」。Lucas話過,Anakin墮落嘅第一原因,係佢自己嘅選擇。觀眾有上帝視角,知Quinlan自己都想學dark side;Jedi唔知,就會先入為主以為Ventress逼佢(which Ventess自己都同意)。
4. 為咗對比Anakin黑化,加強咗漫畫線疲弱嘅戀愛助因。"selfless/love" vs "selfish/attachment" 溝埋落去war ethics,再構成"fall to the dark side"係咩一回事,件事就變得好複雜。我睇咗咁多次都未梳清全部主題。我越後越睇到好嬲/肉緊,就因為可恨書中人當局者迷。
愛情之次,我理解Dark Disciple嘅另一大主題,就係挑戰Jedi Order於戰爭中身陷嘅道德兩難,亦回應Barriss於5.20嘅指控。容後半部出埋再談。
得閒嘅不日記返段書/漫畫比較