仲有無人玩他媽哥池？

今日啱啱買左一部on機
被呢個post 燒親
男朋友見到同我搶住黎玩
唯有買多部俾佢玩，一人一部唔好爭

Hi 我係樓豬
歡迎大家一齊討論下隻雞點玩
meets系列真心幾推薦玩
早排見到update咗好多配件


btw最近見價格回落 $58入手咗eva雞
簡咗真希波粉紅色
本身唔諗住買 但宜家有得養使徒
比想像中興奮好多
一開波必定係adam胚胎



。
。
。


瘋狂放係手心ff自己係碇源堂



經過我悉心照顧養到變咗音樂仔
訓緊教勁可愛



唔知有冇機會二次進化 出到隱藏使徒
之後再update

我放低左一排,我個部係黑色
太雞肋,又細隻都睇唔到佢有幾飽,訓練度有幾高

呢set無愛真係狗也不屌
可玩性仲低過細個玩$99個啲傳統款
太細隻 要驗眼都係致命傷

nano一直都係fans向
我就算對伊貝有愛都頂唔順，摸左兩下就放返出去賣

呢幾日玩緊ms


細細個就識左兩個小伙伴一齊夾band
大個仔之後就同小伙伴一齊比賽想出道
不過頭幾次elaine成日都唔合格（似恐龍果隻）



我自己養果隻唔理佢既時候，
佢自己一個會好乖咁練琴
然後練到自己壓力值猛升
當然我都有斯巴達式幫佢操到三圍999
仲會搵小伙伴一齊團練
最後終於等到三個O，合格啦
跟住既目標係全國冠軍

介紹返，佢地依家玩既係classical
明明琴日排第九，今日無啦啦跌左去第十名

細個好鐘意士多啤梨頭個隻

你呢款好似幾有趣
佢自己練琴個陣會唔會響?
佢哋jam緊歌個樣好陶醉咁

好似就來出拉打
我撚過隻eva,鬼滅都狗也不屌
你地又會唔會入拉打

btw,等緊smart(白色堅靚)

smart諗住睇定啲先
勁多嘢未玩 無時間

自己練琴唔會長叫
偶爾會叫幾聲，然後冒心心，我估佢想我讚佢
不過我通常唔會理佢

同隊友團練就會有音樂
我妹問我做咩無啦啦玩俄羅斯方塊
佢話首音樂好似

開演唱會都一樣會有音樂出黎
演奏完會笑晒咁

等左兩個星期終於收到
不過未買套同mon貼 唔知拆唔拆好
我仲以為會好大盒，結果同盒口罩差唔多大

點解黑白機都咁可愛

等你報告
我仲係十五十六諗緊好唔好預購

新手錶可以結婚嗎？

好多人玩緊啦
感覺應該ok
人物有新設計 有少少新鮮感咁囉
我個人鐘意用實體鍵玩
但手錶改左直接用mon玩，同pix一樣

每一代都可以結婚架
所以呢代都會有
但唔同mix meets咁玩遺傳囉
跟返以前玩育成系列，計miss數育成人物

唔可以蚊電唔知點算
我隻蛋黃哥比我蚊左電之後好耐都無插番黎玩

感謝分享等我又訂返隻玩下先

就期望下有地方有師傅幫手換電
如果唔係佢內置電都幾煩

覺得手錶時間介面好靚
不過起選單揀野要用力少少去禁
如果唔係佢唔會郁...
用慣左平時禁手機既力度覺得好難用
屋企後花園唔見左
變左好似甲板咁既野
客廳隨住節日改變有小細節（左上圓窗賞緊月）

然後內置仲有呢幾款時間錶面
佢好似有計步功能，但唔知有咩用
我包左保鮮紙所以影出黎先淺色
實物畫面係深色返d既
但我唔肯定時間顯示呢d頁面同11月通販果兩隻（粉/綠）
仲有女團粉白色既會唔會有唔同



其他選擇頁面，
同以前一樣啦 顯示狀態 食物 執屎 食藥etc
如果揀app果個選擇會出右下果格既圖 有外賣叫
應該都可以連機結婚，但我暫時得一部機 試唔到




遊戲暫時有四個
第一個係執雪糕，揀返個客想要既配料

第二行其實係兩個遊戲黎，
左兩張圖佢叫你搖下部機就有分數，
第三張圖係同隻狗沖涼，一樣係搖部機，幫佢d沖涼液起晒泡就得

最後果行係送外賣
避開路上既野，有少少難玩
所以我個客嬲豬 呢局我只賺到10蚊




btw 係可以唔洗當手錶咁帶上手既
因為主體可以拆出黎，唔洗用錶帶
所以可以好似平時咁拎上手細細隻咁
佢仲細隻過meets機少少
拆左錶帶後大概同一部黑白機差唔多大

想問下叉電同插卡位個軟膠會唔會好易甩出嚟?數碼暴龍個育成手環差唔多設計但聽聞好易甩