十字韌帶全斷 迷茫中

同你差唔多，打球 跳落地搞到前十字韌帶九成斷 知道個刻都驚左一排 驚無得再運動。

之後政府醫院 ，上年11月做手術
前後大概排左4至個5月左右

現時都係政府醫院做物理治療

個人感覺，其實政府個物理治療 做啲嘢好基本 。我去都只係睇吓個進度 問吓佢一啲姿勢問題，同埋做啲平時做唔到嘅訓練例如滑雪機 彈床

不過佢推介嘅動作，我自己覺得，睇你做幾大量。
譬如佢話我可以練習下單腳踩樓梯上落 做30下 ， 我就做到攰為止 可能成 30下一組 做幾組 最緊要就住能力範圍之內

現時我自己真係操係去做gym 做腳 一星期去兩日 強度大概 做完之後，輕力跳會有d腳震。 平日跑20到30分鐘跑 當然個強度左自己就住。

暫時用政府醫院嗰部機測試 （佢會測試下啲力度嗰啲）
做手術嗰隻腳 已經拍得住好腳做手術前嘅情況

現時運動情況 日常跑步冇問題 真係出力跳高就無試過
打波就打到下 吾痛

加油唔使驚最緊要做康復！

我又斷過
公立應該排撚到仆街
我做手術前同後 最主要都係操大腿四頭肌同後面hamstring
私家個物理治療師唔使一對幾百 一定會好過公立
但係我覺得只要你勤力既話 唔一定要一路俾私家醫院跟住
最乞衣既做法可以睇一兩次私家 之後自己搵gym做
因為除左電同冰敷果啲儀器 其他應該冇分別

同埋做手術前佢會叫你上機試力
最好係要兩隻腳力量差距少過20%先做手術
做完手術都會試力 但係就好難練
因為佢會拎你大脾後面條筋去做韌帶
所以舊hamstring會冇晒力

呢一兩年都見到有巴打話踢波斷十字韌帶 祝你早日康復

要斷就做咩都會斷
只可以減少做危險動作 降低受傷機會

有邊間可以傷後受保 介紹比大家認識下

人地擺明問有無買住院保同醫療保

呢類其實真係有用 你做手術住院都可以揀私家
我以前夜晚𠝹爆隻手 call保險去私院做鏈針 當時重要幫我搵個私家醫生返黎做
埋單差唔多一皮 一蚊都唔駛比

係班人為賺錢不擇手段 加d儲蓄呀投資plan落去
等佢地抽多d人佣

斷咗消完腫,基本行路冇乜嘢,係追唔到巴士
手術後加勤力物理,回復9成
但要個位小心好易鬆同甩教移位,通常係再斷前預兆

人越大，越覺得需要熱身

忍半年唔怕咩

清你好勁 完全講中

所以話足球撚都係傻西黎

前十字撕裂左十幾年都冇做手術

Me too

廿到尾

多謝清 好詳細嘅分享 好有心 請問你當時做占除咗踩單車之外 仲會用啲咩機練？

私家醫院有咩好打手唔打手
香港公立醫院啲嘢有幾粗你自己無體驗過嫁咩

上網search物理治療練習，跟住做

本來都plan咗八月先做 因為工作關係七月比較忙 所以就諗住做定手術前物理治療先

好多謝你嘅分享 啱啱知道斷咗個時真係好驚 唔知點咁 但聽完醫生意見同大家嘅分享之後 我諗我揾到方向了

見到好多巴打好有心嘅回復 抱歉不能一一道謝 小弟感激不盡

越早做越好 上面好多巴打分享心得
補充下 要認清楚 物理治療還物理治療 運動治療還運動治療 兩樣野黎
物理治療：幫到平時行到路 追下巴士 就叫完滿 （我簡稱做stage 1)
運動治療 （stage2)：幫你由stage 1 準備返個身體去運動場 講緊係combat sport上
如果你無呢個stage 就咁去打波踢波
一黎你信心唔會夠 二黎你身體無transition既步驟 好易又整親
如果你到時唔想玩返combat sport, 淨係操尖 都可以唔做stage 2先

19年斷第一次，當時一星期內就做手術，醫院、私家同政府都有做物理治療
政府既物理治療好hea都係冰敷、電、磁敷，其他都係睇你做下運動，會定期測試下你左右腳既力，跟到你左右腳平衡反為止
私家既就會多好多，超聲波干擾波衝擊波乜都有齊，仲會同你拉筋按摩，特別教反你點重返運動
巴打嫌貴可以兩邊隔住做，頭三個月做密d，之後學晒動作就自己落反gym房操，睇你幾勤力其實係可以100%康復
但之後真係要錫身好好保養，斷過好易又斷，我就係見好反晒去打反波，一個唔覺意又斷左依家做左手術又復康緊

加油
之後做gym操番強隻腳
一定可以好得番

你講得無錯 明知踢波受傷風險咁高 都咁鐘意踢 不停訓練 希望自己進步 希望同隊友踢好每一場波 珍惜係球場上嘅每一分鐘 可能連個天都覺得我太傻 要我停一停清醒下

利申:只係踢下週未衞生波 從不計較輸贏 只希望踢到自己應有水準 同享受足球嘅樂趣

公司醫療有無得claim物理治療？有可以試下，出面物理治療$700一次到，巴打保重