十字韌帶全斷 迷茫中

之前傷左膝頭睇過佢地，個度啲治療師都好有心的

巴打你都加油 而家歐國盃可以睇吓波止下癮先 好返先再踢

生意好唔掂？成日出嚟做打手 ig又落咁多廣告

睇姿勢岩唔岩?

返去支那唱歌啦 樓主問有邊間好
咁正常有人推介又話係打手

唔好害人啦呢間野除咗啲人會同你懶frd之外，技術經驗都差過出面好多

Daddy, 又話以前黃大仙美斯既，依加陪我行兩步就痛

中大醫務中心物理治療幾好。物理治療師耐心。你自己唔勤力做，佢仲緊張過你。6百幾一次。

唔好諗到咁灰啦樓豬 而家呢個年代 acl手術好高明
做完努力跟返 無問題
我而家跳得仲高過斷腳之前
而家可以講 係運動競技上 可以屌打之前既自己
因為會操得更加努力 更加仔細

見到呢個post 好多同路人
我前排嚴重撕裂咗條mcl 已經覺得好唔開心
唔咁想像全斷十字係咩感覺

等骨科排期時都可以睇普通科門診攞轉介信先
公立物理治療剩係受公立寫嘅轉介信
到時有報告2邊都交晒過去

樓主保重

公立頭一兩次個治療師會跟住你睇住有無做錯

去多幾次之後就mark低schedule落張紙仔叫你自動波

有錢一定係去私家

可能食唔實塊地

有無片睇下你做咩動作出事
好撚驚

分享下我經驗
我斷咗兩次 仲要同一隻腳
第一次係公立 第二次係私家
個人感覺公立好啲 可能因為公立啲醫生成日做呢類型手術

手術前最重要係做足訓練，因為手術前唔做手術後會委縮得好緊要
手術後要做番足負重訓練，同埋唔好急住做番運動
拉多啲根，因為如果到時隻腳伸唔直就仆街喇
行路會好唔順

私家有咩分別？

物理治療我自己覺得公立好好多
啲護士真係吹你快啲做
唔做就行開

私家就屌你老母全程搵9笨，成個鐘得10分鐘幫我操
仲要淨係踩單車

有個靚女姐姐幫我拉筋練肌肉 因為都十年前 詳細做左咩真係唔知可能...

俾你都唔係公立做物理治療啦
係平但係好廢又冇乜用
俾多少少錢出邊做物理治療

我20年做手術

你手術前如果活動自如
又想慳錢就做gym la
操大脾

做完手術就真係搵番間好既私家物理治療啦

建議你再詳細研究吓份保單，物理治療唔需要住院，單係物理治療未必包，但如果係手術後治療，好幾間都會包

手術前都有機會，真係要睇清楚，當然醫生點寫紙，點證明係手術嘅一部分會係關鍵

多謝鼓勵 而家心情平伏了 揾到方向了 感謝大家嘅回覆

祝巴打快啲好返