為左避免大家無睇晒係咁重覆問,我pin左依度先
「你搵唔到工架啦,儲左20萬/過兩年先去啦」
唔會未搵就打定輸數,就算儲錢目標10萬,兩年太耐我係香港冇野想做。
「你咁少錢唔會有人租比你,起馬要3個月租」
係有穩定生活+足夠收入前我會住airbnb/hostel monthly stay。唔會6萬蚊一落地就睇樓租。長期租嘅話會等男朋友/經同一條path嚟嘅香港朋友夾租。
「應急資金」
緊急資金可以問到屋企人/男朋友借,佢地都有足夠錢借到比我。
「有冇車?冇車點生存?」
依個目前的確係一個問題,有諗過洗唔洗香港考左車牌先,不過聽講冇快轉到國際牌,所以都有諗過落地即考。所以道路交通情況都係我搵工同埋搵住宿嘅考量。
「你會捱唔住」
小小經歷分享,我份人好捱得,少少意外難唔到我,之前去挪威tromsø試過凌晨4點要出發去機場,然後我就落住雪行左一個鐘出去機場車站(backpacker)。果陣見到啲5米高嘅剷雪車好似transformer咁,依家諗返起都覺得係個開心嘅經歷。
「性格/EQ」
19年之後我就有情緒病,冇睇過醫生。有焦慮同輕微抑鬱,最近情況好左,20年去荷蘭嚴重病發,反而令我睇清人生真正重要嘅野係咩,所以我唔會視我嘅情緒係阻礙。我由細窮到大,生活環境可以好差,我認清我只要可以畫畫就得。我認為我同普遍香港人想法唔太一樣,所以可以唔洗用啲大部分人嘅標準嚟量度我。男朋友讀psycho,心理方面有咩都會同佢傾,佢照顧得我好好。
多謝大家比左好多有用嘅資訊我
依家準備整加拿大style cv+落街walk in搵工,睇下要搵幾耐加拿大工先!一年搵唔到再返嚟比大家恥笑~