是咁的，我嘅職業係ptbf 終

有補充

依個念頭浮起之後，我就上網搵關鍵字

然後搵到有個故事嘅post寫住：

「是咁的，我嘅職業係幫人寫遺書」

我即刻pm作者問佢係咪真係有咁嘅服務

「我只係個作者，幫唔到你寫遺書。但我識一個人佢真係做緊，你可以聯絡下佢。」

之後佢就比咗個聯絡電話我

「唔該你。」

「唔使客氣。我淨係講一句，記住如果死咗，就永遠唔會遇上拯救你嘅人。」

「知道，謝謝你。」

如果真係有人可以將我拯救，我都想知佢係咩人

我打電話聯絡嗰位寫遺書嘅人

估唔到係一個女仔，把聲聽落唔似係個會幫人寫遺書嘅人

因為佢嘅聲線⋯⋯有種莫名嘅力量

我估，一個不停接觸悲傷同死亡嘅人，聲線之中應該有種睇透塵世，絕望嘅感覺

但依個女仔，佢嘅語調就好似無一絲半毫嘅傷感

「係喇，你叫咩名？」

「我叫金琉玹。」

「哦？金⋯⋯噢！等你好耐喇。」

「吓？」我聽到滿頭問號，咩等我好耐？

「無野無野，你邊日邊度方便見個面？」

神神化化嘅⋯⋯信唔信得過架？

我地約好時間地點之後，佢就準備收線

「咁我地聽日見啦。」

「咪住！」

「嗯？」

「點稱呼你？」

「你叫我miki啦。」

米奇⋯⋯？

估唔到我每次想死嘅時候，都會同米奇扯上關係

真係惡作劇咁嘅巧合

「好，聽日見。」

上一次嘅奇奇拯救咗我，唔知今次嘅miki又會令我之後嘅人生點樣改變？

定還是我諗多咗，一切都唔會變？

第二日，我沖涼梳洗完後，落到去屋企樓下間點心舖，有個女仔行入嚟，然後打電話

係一個金色短髮、眼大大、包包面、又矮又平胸，個樣有啲似大埔lulu嘅女仔

我電話響起，女仔見到，向我點一點頭就行過嚟坐低，應該就係miki

「哈哈，好耐無嚟依間點心舖。」

「你以前嚟過？」

「一兩次咁啦，我叫野食先你等等我。」眼前依個充滿活力嘅女仔，大概同「死亡」兩隻字扯唔上關係

唔講真係唔知，佢竟然幫人寫遺書

miki喺點心紙兩三下劃好要食嘅野，然後問我食乜，我就求求其其點咗籠蝦餃

「好喇，睇過睇過。」佢誇張咁擺動身體，左望右望

「嗯，眼神雖生猶死咁喎，可唔可以講下你想點寫封遺書呀？」

我慢慢將一路以嚟發生嘅事，一五一十、鉅細無遺咁話比佢知

而miki聽我嘅故事嗰陣，收起本來嗰種傻頭傻腦嘅性格，對眼好似攝影機嘅鏡頭咁，冰冷又無感情

佢喺度觀察我

彷彿喺依兩個魚眼鏡頭之中，我連眼角嘅震動都被佢清晰咁捕捉

「然後，你封遺書就係同阿螢講清楚，你無因為爸爸嘅死而憎佢，希望佢唔好自責。最後喺文末詛咒佢要生存落去？」

我點點頭：「無錯。」

好彩有結局2睇

miki雙手交叉托住下巴，靜靜望住我

嗰種比鏡頭睇穿一切嘅感覺又再次浮現

「你自己無自覺，原來係咁。」

「吓？」miki嘅說話令我一頭霧水

「無野。好啦，我幫你寫，不過有條件。」

「條件？除咗錢之外？」

「係。第一就係我寫完，你要親手抄一次；第二係話我知自殺嘅時間同地點，我要見證你嘅死亡。」

聽落唔係咩特別奇怪嘅條件

「無問題。你咁得意嘅，鍾意見證人死。」

miki笑一笑：「我都係有樣學樣啫。」佢將牛肉球放入口：「係喇，典界利醉後決定瀉胃豬比阿應嘅？」

「噏乜鬼⋯⋯可唔可以呑哂先講。」

佢咕嚕一聲呑咗啖牛肉球：「我問點解你最後決定寫遺書比阿螢嘅？」

「我咪講咗，我唔想佢自責，唔想我嘅死連累到佢死。」

攝影鏡頭好似影相咁眨一眨

「真係咁咩？」

「唔係咁，咁係點？」

miki嘅身體後傾挨住椅背，伸一伸脷：「唔知呢？」

臨走，miki問我：「你知唔知人幾時先知道咩人係最重要？」

我搖搖頭，真係好難跟到佢嘅對話思路

「搞錯呀，你明明親眼見過一次。」

miki一掌拍落自己額頭，搖搖頭：「你真係好遲鈍呀，自己嘅野又無自覺，見過嘅野又唔記得。」

佢邁步離開

「咪住呀，咁答案呢？」

原來⋯⋯最重要⋯⋯嘅人⋯⋯係你啵⋯⋯

miki回頭：「就死嗰陣呀。」

兩日後，miki再約我出嚟，佢話遺書已經寫好

「遺書最重要嘅係你嘅筆跡，所以你要親手抄架。」

我拎miki幫我寫嘅遺書出嚟，睇咗一次，確定無問題之後就照抄

抄完之後，miki將封遺入落白信封

我喺上面寫低：「給阿螢。」

「大功告成！」miki為我鼓掌，唔知仲以為我寫情書唔係遺書

「等我交比佢啦。你諗住幾時，喺邊度自殺呀？」

我感覺到有少少不協調感，有啲好細微嘅野唔妥，但我無辦法察覺到實際上有咩唔對路

「我諗，應該今晚十二點，喺我屋企嘅天台。」

我將地址比咗miki

「原來你住依度。」

「你知道？」

「知呀，你樓下個看更伯伯成日訓教架嘛，得新年嗰幾日逗利是先會醒。」

「點解⋯⋯你會知⋯⋯？」

miki望向天空：「去過咪知咯，蠢。」

佢留低一句，今晚嚟見你，然後就走咗

真係極度神神化化、奇奇怪怪嘅女仔

到我翻到屋企樓下，李星同浩然咁啱拎住啤酒行入去

我拍拍佢地膊頭

「嘩你出街喇！」

「哇你剃咗鬚！」

「嘩你沖咗涼！」

「哇你換咗衫！」

佢兩個開心到連珠炮發

「得喇得喇。」

李星拎起手上嘅啤酒：「我地見你咁多日仲咁消沉，諗住同你一齊借酒消愁呀。」

啊⋯⋯如無意外，今晚應該係最後一晚同你地飲酒喇

但係我怕

我怕自己會唔捨得你兩個好兄弟

「痴痴地，我無事啦，唔洗擔心，今晚唔飲喇，聽日朝早約咗人。」

我只會說謊啊

「咁呀⋯⋯」佢兩個有啲猶豫

我推佢兩個嘅背脊

「得架喇，我今日出咗成日街攰喇，翻到去就沖涼訓架喇。」

佢地見我咁，就話：「你攰就唔阻你休息喇。浩然，啲酒點呀？」

「咪去碼頭飲咯。」

佢地兩個向碼頭出發

我目送佢地嘅背影，一步一步遠去

這是最後一次了，就讓我目送到最後

兩個背影同一時間回頭

佢地回頭嘅瞬間，我嘅眼淚幾乎自己標出嚟咁滯，差啲忍唔住

「流星號等你翻嚟架喇。」浩然同李星異口同聲咁講

「嗯。」我點點頭

不必等我回來了

趁住佢地轉身，我又轉身，揞住口，令自己唔好喊出聲，慢慢行入大廈

我翻到屋企，訓喺床上慢慢等時間過

我仍然有浩然同李星，自殺，係咪真係正確嘅選擇？

我知道佢兩個如果知我死咗一定好傷心，但我仍然控制唔到自己

唔知我死嘅時候，會唔會後悔呢？

我撐起身，去拎翻媽咪同老豆以前嗰啲合照出嚟睇
人喺幸福嘅時候，唔會尋死

只有喺痛苦嘅時候，先會自殺

無一個中咗六合彩，親人相處和睦，同女朋友甜甜蜜蜜嘅人會突然間想自殺

當中必然有遺憾、必然有問題、必然有痛苦

我只係，無辦法憑自己跨過依啲遺憾、問題同痛苦
只係咁樣

諗下諗下，就訓著咗

6s

到我起身嘅時候，已經十一點九，我離開屋企，鎖門

咔嚓

然後㩒𨋢，上去天台

真係一個適合自殺嘅舞台，好似舊年先有一個男仔同女仔一齊跳咗

miki已經到咗，佢就企喺天台小屋嘅門前，一開門就見到佢

「你⋯⋯點入嚟？」

「看更伯伯又訓咗丫嘛。」

miki遞出一條黑布比我

「做咩？」

「你蒙住對眼跳丫。」

「吓？」我又再一次完全唔知依個女人想點

「聽我講，蒙住眼，行去邊緣，然後自轉十五個圈，轉到分唔清前後為止。最後向前踏一步！」

佢一路講一路做示範

「我點解要咁做先？」

「幫你認清楚一啲自己都無自覺嘅事。 」

miki遞出黑布

我懷疑咁接過嚟

「放心啦，我以前都試過，好有效架。」

我完全唔知miki想點

我行到去天台邊緣，企上圍牆，用黑布蒙住雙眼
開始自轉

寂靜嘅黑夜之中，完全無任何聲音

我慢慢分唔清楚方向，仲幾乎失平衡

而家咁樣，我唔知道我踏前嘅一步，會令我生定死

我可能下一步踩空，然後下跌，亦有可能下墮跌翻喺天台嘅石地上

miki話咁做係幫我認清楚一啲我自己都無自覺嘅事

真係向前踏一步，就可以知道？

我之前一直感覺到嘅微少不協調感，又到底係咩？

踏前一步，就會知道

我深呼吸一口氣

向唔知通向死亡定生存嘅前方邁出一步

人幾時先知咩人係最重要？

就死嘅時候

我嘅身體開始下墮

就喺嗰一剎那，一個笑容出現喺我漆黑嘅面前

同我之前喺屋企想跳樓一樣，同一個笑容

「我會令你，變成真嘅。」

「你可以唔愛我幾年幾月幾日，但愛只係一刹那，就可以推翻所有唔愛嘅時間。」

身體繼續下墮

啊⋯⋯原來我後悔

原來我唔想死

原來我唔係傷心到無辦法憎恨

我只係無自覺，原來我愛你，所以無辦法憎你

喺我要死嗰一刹那，我開始用心眼去睇依個世界，所有嘅野，都可以睇得前所未有咁清楚

尋死的巨樹，化成小木偶

金仔

唔好死呀

頂 我要結局二吾金仔死吾去 跌返落個天台度呀

黎啦黎啦

睇結局二好唔真實

結局一算啦
結局二 好浮誇