是咁的，我嘅職業係ptbf 終

信 盲目相信

好掛住阿螢，好耐無講佢

幾時變happy end

信

留名一出戲院就見到阿螢拖住條仔行過

睇完套戲出嚟，老豆問我跟住去邊

我話係秘密，叫佢跟住我

根據我嘅記憶，媽咪帶我去過一次嘅地方

嗰陣嘅我大概十歲左右，雖然記憶有啲模糊，但唔多唔少仲有印象

「間間舖頭都唔開門嘅？」

「比政府收購哂喇，唔開架喇。」媽咪拖住我，喺街道漫步

白色漁夫帽、淺藍色嘅棉織碎花冷衫配上長至小腿嘅米白長裙，永遠留喺我記憶之中

「咩係收購？」

「即係比人買咗，以後唔使做生意喇。」

「咁佢地以前做咩生意架？」

「印刷。」

媽咪話，依條叫做囍帖街

我同媽咪由街頭行到街尾，又由街尾行到街頭

毫無意義咁喺一條寂靜無人嘅荒廢街道行呀行

「我同你爸爸呢，廿年前就係喺依度行呀行，逐間逐間格價。」

行到中間，媽咪停低：「結婚有好多野要準備，過程好長，有時都會猶豫下，真係咁就結婚架喇？」

佢話，因為已經過咗熱戀期太耐，所以準備結婚嘅時候不停反問自己，真係依個人？

我而家諗翻，如果到結婚仍然會問依個問題，咁其實都唔係真係好愛

「直到行到依間，決定落訂之後，你爸爸拖實我行翻出嚟，佢合埋眼吸咗啖氣，然後望住我講，終於，真係結婚喇。」

我嗰陣對情情愛愛無乜興趣，但我鍾意聽媽咪講故事，所以靜靜望住佢，無出聲

媽咪凝視生鏽嘅鐵閘微笑，佢眼中所見嘅，一定係超越鐵閘嘅昔日

「成個老襯～從此被困～」媽咪合埋眼：「所有猶豫，都喺嗰一刻消失哂。」

成個老襯～從此被困～

爸爸看著媽媽

你就，困我一輩子吧

困我一世啦金仔

好sweet嘅金爸金媽

點解我覺得寫親情嘅部分係成篇小說最正嘅位

推下post希望你終唔到

諗翻，我嘅口甜舌滑或者遺傳自老豆

「依條係⋯⋯」老豆問

我望住已經完全唔同嘅囍帖街，懸掛空中嘅燈籠、瑰麗堂皇住宅、中式餐館、花店、珠寶店等等

我眉頭皺起，舖頭嘅主題可以約略推測，應該都同婚嫁業有關係

我都唔知原來囍帖街變成咁嘅樣

將本來自然形成嘅特色摧毀，重建之後仲夠膽用翻昔日嘅特色作招徠？

「係⋯⋯以前嘅囍帖街，我估唔到變成咁。」

講得出心大心細結婚既心情
要經歷幾多野先可以寫得咁細膩度

正評攻擊快啲出文呀

老豆知道依條街嘅原形之後，笑咗一聲

「走啦，依條街已經無意思。」

我嘅原意，係諗住同老豆行一次

因為我本身無諗過依條街嘅重建主題會咁令人反感

「成個老襯～從此被困～」

老豆無行入去條街度，但嘴邊哼出昔日，媽咪哼過嘅歌

最美的囍帖街，留在昔日

最美的回憶，只存在於過去

「其實聽到你做兼職男友都幾欣慰，不停出售感情，就代表你唔會將任何人睇得太重要。」

「老豆！」我見佢行遠，大聲叫佢

老豆半回頭，望住我

「唔？」

「點解⋯⋯點解你一直都唔正正經經搵翻個新老婆？」

我一直以為你忘記咗媽咪，但係昔日嘅歌，唔會呃人

佢笑

「囍帖街重建咗，仲係唔係以前嘅囍帖街？」

人嘅價值觀，總會喺言語之間透露

原來佢一直、一直無忘記媽咪

我跑前兩步：「點解你嗰陣要丟哂媽咪啲相同錄影帶？」

是時候，解開心結

眼濕濕

好正啊樓主 由愛情講到親情

加速

放低定放唔低好d
有冇答案